男仕成日話港女唔温柔體貼
其實我都冇遇過好有風度的男仕
大家就呢個話題有咩發表下
當你試過幫人開門,
身邊啲人(男女都有),大獻殷勤，一定有居心。慢慢傳咗去女朋友嗰度，跟住嗌交。
之後做咗都唔敢俾人見。
反而睇，平時乜都唔理，但係有事嘅時候係咪即刻跳出來檔同攬你。重實際。
2個讚
好多男人好唔成熟，唔體貼同埋面子大過一切
4個讚
請問你係咩年齡層，我4十幾，由出嚟工作到宜家，所遇嘅香港男士大多有風度，我唔係靚女又唔係索唔嗲人，而係我覺得香港男士普遍都有風度，特別係真係認識嗰啲。
6個讚
我識嘅男仕大部份都有風度，亦都遇過好無風度，通常都係D縮骨佬，成日諗住揾人著數
1個讚
我同你同差不多，但就真係冇遇到
佢地覺得有風度係蝕底
如果只係好刻意對一個人好就係特出咗少少既，要看整體
有風度即係點？
食飯幫我“拉”凳？
開門俾我入先？
我認真諗，同我熟嗰啲，前者，即使c6都唔會做
後者，就陌生人都有機會做
所以是否睇大家嘅定義呀？
做人咁耐，都識好多有風度嘅男人，講嘢讓人三分，唔會搶住講、亦唔會處處迫人；食飯比個menu其他人揀咗先；出入通常推住度門，其他人入晒佢，包尾閂門；大圍食飯，先埋咗單，之後先提大家夾；約人食飯通常最早去攞位，食飯期間成日幫人倒茶倒酒；
呢啲一定係風度
9個讚
3頭唔係靚女，但暫時都覺得香港男仔大部分都有風度。番工攞住幾個box file會過黎幫手，推門俾人入先，仲有好多細事項都會令你感受到係讓女仔先。
反而大陸男仔，識親既都係麻麻地，大男人既多，同埋好懶咁囉。
4個讚
外國好多更加有風度，不論係十幾歲定係幾十歲，一見到女仔攞住行李上落，一定第一時間幫手，甚至問埋你去邊睇下順唔順路，仲幫埋你搵的士。
香港就少見到呢個情境。但你所講嘅都常常有，不論係熟人定陌生人。
風度都係睇文化，例如開門或幫手頂住門俾人過，歐洲係基本禮貌，亞洲係風度。
公司換飲水機樽係要做，男人見到唔做係死罪，好易變公司女同事公敵。
但有時會做多咗俾人誤會，特別係香港女仔，做嗰位無心，但受嗰位有意，我就係咁試過出事，一班同事出街食飯落雨，我主動遮人，一邊行一邊講嘢，唔知講中咩，遮出愛，俾人追左年幾。
1個讚
遇過有d係有風度嘅
不過有居心囉
呢個好笑。 
1個讚
我公司有件咁既男人
見有人有需要，幫手開門，㩒住𨋢開俾人入/出，讓年長/年幼嘅人落車先…
我覺得係基本禮貌，男女都要。
有冇遇到有風度嘅男士，睇下係邊區。
賴果D係做男友大忌
港島區會多點
深水埗嗰啲一定唔會有
1個讚
咁唔通係際遇問題？無論識定唔識嘅男士，只要行係我前面都會幫我開門，走對頭都會讓我行先，相對地我行前都會幫人擋一擋門，人哋幫完我我都會微微彎腰點頭。暫時我都覺得港男都係有禮貌同會主動幫女仔嘅～
我老公係我隔離見到人哋咁幫我就妒忌話佢冇試過有咁好態度、服務男女有別