迷信父母選冷門字為孩子改名 全名103劃寫到手軟兼冇人識讀

"這位學生在討論區《名校Secrets》大呻對於自己名字的不滿,指自己獨特的姓名為他帶來很多不便及煩惱,所以希望年滿18歲成年後為自己改名。這位學生表示自己的爸媽因為迷信,所以特意找算命師傅為子女改一個好意頭的名。學生指自己姓「禤」,這個姓氏本來已比較少見。誰不知算命師傅竟起名為「靐龘」,寓意長大後飛黃騰達,而全名「禤靐龘」的讀音則為「圈憑踏」,相信大部分人都不清楚如何發音。

學生訴苦指,異於常人的名字為他帶來不少苦惱。他無奈地稱,讀小學時經常因姓名而被取笑,同學都為他改花名為「雷雷雷龍龍龍」。升上中學後,雖然再沒有人因名字而開他玩笑,但就因為大部分人都不知其名如何發音而直接稱他「呀喂」。有時甚至連老師或他自己亦會讀錯名字,讓他在班上出醜。不過最令他困擾的是,他的全名共有103劃,筆劃是別人的幾倍,以致考試寫名都更花時間,有時亦會怕不小心寫錯。

雖然知道爸媽改這個名是帶有祝福,但基於生活上的種種不便,學生曾經向父母提出希望改一個較普通的名字,不過對方卻以改名不吉利為由拒絕。"

又一對自私迷信既父母~戥個小朋友慘。

6個讚

用太生僻嘅字改名真係玩個小朋友

其實我覺得改名最緊要唔好用冷僻字,發音響亮。

有啲人揾師父改名,如果對方比個咁嘅名我,我一定叫佢改過。

1個讚

啲筆劃密到我睇到已經有少少頭暈😵‍💫

太特別嘅名,一係成日俾老師嗌答問題,一係老師唔識讀,避開唔嗌:laughing:

4個讚

明比父母玩

103劃,好慘:rofl:

佢個姓就已經冷門

佢姓名咁特別,講左出嚟,應該好多人知係邊個,唔係secret 啦

1個讚

好彩依家唔興罰抄自己個名啫,如果唔係……

1個讚

「禤靐龘」呢個名已經出名多時

真係搵細個仔嚟搞:woman_shrugging:t2:

1個讚

我連睇個電腦字都睇唔清楚筆劃
睇到黑色一堆野

5個讚

佢講左自己全名,全世界都知。

不過呢個好似係 2 年前嘅新聞。

但網上睇唔到讀邊間,通常一般就算唔太出色嘅學生,打自己個名/英文拼音或多或少都搵到自己嘅資料(有仔女讀緊書嘅可以試下,真係會搵到),但呢個就完全冇任何資料。

其實一直都唔明,子女明明係上天俾父母嘅禮物,點解要交俾一個陌生人決定改名咁重要嘅事?

啲師傅仲要改啲化學元素名,金木水火土….
搞到又難讀又難寫

3個讚

因為想個小朋友好,希望一個適合嘅名可以幫到佢,我小朋友都有搵人改名,但師傅無俾啲奇怪金木水火土嘅字我揀,而且改左個名係符合我對小朋友嘅祝福同期望

但依家都有人喜歡改別人唔識讀既名

2個讚

咁佢父母應該好開心,佢個仔出哂名啦

其實大人有無諗改咁多筆劃字俾小朋友,到幼稚園高班初小學寫名,最後係玩死自己。

父母有無諗過小朋友感受架?點都有諗過罰抄時有幾有鑊呀?

可能家長己經改左名?
純估~~可能改番禤雷龍? :rofl:

雷龍令我諗起打機隻怪獸名。

1個讚