我新入職呢間公司做咗個零月，係公司仔，全公司女士唔計我，有兩個年紀唔細既藍屍同事，一個50幾，另一個60，兩個做左20幾30年，老seafood ,另外有兩個又係年紀唔細既老師傅，係工作上常接觸，我一直禮貌上稱佢哋為乜x哥,咁果兩個女人有日走埋黎話忍唔住要同我講，話叫我以後唔好稱呼果兩個師傅做x哥，總之唔可以加個哥字，我就問點解？係咪師傅唔喜歡，原黎唔係，話我係咪想冧人哋，佢哋平時都叫佢哋全名，我話因為佢哋年紀唔細又年資長，我純禮貌冇其他意思，況且我絕對絕對絕對唔係嗲聲嗲氣，只係講公事冇同師傅聊過天。
就係呢啲八婆唯恐天下不亂，乜都自己想像出來。我堂堂正正冇發姣，佢哋兩個八婆覺得我咁就係，佢哋冇禮貌佢既事，要迫人跟佢哋做埋啲咁嘅嘢，何況我新黎既
咁都得 我係公司都係叫人x哥乜哥
我只係尊重對方
我5X歲
我明… 我身邊都有一個, 50+仲以為自己係15… 成日以為身邊人會睇中佢老公… 保持唔到2米社交距離都黑面… 我心諗癲少陣, 好唔好…
我只會O係CFU有鑊氣時先稱呼佢地乜哥物哥，CLOSE既話先係叫全名 
好FD既同事我叫佢乜小姐，就咁叫名既係點頭同事。
我都係50+，咁根本係禮貌，邊會新同事會咁冇禮貌叫其人全名，佢哋搵藉口，冇啦啦話人發姣冧男人，仲話聽到我咁叫就打冷震
果啲師傅又惡，所以我要拜托佢哋做嘢所以要咁叫，免得佢哋以為我新黎點佢哋做嘢
哈哈，佢對自己冇自信又太高估佢老公
男仔表示有D女人幫得佢多會自以為對佢有意思
下次就係乜哥面前問「乜哥啊，唔好意思啊，你其實介唔介意我叫你乜哥架？」
（正常回覆：冇所謂/叫我啊乜得啦）
「唔介意就好喇/唔好，乜哥好聽啲」
比2個老海鮮聽，唔關佢事咁多聲氣？
完結！
好合理！或者直頭「乜師父」咁叫！
好正常既禮貌叫法！
擺明唔抵得你後生
又有禮貌
佢地又對你好
算啦，唔叫都冇乜所謂
叫人乜哥乜姐都可以話對人有意思 
我稱呼湯渣華做11哥，原來我對佢有傾慕之意 
以前"奇哥"年代?
啊寶珠姐把聲彷彿喺耳邊響起 
你諗法同果兩個女人一樣？
唔明你想表達咩
哥前哥後三分險
唔熟，仲要新人，叫人全名先無禮貌。