x2
應該唔會再晒錢睇啦，睇黎睇去都無咩幫助，都係玩下。
以前都有睇過其他都係講未來唔覺得有咩準，老公又試過去睇紫微斗數，睇完果下覺得準，因為有d事實係講中左，但過左1，2年就知講未來唔準啦。
我都睇過幾個師傅，講以前係好準，但無一個講過我會有病，反而有二個都話我之後某一個歲數會有一個大劫，搞到我驚驚地
咁你可能對算命理解錯誤
算命係for知命認命，你想有d咩幫助？
性格同際遇互相都有影響
你老公性格係咁無論去到邊做嘢都會咁
出去做嘢能力反而係其次，點去「做人」先最難
問題唔係同事度，因為真係「整定」，就算無衰人ABC，都會有衰人DEF出現
亞Q d靠自己排解
PS係靠排解，唔係靠解決，因為係無得解決嘅
（就好似同衰奶奶同住咁，可以激死，但走唔甩。唯有死頂）
其實認命知命好難，但一旦諗通咗，其實日子會好過好多，某程度上係放下執念
一命二運三風水四積陰德五讀書
1+2無得改，只可以用下計仔去應得舒服d
3、4、5後天嘢我地可以積極嘗試
3個讚
好多野改變唔到，唯有改變心態
2個讚
yes
凡夫俗子，一定會有煩惱
係睇下個煩惱係邊
我自己就已經諗通，如果d問題出係朋友、同事度已經好好彩，起碼唔係自己同家人有問題
調返轉，家人同自己關係差，有好同事好朋友又如何
2個讚
你地兩公婆有無去check過身體？
呢樣嘢我反而覺得醫學力量大過風水好多
就算子女宮差嘅人，今時今日靠人工受孕都可以有龍鳳胎
你地睇下中西醫，調理下身體先
真正有用嘅風水我認真學咗近半年都唔會覺得自己識，其實依家睇返依家網絡d所謂貼士好多都係流
流嘅意思係擺完同無擺幾乎無分別
如果擺咗覺得舒服，可以照擺
但真正嘅風水係力量好大同埋好快應到（一頭半個月）
如果你擺咗d嘢無feel到明顯分別，即係無用
2個讚
之前搬屋搵C fu上黎睇，C fu話廚房係女主人既地方，叫我地係廚房角落擺個玉石山for 財運，都幾大座，我地無深究照做。
之後隔2個月左右C fu 上黎revisit, 先reveal 返原來擺呢舊石係for我洗少d無謂錢！！知道個下真係又笑又喊又想拍枱！
至於有無用，我想講係超見效
我搬屋前每日都做shopping therapy, 點都使d錢先返屋企，唔在意價錢（都係幾十至幾百蚊），總之fing左先，d野for自己開心，有無用係其次。
之後搬左屋買野會諗多d係想要定需要，緊守斷捨離原則，唔似以前買左先。每個月比以前使少幾千蚊。呢個轉變係擺左個山，C fu未上黎就變成咁。
至於個人有無開心。一開始時係唔慣唔使錢（但同時有種魔力會質疑自己點解要買，先考慮係咪屋企仲有），呢家慢慢清除左個買野慾念，就算有消費劵都無用係自己身（唔係唔想用而係自己無野要買）。脫離左使錢買快樂呢個loop.
2個讚
其實呢樣嘢真係神奇到令我好質疑科學
你呢個case係好好嘅認證，因為你係見到個effect先對返d擺咗d咩風水
無錯。而且擺時我係唔知，事後有左effect先聽到師傅講返（個一刻除左我本人，無人知我駛少左錢，所以個刻我想拍枱，有小小覺得自己中trap）
我成日見你recap 有效既風水好快應驗我就即刻諗起我座山，但我仲需要時間睇睇係一時三刻定長遠。呢家都半年啦。
咁如果一下子太多轉變，又應該點去confirm係咪得水嘅效力呢？
就好似我咁，買咗樓先搵師傅睇風水，再擺陣，咁住落嘅好、或者唔好，又應該點界定係因為間屋本身，定因為風水呢？ 
我C fu 會講呢間屋本身風水係點，大約幾多分，再配合返屋主人擺岩風水位，谷某幾點（錢呀，健康呀，避病位呀）。
其實唔駛深究來自邊part，住落安心就可。
想問下個師父其實係咩名呀 
答你個問題時首先要利申下先：
以下是我我學風水嘅師傅嘅做法，唔代表呢個係唯一做法，當然我學落係好buy呢套方法
大家都唔好去質疑自己個風水師傅
一路都有講一命二運三風水
我師傅做法係睇風水佢會開埋所以住客命盤出黎做參考
同埋我學嗰派係可以去到好specific，eg想d桃花只比亞仔，唔係比老公
最正統一定係靠風水搵到好單位（偏偏無人咁做），因為個單位幾分，無得改，後天風水只可以盡做。eg單位60分，擺好後邊80分。單位80分，擺好100分，其實分別可以好大
批命算命田宅宮吉凶，只係講到你能否安居樂業/租買情況等等，測唔到你間屋風水有幾好、有幾壞（所以風水係唯一可以改命/運嘅方法）
其實你咁有興趣，下次搵你師傅睇流年時不防問下，照計應該肯答
我自己覺得行緊運就自然揀到好樓，我有個朋友，睇住佢一搬左身體明顯好左。但佢搵樓嗰時完全無諗過
如果好肯定自己行好運就可以
但問題係你朋友之前住得身體麻麻地，咁究竟係間屋風水有問題、定係佢運麻麻地？
如果運麻麻，點解又會可以搵到間好d風水嘅單位呢？
但如果只係單位風水問題，佢運係ok的，點解佢好運但又住緊個風水麻麻嘅單位呢？
所以for一個普通人黎講呢樣嘢有好多灰色地帶
就算我100%肯定自己行好運，睇中2個單位都好風水，我覺得透過比較2個盤，可以買到個高分d嘅單位，加得一分得一分
我覺得佢係轉緊運，因為間屋住左幾年，一搬身體就好轉，就係因為轉緊，所以先有搬屋念頭，搵屋就搵到好屋，當然，係我估
呢個設想好正確呀
唔知你朋友係買定租，租係比較靈活，如果係買，住落先發覺原來唔得，咁好麻煩ga
某程度上，風水係穩陣派，等你唔使住落先知個單位係好定係差