我仲可以留低因為香港仲可以講廣東話同用繁體字。
但當呢兩樣都無既話，我諗我就算走唔到都會立即９秒９送走仔女出國。
我真係接受唔到毫無意思既殘體字。
5個讚
人人的底線都唔同，而家狀況我已經接受唔到要即刻走，但有Ｄ人又覺得冇乜所謂，俾仔女繼續讀小學
7個讚
我對於大人自己容忍度都高，我食大陸野都接受到，因為已經係成熟發展完全嘅人，有能力分辨是非。
但對仔女真係忍唔到，一推國教我即刻走喇…
痴線架咩，作為家長晚晚收工陪功課陪溫習，犧牲親子時間同關係，都忍你！
學校而家要教假歷史假信息？咪玩我啦
5個讚
我都好想走或送仔女走，奈何另一伴無諗過。
唯有唔知幾時去到我條底線。
不如同另一半協商下「大家共同」嘅底線去到邊？
如果只計你自己，當忍唔到果陣，要犧牲伴侶，好慘架
我有問過我身邊有大女大仔既媽媽點樣陪溫書，話一去到通識大人小朋友跟本都入唔到腦，同其他科比較，用大半日先免強塞到入腦。
唉～～～遲啲到我，我都好L驚，又要溫，但心入面一定勁爆粗。
未發生佔中前，佢有講過，當香港有幅射佢就會離開香港喎。 
1個讚
你可以想像到小朋友即會有幾矛盾
1個讚
太唔update 喇， update下新想法啦！
我覺得有必要比對方知道你嘅取態、你係好珍惜雙方關係 所以想溝通好，你嘅底線、過左底線你係會爆、同埋你係願意為左佢同完整家庭去將底線作出一定範圍嘅調整。同樣地，佢都要，唔好諗住佢一路唔改變唔犧牲，你係會改變立場/啞忍
3個讚
其實好易,你睇台山核電就知道
叫你老公買定核輻射測量儀器,
到時天文台都信唔過
3個讚
所謂底線，係真正走咗之後至會見到
一日唔走，底線只會越set越低
11個讚
香港變到咁已經好難頂，連泛民都拉，獻花都唔准，表達任何唔岩聽既野都唔得，見到成班牛鬼蛇神就作嘔
6個讚
一早過哂我底線，但另一半好多憂慮唔敢走
2個讚
我覺得去到全民健康碼，限出限入已經要
3個讚
係質疑已經唔得啦
見到學者係咁走，已經知道出名嘅學者隨時有危險
加上大陸又限乜限物，香港班刷鞋精會跟架
睇醫生要收’紅包’ 
1個讚
我底線係好低，人近半百，再差嘅地方我都去過，我當自己住深圳，但我怕就來仲衰過深圳。
底線係封網，消息封鎖好危險，咁大件事都冇人講嘅地方唔可以長住。
核爆就一定要走，飲食都有問題，點住?
3個讚
佢憂慮啲咩？
我朋友又係另一半唔肯走，佢都好苦惱
警察同司法都保護唔到小市民，即係而家
民主呀普選就一向都預咗冇
1個讚
我覺得深圳唔會下下比人話 深獨 囉