知命認命係咩意思？咁如果算命講既野都唔準既時候都可以知命認命？
車公廟陳天恩解纖
多謝你呀YEAH YEAH. 完全明白你想講既重點.
一方面好感謝你資料(真心感激. 你唔識我都肯分享咁多)
一方面又好無奈我完全幫唔到佢.
個腦即刻諗唔通真係人地口中講忠忠直直終需乞食…
積陰德我一直都有捐錢比動物機構. 不過唔知算唔算係呢?
始終比人既機構太多係呃錢自肥我實在比唔落手.
風水我覺得好神奇架. 我由睇你插花見到你影間屋,
到你風水POST都一直覺得你屋企真心好靚好舒服!
我一直都好想睇不過睇過真係太多師傅.
好難去簡邊一位. 出名既藍人我真心唔想搵… 
都係, 如果自己放野都咁容易改到風水. 就唔駛要花錢搵師傅幫手睇了 
只係想睇下會唔會有機會幫到所以一試.
PS: 睇YEAH YEAH講風水, 我最記得你講廚房一定大 
發現被你tag左, 入黎浮個水 
多謝你既feedback
好開心你記得同對應返我幫你既解讀, 深感榮幸 
互相呼應左,成件事好有趣
關於神通依樣，想分享下。
朋友K，經人地介紹去港島睇一個cfu，話睇下相就講得出果個人既野，有次俾左佢自己老細既相cfu睇，cfu話朋友K短期會失業，叫佢自己有心理準備，結果3個月佢老細就走左佬，自始就信到十足十。cfu叫朋友k唔好放黃色既裝飾o係個廳，有一日朋友k覺得有d唔順利就搵cfu睇啦，cfu話佢唔聽講擺左黃色裝飾o係廳度，朋友k話無，cfu合埋眼一陣就好清楚講出朋友k屋企格局點樣擺傢俬，講埋有個白色鋼琴，個黃色裝飾就係o係個鋼琴上面。
朋友k當時諗唔到係乜野，返到屋企睇，原來係泰國手信木雕大象上面張坐墊條邊係黃色，張坐墊同指甲差唔多大。
朋友k更相信依個cfu，事無大小都搵cfu幫佢睇，錢就唔係話用好多，因為個cfu都係叫佢添下香油(1,2百)有時就叫佢做善事，但佢信到我地旁人覺得佢太沉迷。
朋友m，一個修佛法廿幾年既女士，好似話已經有佢既"師父"跟身，見到朋友k咁樣就叫佢俾自己張相朋友k個cfu睇叫佢幫手睇下前景，朋友k就照做，結果cfu睇完張相話乜都睇唔到，亦叫朋友k唔好再黎。
朋友m既講法係因為朋友k個cfu係養 
仔幫佢，朋友m係正佛法所以睇唔到佢d野。
本來我都好想俾cfu睇下，但聽朋友m講完就唔敢了。
1個讚
呢類一睇係神通類
我唔buy呢套，因為如你所講，可以好「邪」
如果你真係想去「算下命」，就真係去「算」，現今世道係紫微斗數最準
面相、手相呢d最盡當參考輔助「算命」，唔太準
如果係手相+面相，大概24堂（每堂1.5hr）就可以學曬，紫微斗數就應該要3倍時間
都要合比例
同埋廳要大過房
大部分人一講積陰德就只係諗到捐錢，同埋覺得自己做咗
其實財布施力量好細好細，細到，你鬧人一句，要做3次財布施先抵銷 （呢個係例子）其實係街見到有人需要幫手，咁樣仲好過捐錢好多（我自己就極少捐錢，學你話齋，真係好多係呃人）上次我係街見到前面位女士行行下突然甩一邊口罩繩，我見自己有個多一個口罩，於是急急腳上前比佢。睇得出佢好開心。
我地平時做人做好自己，例如係出面食完野儘量執好自己d嘢，d清潔人員可以做少d，某程度上都係善事。
其實好多善事係出發點係做好自己，咁樣已經好過所謂捐錢。
你兩公婆如果係想生bb，不防一個月一次食齋（全日，奶蛋可以食），如果做到一星期一次就更加好啦，食齋就肯定係最直接嘅積福。
如果身體OK，捐血都ok㗎，唔使係咁捐，好間中一次（一年一次）都ok。講開捐血，我自己有個好明顯嘅親身體驗可以share下。1X 20年前，我仲讀緊書，捐過一次，我依家諗返轉頭，捐血後我轉變好大（期間無搬過屋或其他外在環境轉變）。
捐血前我身體由細差到大（差到算係一個藥煲），捐血後身體好咗好多好多，講緊係好到基本上超少睇醫生，就算病病地瞓一覺都會自己好返，捐血for我個人黎講迴響好大。
最近有個朋友去捐血，咁我又join埋，反而朋友捐唔到，我就捐咗大包，其實我只係一共捐過兩次，所以大家都唔需要刻意，隨緣就得。
3個讚
聽過好多人都係咁講，養⋯就等如有隊兵幫你遙距睇到好多嘢，講往事同現實可以好準，不過無能力去睇埋未來，所以⋯
所以我自己去學 因為我都覺得好多神棍
遇到神棍我覺得仲衰過唔去搞風水
好彩我遇到個正正路路嘅師傅去學（唔係d神化嘢），我覺得so far學嘅嘢對我黎講都係好正面嘅，因為透過紫微斗數，我會更加了解到自己、伴侶，變相會體諒多d佢
本身我唔係一個脾氣好嘅人
所以… 使鬼搵佢咩
我地自己都有眼睇la
呢樣我唔認同呀 因為我都係一個好忠直嘅人，真ga
其實我地一生好長，亞Q d諗可以留前鬥後。如果係暴發暴敗咁我寧願平平穩穩過一生
出名神棍如陳振聰佢一定係暴發過（唔識風水都可以用風水呃到咁多錢），但暴敗後你會否依然羨慕？
每人造化各不同，大家活好自己嘅人生，我相信就算係最平淡嘅生活都有值得開心同珍惜嘅地方。
又要用我身邊朋友做例子 老公好搵到錢，屋企2個工人1個24小時陪月1個司機。老婆一個月可能得一個星期會係屋企食晚餐，平時係同朋友出去食，兩個小朋友靠工人姐姐們湊（兩個都係人工受孕）。佢哋兩公婆好信風水，睇咗10年風水，但屋企主人房無床架，只係床褥放地。你會羨慕嗎？
該主題在最後一個回覆創建後30天后自動關閉。不再允許新的回覆。