最近奧運睇左好多奧運選手嘅back stories
好多運動員都係讀讀下書，同父母講想停學，專心追隨自己嘅運動事業
如果係你哋，你哋會點？
唔好計嗰個地方嘅氣氛重唔重視運動，真心講我諗我都係嗰啲「希望佢點都讀到xx畢業先」嘅父母。好慚愧呀，呢方面真係覺得自己要好好反省
運動員嘅黃金時間好短，點會等到畢業先開始呢…
同時自己仔女可以搵到自己鍾意做既野真係千金難求，但又真係唔放心，所以好矛盾。
所以我真係好佩服嗰啲全力支持自己仔女做運動員嘅父母
唔知大家點諗？
如果我有財力，即係可以養到佢過咗個運動場生涯，我可能會支持佢，人一世好快過，夢想無價。
但起碼一家人生活到，食得飽有地方住先。
6個讚
起碼學界有一定成績先講啦
如果佢真係有talent ，會支持佢。不過同意樓上所講，通常屋企有咁上下經濟能力先支持到
1個讚
做囉 但唔代表唔駛讀書
真係鍾意嘅話 讀返sport science 或者physiotherapy
又或者related嘅pr/marketing, textile, 甚至學其他語言
衰衰哋都要讀個護士咁
幫佢諗多步囉
唔好淨係諗住呢一刻physically咁操
起碼要好熟識自己嘅專業
可以相輔相成
即係讀過pr 有機會俾人訪問嘅時候 識講嘢啲都好呀
2個讚
支持，有能力有夢想，好幸福。
如果講晒好處同壞處都堅持做全職運動員，都會支持。
會，因為人生係佢嘅，我只係分析俾佢知揀行呢條路嘅前景同利弊，同埋我可以支援到乜嘢，幾多。
我仔雖然唔係運動員，但都係差唔多放棄學業去外國接受專業訓練已經幾年，我都一路支持緊佢。
4個讚
我屋企有個真實個案, 我姨甥女中一已經係港隊女子足球, 代表香港海外出賽都好多次, 不過,女子足球好多時都比較少人注意…佢勁鐘意個波… 讀到中三, 四佢有諗過做全職球員, 但佢又明係香港做全職球員會有乞食可能 
… 但佢阿媽非常支持佢去追夢…最後, 姨甥女決定先完成大學畢業先再諗… 但佢一直都有keep 住去受訓, 去比賽…
4個讚
咁我就要努力搵錢幫佢實現夢想!
真係睇佢係咪真係有興趣同有potential～
唔係讀書大哂嘅 條條大路通羅馬～
support到就一定support～
屋企有錢就得，冇錢就冇了
全職運動員要搵教練，經常出國比賽，仲會好多受傷，樣樣都係錢，輕則物理治療，重則係照顧一世。呢啲香港資助少機會少，冇返咁上下財力點支持到。更何況個個都想去奧運，但每一個出場奧運運動員後面有十幾二十個冇機會嘅運動員。冠亞季軍背後都有起碼十幾二十個空手而回嘅運動員。
女子足球真係好難喺香港發展
禽日唔覺意睇到中國跳水，一直都知跳水好傷眼，但見個跳水條腰要貼肌內貼。真係諗都唔諗唔到，只能覺得為左嬴可以訓練到啲人有幾傷。
首先要湊夠一隊人。呢類隊制項目，自己一個有夢想有錢都解決唔到，除非移民為第二個國家效力。
女子體操先恐怖，個個小朋友十幾二十歲，成身傷，每一跳都係斷骨、撕裂肌肉嘅風險。女子體操生涯好短，好彩就 16 歲第一屆可以玩到 3 年，好多都係只能夠玩一屆。中國個李詩佳本來表現好好但出發前受傷無緣，Biles 想攞返個平衡木冠軍但受傷，已經 24 歲應該所以冇得再等多 3 年。蘇聯個 Mukhina 練習時頸椎受傷終身癱瘓，嗰陣得 20 歲，即係依家大學二年級嘅年紀，咁就玩完 bye bye。
所以我行外人睇運動跳水應該最輕can都可以操到有傷。其他真係不能想像。
運動員黃金時期過左就冇, 讀書就唔怕遲可以三十幾歲轉型先讀
1個讚
全職做運動員其實真係一日操十個鐘 都冇時間冇心機讀
好多都係中學未讀完中六就要決定放唔放棄學業
當然成功有金牌就名利雙收 到時再想讀咩都未遲
1個讚