呢件事最近聽一個朋友講
佢係女方，有日佢發現老公有一筆私己錢，都幾多下
屋企財政狀況一直穩定，所以佢唔明老公點解要偷偷儲筆錢
跟住佢就借啲意問老公，點知老公講大話呃佢，於是嗌大交
聽完之後又講得好無謂，想問下大家，你地有無儲下私己錢？
我拋磚先，有偷偷儲一筆錢（c6無上BD可以任講
）
當然有啦 一直都財政獨立
不過就無隱瞞嘅 老公都知
我男朋友話女仔點都要自己有儲錢呀 結婚後都係~
其實未雨綢繆係好事，不過如果老公講大話就有可疑
1個讚
冇私己，一齊草錢，但戶口係我名
3個讚
一向財政獨立
有聽過有男人自己海外炒樓，有曬離岸戶口，收埋過億
但響香港唔比老婆知，住間舊居屋
以前女人冇返工就咁儲，而家大家返工又冇問題
冇專登儲，以前出糧用浄就當儲左。
本身分開戶口，每人每月入D落聯名戶口，互相唔知有幾多錢
1個讚
我自己有筆自己錢，主要用黎自己投資賺零用錢，唔係唔比得人知既，但拎大家既錢投資輸錢，就唔係咁好意思囉
2個讚
我同c6戶口都分開，
有bb之前有儲左一筆錢.
決定有左唔番工，
慢慢洗。
全家一齊儲
有私己錢不過對方知
有，屋企日常開支一定會洗哂老公嘅錢先。自己份人工貢獻d出黎，其他就自私儲
大家都返工，財政大致獨立，大概都知大家有幾多嘅。
Ftm，家用有剩就全數自己袋，咁算唔算私己錢？
有儲一筆錢喺自己户口
我老公自己都有筆錢喺自己户口，其實都係公開秘密，我知佢大概有幾多錢，佢又知我大概有幾多錢。
我同我老公得各自一個戶口，佢唔知我有幾錢，但佢戶口啲錢都係我管。不過贊成女人要有私己錢，唔係話用黎防老公，而係平時買下野氹自己都疏爽啲。
1個讚
老公唔理我有幾錢，更何況我無乜錢
而我就知佢有幾錢
好