細女來年小六，成績暫時屬band2中下游，但操行甲。
已開始做資料蒐集，小五升小六時，校內老師亦已建議了幾間學校。
學校老師建議&我意願：自行一何官，自行二胡兆熾
偏偏我女自己反而想：自行一胡兆熾，自行二五旬節/聖三一
想問下大家，上述數間中學中，排名次序為何官，胡中，五旬節，聖三一？
如撇除呢幾間學校，仲有冇啲咩選擇
除左五旬節,其他幾好!個人鐘意胡多過何,跟住聖三一
點解除左五旬節？我見全校英文教數學，科學。
何官我女嫌棄套校服，而且都係熱門嘅band2頭，我女英文好，最後可能會因為分班試考得差過人，入唔到英文班。
加上我女份人固執，同埋始終間中學係佢要讀，始終第一志願一定揀佢最鍾意嗰間。
佢鍾意胡中，話人哋冇乜活動咁樣就啱晒佢，佢份人文靜，有時啲學校逼人參加課外活動，佢反而會反感。我見聖三一真係好關愛，但老師話我女英文A入咗呢間太浪費。
自一基本定左胡中，問題係第二間應該揀邊間
以前5 band 制,五旬節係 band4-5!校風差!反而何同胡仲好過佢
有 d 學校英文教,唔代表校風純樸!當然有人覺好,只要英文學校都好
但你話阿女成績中下游,揀佢都無可厚非!以成績計
其他 Band 2 嘅學校有：文理、基道、彭學高、德蘭。
文理同德蘭係 OK 嘅，以前工作關係經過呢兩間學校。德蘭尤其「乖女」，附近都係好學校而且個地方尚算清淨唔會學壞。
讀書嗰個係你女女，佢鍾意邊間咁就試嗰間。何官 DSE 成績靚過胡中，咁學校叫你女女試何官都正常。
Band 2 就幾大都填曬啲 Band 2，反正大抽獎，Band 2 頭同 Band 2 尾都係機會均等。
2個讚
Band 2 中下游、建議揀彭學高、德蘭、聖三一、呢3 間越做越好。
基道超谷, 文x 校風麻麻。
基道我都覺好谷，始終都係想個女快樂學習
我女好抗拒女校，所以德蘭應該不了
暫時出年面試會揀胡兆熾+五旬節。
如果阿女呈三之後成績都係冇乜變動嘅話，抽獎首三志願就胡兆熾，五旬節，聖三一。
分5 band時，80/90年代嘅五旬節係屬於band 2 學校；分3 band時，初時都仲係band 2嘅，之後一直差落去，而家就唔知喇。
識得個媽媽，佢係揀小學中學時都會企喺學校門口觀察嗰啲人嚟，最後揀咗聖三一，仲讚校風好老師好，大嗰兩個小朋友讀緊，細仔讀完小學都會讀。
2個讚
其實讀書果個係你個女，而且小六大個女有自己主見，我會建議你尊重番佢嘅意見。
Band 2中下嘅成績，正常入到八大嘅機會都唔算太大，所以校風緊要過成績同排名，仲有就係讀得開心。
做家長嘅， 可以開始度下之後嘅路想點行，係出國讀書，定係留港搵工，etc. ?
文理當年學生圍人鏈，啟晴村村民走去斬學生，老師都有出手保護d學生 
學校比個中學排名大致係
2A 何官，文理，培道
2B 基道，胡兆熾，五旬節
2C 聖三一，德蘭
2/3邊緣 九龍塘，彭學高
上面有堆學校，例如基道/德蘭，我女已經點名講明唔鍾意。文理老師保護學生我十分欣賞，不過文理離屋企太遠，返學真係好唔方便。
唯一需要揀係五旬節定聖三一。兩間都係行路返到學既距離，我女表明五旬節定聖三一都冇所謂，只係第一志願點都要係胡兆熾。
因為五旬節高中時數學，理科，商科係全英授課，因為我女英文好，咁樣佢有著數。反觀聖三一得一科用英文教。而且五旬節係咁多年band2（雖然係尾）但聖三一係近年先升band。學校老師係極力阻我揀聖三一。
所以想問下大家，到底五旬節好定聖三一。因為聖三一對學生好多支援，而且好關懷，反而五旬節缺少呢啲
我都知，我係何廣眼見聖三一啲同學好斯文。而且學校對學生多支援，但就成績唔及五旬節好。
遲啲開學會抽啲時間好似個位媽媽咁去學校門口睇。
1個讚
女女好需要諗呢樣。讀書嗰個係佢。萬一 touch wood 唔中胡兆熾，佢會覺得邊間佢更覺得可以接受，就算叩胡兆熾唔得，佢都接受到嘅學校？
你今日見到嘅關懷，唔一定係明日見到嘅關懷。老師都有出出入入，而且未必係嗰啲老師教你女女，我讀書都有好多教得好又關愛嘅老師，但佢哋從來冇教過我，完全唔識我。五旬節可能冇做到咁出面，但唔一定缺少。學校冇寫又唔代表冇，只係校方認為有更值得推介嘅賣點，所以唔需要驚冇。
五旬節校舍好似幾細下