你地想返到去幾多歲?
定係想返去某個地方某一點
更改以前曾後悔的決定?
返去 11 歲讀中一。努力啲讀書寫筆記，上堂唔好搞搞陣。
5個讚
我同你相反
我希望自己玩多啲，有多啲好玩嘅回憶
1個讚
Me too
想試玩多d嘢
如果回到過去，作出改變，又由嗰時繼續活過，就真係費鬼事。
1個讚
我都係，好後悔以前讀得書少浪費光陰
如果回到過去可以改變命運的話，我想回去
1個讚
如果有咁著數，我想返9x年代末，唔會再讀書，炒科網泡沫，03後炒樓，08年玩沽空，15年玩加密幣。只要知道個大趨勢，十萬變百億都得。。。
7個讚
買騰訊
1個讚
我啲搞搞陣係換來痛苦回憶，因為老師真係勁憎我，搞到滿城風雨，幾乎要踢出校。
我做左啲咩？其實係好少事，就係上堂發夢偶爾搞下 gag，中文書寫英文。只係學校嚴格，覺得呢啲係完全不能接受。
但我啲同學又好乖咩？唔準時交功課唔帶書，上堂偷偷用電話，遲到返學，請假追星，爬樹講粗口。呢啲我全部都冇做。
所以倒流我會醒目少少，唔好做啲咁明顯嘅搞搞陣。
不過最主要都係上堂唔聽書唔做筆記，所以讀得吃力，要用更多時間補習追返。一開始做好少少就上少幾堂。
匯豐 no more～ 即刻斬斷情根
算啦。有啲老師好現實
俾都honor佢就錫到燶
唔好為取悦別人而活
讀書靠自己
際遇不由人
但起碼唔好做師生公敵一號，做下二三號唔洗做眾矢之的。
有時覺得老師都有枯枝
帶頭做壞規矩
如果我有逆轉的超能力
時間撥到早一百年的春天
全城在勤勞活著彼此友愛忙裡不見亂
我跟你或會發展知己情緣…
林家謙
388上市第二日,6.x買過,但願無放
1個讚
我都覺得返番轉頭好辛苦，又要重複一切過過嘅生活，與其咁諗不如由而家開始唔好做自己後悔嘅事
以前有好多後悔嘅事但係更加都係開心嘅事同埋辛苦咁捱返嚟，唔想再辛苦多次囉⋯⋯
1個讚
當年我阿媽唔知陀咗我，做嘢時唔小心碌落樓梯，又食咗好多涼嘢(本身佢鍾意食)。
希望可以回到當時，我就咁冇出過世，繼續做小天使。
而家睇住將來嘅路，想死都唔得，太多顧慮，放唔低。
呀媽搞到你身體好差？
希望你身體向好，保重