而家15wk, 老公啱啱收到英國公司offer, 但係要兩個月內過去，我就想香港生埋先，因為仲有個兩歲大小朋友，香港有陪月，屋企人，工人姐姐照顧，好似方便啲
俾著你哋呢個情況，會選擇同老公前後腳到埗嗎？
人生可能生最後一個，老公唔喺身邊，將來會唔會後悔先？
我生第三個果時無得陪產，老公一直覺得好大遺憾…
老公過去先、佢settle 好, 安排好地方比你地之後一家去仲好。自己係英國生, 冇工人冇陪月冇父母幫手、仲有產檢要call 車要自己去, 人生路不熟, 我覺得仲辛苦。係香港處理好自己身體, 身心靈, 有陪月幫手下夠休息夠營養, 之後先去更好。
及得返2個月、即由而家起要搵樓,pack 野,安排好多野,身體會操勞…不太好
4個讚
我寧願晌香港搞掂晒啲嘢先，生完先過去。
可唔可以叫老公同新公司講遲d onboard 或者係香港wfh 先？
因為英國公司比較人道，佢地知道如果老婆就生就會遷就（英國嘅產假可以放足一年）。而且好多英國公司都轉型，員工要wfh，有機會你老公飛到過去都係wfh。
如果可以係香港wfh，咁你老公可以先飛去英國交接一下，再返嚟香港邊wfh 邊等你生。
1個讚
飛過去生，因為
- 唔知之後仲有無得飛
- 疫情下你寧願1湊1飛定1湊2，仲要係new born 咁飛
- 香港當然方便啦。但既然你都要過英國開展新生活，就要同呢度既方便斬攬，否則幾時先岩時機？
8個讚
15WK 仲有排先生啦, 比著我會一齊去左英國先, 你而家去係2湊1, 將來去係1湊2
如果長遠都係去英國住就早D去比小朋友9月開學好過, 最多臨生果壹個月叫長老/陪月飛嚟英國STANDBY
好睇你本身個人捱唔捱得、如果冇左陪月同姐姐係世界未日嘅話、咁睇下英國果邊揾唔揾到幫手。
呢傢過去、飛果程老公可以幫手睇小朋友。小朋友早啲適應、你可以安心照顧第二B…
同埋呢傢啲政府、到時去英國可能變得好複雜。
15wk仲早 大大話話都仲有半年先生 緊係過左去先
香港一星期都可以發生好多事 而家都吹緊風逼大肚婆都要打針
1個讚
等埋生咗先走…其實仲難走
1個讚
我而家9week，係第一胎，我同老公準備8月17日飛
我同老公係本身Plan 有BB，但BB比預計早咗來
但我都決定去英國生，我媽媽講明唔會來幫手
但我唔打算擔心咁多，我想我小朋友喺英國出世，同埋真係想快啲走
加油！你老公已經有工好好多！
我哋要揾屋，我老公要揾工，不過見步行步！
3個讚
你老公一定係take offer先。
你到時一帶二上機有冇困難？定係趁你依家仲未太大肚，去嗰到適應左環境先，準備好環境直接喺嗰到生bb同一齊settle down。
好多人就係唔明
1個讚
請問你係BC抑或BNO? 你有嗰邊生bb同醫療資料嗎？ 我仲研究緊
明白總有一日都係靠自己，所以考慮前後腳去定一齊去
始終初生小朋友嘅需要嘅時間比兩三個月大都已經爭好遠，當然好多ftm 都係咁捱出黎，不過有屋企人有人support同自己一個人生路不熟無人傾訴，成件事可以好唔同
仲有萬一初生小朋友有事，喺英國醫療有啲咩support亦係另一個考慮，work visa應該無free NHS?不過我未有好detail咁研究，仲睇緊公司insurance package 
呢個都係考慮緊嘅方案，要睇公司肯唔肯
又或者生前飛返黎一排，不過到時隔離安排又唔知點
我自己已經到左英國。
我覺得唔好而家去英國。因為你老公去到英國，要適應新環境，新工，唔會得閒幫你湊B。你對到都係自己搞掂。移民壓力好大，對生B都唔好。另外英國醫療NHS仲排得耐過香港，香港人未必接受。
我覺得係香港，有工人陪月幫你捱過最開頭個6個月至1年先。兩個小朋友仲細，仲有時間，一兩年內過去都適應得切。
開頭6個月無老公其實無咩野。我小朋友仲細時，老公出差都無咩感覺，因為佢平日都係返工無咩幫手湊仔，真係幫手既係工人或老人家。佢唔係度好似仲易搞
老公岩岩到英國時，要好專心處理住屋工作，帶著女人小孩佢會好大壓力。但用半年settle down左就好好多。以前老公要我跟佢去其他城市，即使無小朋友，都係佢去個邊搞曬住屋水電我先過去。
將來坐飛機，一個人帶兩個B係辛苦，不過都係半日既事姐。有錢仲可以找個親人一齊坐飛機幫手。
6個讚
同意你所講
老公去到嗰邊要適應新環境 佢都會有壓力
如果你又有個BB照顧 佢又可能未必幫到手
香港始終你熟悉啲 去到冇人冇物 你怕唔怕有產後抑鬱