話說前日有啲出血入咗醫院，
醫生話第二日可以出院。
我就打比老公一直打都唔通，
試吓打比62同佢講，
62話佢都打唔通。
話過多一陣再試吓打。
本來我都諗住老公唔得閒咪自己番屋企囉。
點知我收到佢哋群組，
話99自己收咗工趕緊去我屋企幫我湊bb,
話擔心bb無人睇。
我比姑仔話：很多人懷孕還上班呢，更別說自己出個院那麼簡單，又沒啥，搞的老媽子上班還跑來跑去，不累嗎？自己能做的事就自己做好，不要總是依賴別人，女性獨立一點才更好，不要什麼事嘟靠老公。
自己感覺沒啥，可以自己出院也行啊，總是要靠自己獨立的，現在出個院，本來也不遠，搞的老媽子在上班又要請假，匆匆忙忙過我屋企，老哥又聯繫不上。
感覺我們做事也不用那麼讓人操心啊。
我只回了一句我知道了，
聽到呢度，我覺得好委屈感覺。
即時係醫院到喊，
其他人唔知我咩事叫社工黎睇我。
再打俾老公話：
99已經到咗我拉，
等一陣又要番番去做野，
佢果到每一個鐘都要計錢架。
我同我媽咪講，
媽媽話姑仔都係錫佢媽媽姐，
你唔好怪佢。
因為我從頭到尾都無要求過99咁做。
你姑仔大陸人來架？寫野咁難明嘅
10個讚
直接覆返，我冇要求過99來，係佢自己要來，叫佢有咩問返佢阿媽，使同佢客氣
3個讚
同感
係囉，仲要北方人先會咁打
3個讚
最後我係決定自己番屋企.
我都同老公私底下講左下次有啲類似嘅情況同99講我攪得掂叫佢唔洗請假。
當口當面我無話佢，
如果我話左佢，佢一定同佢哥係後面講我。
佢哥好錫屋企人，
所以一定會炒大鑊。
下咁即係你老公唔使錫你啦，咁你仲走去生第二個？
最L憎呢Ｄ裙腳仔，咁錫屋企人一家親咪算囉，娶個老婆做乜啫
6個讚
唔係香港/廣東人? 真恐怖, 佢老母自己想嚟湊孫佢唔抵得咋嘛? 你99睇落其實都冇咩嘢
之後我同我媽講，
我媽同我99講，
我番黎既時候，我99話已經話左佢。
叫我唔好唔開心。
1個讚
你99睇嚟對你都唔錯, 姑仔不嬲都難搞, 猶其是你99對你好佢更加唔忿氣 
4個讚
好多人懷孕都上班？要比較？
好多人唔會口多多，佢呢？
3個讚
如果我出院我老公唔接我，而佢啲屋企人比說話我聽，我老公下半生應該好難過
唔係下半年喎
2個讚
佢唔接我可以理解因為有一個16個月大仔要湊。
睇落你99都唔錯, 仲同你阿媽有溝通…
你想你老公接你同99去睇BB係2回事來架嘛
感覺係姑仔想做大家姐話你姐，你老公又唔介意, 你99又唔介意幫你, 幾時到佢出聲。香港人同人相處嘅方法, 呢啲表逹關心嘅行為呢啲人唔會明架啦, 唔好理佢啦
1個讚
如果係我, 我會直接同佢屋企人開火。佢唔俾面我洗乜俾面佢, 佢唔識做咪當冇呢個屋企人囉。
佢自己都係，
一有左就無番工。 
但佢要係男家買餸煮飯果啲。
一切家務都要做。
呢啲我係屋企都有做，
只係無去街市買餸，同煮飯。
我煮野唔好食，
其他家務一手包辦。
加埋下半身都好難過
1個讚
當然，不嬲都自己嚟
如果少事，忍到嘅話等我老公，佢知道我下一步好絕所以會即刻處理
我一結婚已經係咁，底線清清楚楚，我一開始個勢好強，寧願做衰人，所以十幾年反而同男家相安無事
1個讚