FTM生2個好辛苦有無同路人
2個讚
有無工人？
17年前生第一個，15年前生第二個，頭6年好辛苦，第二個6年跟功課更辛苦，現在享受緊第三個6年，頭 12 年關係好，現在已經像朋友一樣，當然問我拿錢時佢地又會變返仔女關係。
時日無多，之後佢哋就出國讀書，我會珍惜現在嘅時間。
6個讚
無工人，大5歲，細2歲
要等到長大
同我2隻野年紀一樣，我係ftm有工人都覺得好難捱
唯一開心係見到佢地每日識多左野開心成長
但好多時都好累。所以無工人肯定仲心累
你老公如何，幫唔幫手？
間中，一時開工好夜先番，多數自己湊。
咁你覺得呢家最辛苦難捱係咩？
點樣辛苦法啊？講你覺得困難既地方出黎我哋一齊傾下
2歲應該都痴身，2個小朋友同性別？
5歲既可以自己做好多野！
買啲油顏色既簿、連線、找錯處之類有啲玩樂性，比佢玩下，安靜打發時間（使開佢
）
1個讚
你同我差唔多，不過我兩個仔女大你兩個小朋友兩年。
捱過呢段時間，大啲佢哋會一齊玩就會好啲，但到時跟學校嘢都好傷神，如果有能力請到工人，有工人至少幫輕到家務，都可以接送返學，你就無咁頻撲。
頭八年好辛苦。樓主，加油。
我以前有奶奶老爺幫手，但佢哋太控制狂，我連幾時可以出街，帶小朋友去邊、啲嘢擺邊、煮咩食都唔可以自己話事。除了面對小朋友煩鎖事，所以老爺奶奶難頂嘅嘢都係自己一個人頂，我唔想老公返到屋企我喺度怨婦咁，嗰段日子最難受。直到兩年前老公鬧爆過佢哋一次之後我先至有返啲自由。
雖然自己一個人捱係辛苦，但樣樣自己可以話事，呢啲自由一定要珍惜。
1個讚
加油，今日的辛苦是明日的幸福。有困難唔怕講，多人可以畀唔同意見。
覺得阿媽真係勁。生兩個，一個自閉，一個 borderline 過度活躍仲要讀谷讀書嘅學校。冇長老幫手湊，冇陪月，冇工人，老公朝 6 晚 8 甚至 9，星期六都要返，工作關係同內地合作所以香港放假唔代表真係可以放假，一年只有新年先可以完全放假。
阿媽自己一個人搞掂兩個，一邊帶自閉嗰個去做治療/複診，一邊幫 borderline 嗰個谷讀書，個個禮拜都喊打喊殺溫書，仲要煮飯做家務。佢話最狼狽嘅日子有兩個，一個係 SARS 兼大雨，要去街市買餸，冇鄰居冇親戚睇小朋友所以孭阿細，一手拖阿大，一手擔遮，手臂牽住買餸車，行路去街市，仲要日日驚中招到時候冇人湊兩件化骨龍。另一個係疫情之下，老公入院隔離病房，出院當日即刻到自閉嗰個入院，因為情緒行為問題醫院都批准 24 小時留守，最驚自己中招。
佢依家總算挨到有少少幸福，因為件化骨龍搵到好工，job offer 同前景都唔錯。
聽完之後我覺得目前我所遇到嘅任何辛苦同壓力都算不上什麼。
12個讚
有，一個1歲幾，一個3歲幾
冇工人，自己湊，媽咪間唔時會過黎幫手煮晚飯，老公收工都幫下手。
不過日頭時間就要自己一個人搞掂，一落街就要帶齊2件出門。宜家大果個番緊半日幼稚園，細果個未夠年齡番，遲下兩個都番晒幼稚園，應該會冇咁辛苦
2個讚
我估等兩個都上小學，媽媽你會輕鬆d
我都係FTM 仲有做PT, 湊兩個99%自己湊，有時長老會幫手不過盡可能都唔會，真係等佢哋返咗學、瞓覺先有me time。
依家兩個大哂盡量叫佢哋自己玩，兩個自己搞掂，我就去做家務、整嘢食，做唔切唔太污糟就尤佢先，有時間再做。
唔同年齡有唔同嘅辛苦，依家個階段最討厭日嘈夜嘈，少少嘢就鬧交，我有時都煩到叫佢哋閂埋房門自己解決，鬧夠先好行出嚟。
3個讚
我二個同你二個差唔多大，呢排都係一湊二，仲要放暑假，日日鬧人，未試過咁期待快啲開學
兩件自己湊一屋家務功課洗衫拖地煮飯，呀老豆日日唔係進修就ot，仲要同變態數字人住（佢咩都唔會幫手廁紙都唔會買一張），間中我媽會幫下手睇下（例如我要覆診），但兩個成日都爭野發癲嘈爆，我就每日都咆哮，仲要怕個腦既小炸彈隨時爆炸，到時就無人睇兩件喇！好辛苦架，有時都會鬧到癲左，又會壓抑到喊，不過為左兩個都要撐住，因為係我帶佢地嚟呢個世界，照顧佢地係一種無條件既責任嚟，同自己講時間好快過，到佢地大左有自己世界，可能想佢地煩下自己都難喇！ 
1個讚
照顧小朋友係鍛鍊EQ的時間，小朋友唔聽話時，想爆佢前不斷同自己講，鬧係無用嘅，不是長遠辨法，小朋友是學大人的，不想佢地大左都用鬧的方法解決問題，我就會找其他方法同佢解釋或自己行開下先冷靜，係難的，唔係次次做到，尤其是功課問題上，困難時找同路人傾吓是必須的（我嘅EQ比做女時提升左N倍🥲）
1個讚
同樓主一樣小朋友年紀差唔多，一打二無工人
老公做野好忙但返到嚟會幫手亦好體諒
成日話知道湊兩個辛苦，家務唔急就唔好做住，唔煮晚飯叫外賣都無所謂，但煮晚飯佢又會好開心
湊住兩個係辛苦，但我又唔覺得好辛苦
可能係見住佢地都有一齊玩，有感動位
同埋每晚靜落嚟就諗「佢哋又大個左了，真係好快」，然後叫自己要好好記住呢一刻、要珍惜
1個讚
我係全職爸，唔鍾意請工人，仔女數量同歲數同你一樣。
其實我好enjoy自己湊一手一腳搞掂， 係最討厭另一邊長老成日上嚟屋企煩住哂，明明可以自己搞掂， 成日借啲意話幫手湊，但就小朋友就到癲，咩玩具糖果飲品要咩有咩。
仲有個人衛生差到爆，著住出街衫上我張床同小朋友玩，買大陸翻版玩具比小朋友玩，嬲到我爆。
明明間屋係我買，而家變成係佢地屋企咁，乜都比意見。
11個讚