老公今晚同朋友出去，好唔好彩佢朋友唔小心打爛咗我哋車窗，未知報價，保險唔包。
朋友當然有話會負責整車錢，老公當然未豪到話唔駛，但佢都諗住同朋友一人一半，費事朋友咁金。根住佢講左句，我寧願係衣D意外，都好過係可能會傷身既意外，衣D最後都只係錢。
我地絕對唔係有錢人，所以我好欣賞老公對金錢既價值觀，雖然上面嗰句係人都會咁諗，但我老公係真係對金錢可以好豁達，唔會諗太多既人。
佢同普通人一樣，都會好想賺好多，佢亦好努力工作，想比最好既我哋，佢自己都會享受錢帶來既舒適物質等，但佢真心對錢唔會係執著既人，佢唔會比錢dictate over佢既人生等。我自己覺得衣樣野係講易做難，所以好欣賞佢真心做到。
當然老公仲有好多優點，所以好慶幸自己遇到兼嫁埋比佢。
大家都一齊分享下自己欣賞伴侶D咩。。
你老公好好。覺得自己嫁對了人真的好幸福。
我自己欣賞老公誠誠實實。專一。
你老公有你咁欣賞佢好幸福！好多人無論點付出，另一半總係唔欣賞，或者覺得唔夠。
我欣賞我另一半永遠永遠將我放首位，同埋包容我時時「唔小心」將仔女放得高過佢
我老公好脾氣
冇嫁錯人+1
佢係我到目前為止遇到最match我嘅人。
我需要一個可以相處舒服，互相尊重，互相學習同協助成長嘅另一半，拍過好多次拖，得佢性格係同我可以互補不足，互相制衡。
好正能量嘅post
我老公唔醒目/好慢/好悶／毒毒地
如果我20歲遇到佢，唔好話拍拖，出街都會嫌佢悶 
但而家人大咗，會感恩有呢個努力工作
放工會即刻返屋企湊BB嘅男人
唔使驚佢玩失蹤或者飲到劏
最重要係佢真係好錫好錫好錫個女
我老公係個大細路嚟 臭脾氣
又搵得唔係好多
不過佢錫我同個囡多過佢自己
都夠啦
搵個伴過世最緊要夾 唔夾咩都假
有時嗌交實有 大家忍讓吓
老公比我更識湊仔，神隊友，唔算搵大錢但從無令我擔心錢，已經好夠。佢真係好叻仔。
我老公俾足夠空間我，信任我，湊仔，家務做得好過我
。
我覺得自己好幸運。
佢最大缺點係有時太理性咁同我分析對錯(當我淨係想人聽我呻時)
脾氣好，
對我嘅事好上心，愛屋及烏，好supportive，
同埋係屋企會放低返工嘅面具，有好低b嘅一面，成日引我笑。
呢個topic超好，笑住回應！
我老公肯煮飯 好孝順 同會鞭策我
有時我想早啲啊佢比我更加認真
最緊要係好錫我 感恩 
我感覺，男人唔媽寶心態上有所不同
我老公都超好，無論我有事定我屋企人有事都幫到盡，我屋企人有事，佢唔介意拎晒自己啲錢黎幫我地，出心出力。
平時對仔女好好，自己物慾好低，但會滿足仔女要求，係有啲生活白痴，但我接受到。
咁我老公除咗吾識煮飯同吾識應酬朋友， 其他野都好既， 仔女未出世已借晒圖書館既育嬰書， 又肯做家務， 又細心， 見我係廚房煮飯， 會把風扇轉俾我， 又勤力進修， 學日文， 種花， 茶藝， 書法， 太極，真係好佩服
一樣呀！我老公都係悶同宅，真係適當時候遇到適當嘅人。
佢顧家、細心丶有耐性，永遠將我放第一位，雖然生活上好多蠢事，又拖泥帶水慢吞吞，但我成日都講鍾意一個人係要鍾意佢成個package 㗎，放大佢嘅優點，縮細佢缺點，大家就可以過得好開心
男人真係會太理性，下次呻嘅時候可以同佢講定：我知唔啱唔啱㗎啦，不過我想呻，你可唔可以幫住我
咁樣老公就醒目㗎啦！
我都覺得自己有個好老公，好脾氣就得人，有上進心努力搵錢，我地性格夾到有好多啱傾話題，一直既相處都係戀人+知己模式。
生完bb後，更加覺得佢係好老公好爸爸，奶奶過份左佢會即時出聲唔洗我受委屈，仲有太多，不能盡錄。
我細個時成日覺得自己好不幸，原生家庭好混亂，冇乜童年，好羡慕同學朋友。後尾識到而家老公，由認識，初戀，拍拖，結婚，生b，一齊走過左1x年。覺得結婚真係女人第二次生命。而家睇番原來自己係先苦後甜。
我老公唔細心, 唔識照顧人, 唔識煮飯, 脾氣麻麻, 唔係話太有上進心
我又冇咩所謂, 因為我都唔係好好多XD
但佢會用自己既方法錫老婆, 夠專一, 冇咩應酬, 唔裙腳, 對老婆豪爽, 我覺得已經好好
有時我都咁樣安慰自己
特別係見到其他老公又醒目又識搞活動又有情趣，而自己老公一碌木坐喺屋企嘅時候
佢依家都醒目咗，有時都會。“哦，係囉”咁來應我，我又覺得佢好冇誠意
。