最近終於説服到另一半
會考慮移民英國
一家3口…因為資金得130萬左右
再加上2公婆份工都唔係專業行業
所以頭痛梗生活費+落腳點 
大家可唔可以分享下D經驗？
哩個budget係咪只可以揀北部？
仲有無機會可以先租後買…英國難唔難做mortgage?
另外小朋友今年9月中一
下年summer先到UK的話…係咪趕唔切5+1 用local citizen 入大學？係咪可以到時等拎到藉再apply大學？
多謝大家!
1個讚
你哋係咩行業呀？我哋都plan下年離開，可以大家交流吓
我地都預備緊下年move,大家交流下
1個讚
你地諗左落腳點未？
我哋暫時都會係去London週邊。（考慮：Kingston, Surrey, Sutton, etc)
我老公做食品lab的，佢有朋友晌英國嗰邊，佢話都唔洗驚揾唔到，因為英國都多lab。我老公網上八過，主要就集中晌London週邊和Manchester。所以我哋就唔考慮香港人最鐘意嘅伯明翰了。
至於我自己就唔係咩專業人士，但有學番一技之長防身，會做freelance吧。
我哋一家三口，小朋友讀緊幼稚園。
呢3個地區近London地區，算係貴區 ，揾租都唔易。130萬可能要去中部
其實都要考慮埋工作機會，因為我老公嘅行業近倫敦機會較多。
無理由去個平區，但番工唔方便。另外就係照應問題啦，因為有朋友在Surrey，感覺較安心。
當然都係「想」，我哋都會揾多幾個區考慮。
1個讚
你資金130萬係港紙定英鎊，你有冇睇過你寫嗰幾個地區嘅樓價？
你諗住租定係買？
如果你租屋，尤其是喺倫敦，你就要有工作證明，或者雄厚嘅資產證明，否則人哋都未必租俾你
如果你買屋，你無 employment contract 都好難申請按揭，你要預 full pay 。
如果你真係因為budget問題, 真係要現實啲搵返啲平住嘅 town， eg Lincoln, Manchester 週邊等等。
如果未住夠UK3年，去銀行做按揭貴3倍息。本哋1厘左右。
非本地人基本要預繳1年租金，d 人先可能有機會肯租比你…
2個讚
樓主呢個budget都係揀番中部會好d。冇返工基本上做唔到mortgage.
你小朋友下年九月已經要讀yr 9（如果佢係8月或以前出世），住夠五年就可以當local學生，不過你有d marginal, 可能要再計清楚d。如果真係唔得，都可以gap year之後再報。但要留意local學費都唔平，要成£9000起一年，有d科仲貴。
1個讚
預繳租都未必要一年，但通常都要upfront 6個月
英國做mortgage係非常煩及難……
所以要預full pay
1個讚
嗯⋯⋯我唔係樓主⋯⋯
升中一，係香港升中，啱唔啱？
咁出年去，就升Y9? 佢會唔會係年尾B? 英國跟入學年齡，所以你要睇返，同hk有少少分別
俾大學home fee係睇 永居權，唔係睇入籍
即係話大學開學個1/9，你已經有永居文件响手，而手續聽人講要3-4個月，即係話 要入大學嗰年嘅4月最好要入申請
如你個case，如果去讀Y9就太遲，一定要gap 一年，一般建議Y8或之前到，但如果你小朋友係細b，咁過到去Y8就perfect!
另外，考慮學額問題，我地都諗住出年走，但真係決定唔到幾時去，因為一方面想佢小學畢業，但又怕暑假前後難揾學校，所以好大機會5-6月就過去
另外，你攞落腳點時，可以試下search living standard, crime rate 呢d term，去睇一唔同郡/town 嘅情況，locrating 可以睇學校，而就算同一個city，都有平d嘅區，同貴d嘅區，越接近London 就乜都貴d
再提多樣，scotland 係凍d，學制會少一年中學，多一年大學，你住到永居後唔駛俾大學學費，而glasgow 係大城市，好多國際大公司有office，但少香港人，一個catchment 一間學校，所以決定住邊個catchement 就有好學校必收，所可以考慮一下，我相信in general 會多d工種，生活水平亦相對唔算高 (我研究咗一排，煩少咗學校呢樣先… )
1個讚
我都係預下年走，我同先生都唔算專業類別，打算愛丁堡落腳
整體上英國生活費其實唔會有香港敢高，估計你既budget係講緊HKD1.3M，其實可以選擇小鎮既地方，生活成本會比較低。
之前睇Betty in Manchester 既頻道佢有一條片係講大約一家四口每個月所有洗費加埋大約要用GBP1500左右，當你個1.3M扣除左必要洗費剩番1M，GBP1500一個月，你地大概都可以係冇工作情況下生活60個月
同埋GBP1500都係一個約數，可能你地節省既話唔需要敢多呢，預計你地都會搵工做所以又唔好太擔心 
1個讚
我妹妹個師妹，一家四口又係去咗愛丁堡，拎住100萬多啲。兩夫婦唔係專業人士，中五程度，傻吓傻吓。
可能就係因為唔係專業人士，放得低身段，老公去咗做廚。settle得幾好。
咁當然啦，每個家庭狀況不同，淨係小朋友讀小學定大學，要考慮嘅嘢都唔同。
1個讚
不過大家諗住幾時走？
佢係幾時過去㗎？其實一家4口但一人工作係咪都有機會搞得掂呢？
我地都係兩個小朋友（3歲/6歲）打算細果個讀完幼稚園先過去
我記得我妹話佢係復活節嗰段時間去
1個讚