先恭喜張家朗為香港為自己得到想要嘅野,也証明付出一定有機會回報的. 特此也向香港政府/商界嘅人及家長,講同做都要有心有力,唔好咩都口輕輕,唔好咩都唔相信自己仔女. 藉此也講翻教育,香港係一個好地方,可以發展各方面專業人材,但教育制度安排及家長眼光短視,將所有可以成為專業嘅人材都打散晒. 為了進入心儀嘅學校,過早的補習催谷,令孩子學習最需要嘅"喜歡"攪不到,常常因此攪到基礎不穩去高中,失去了做專業嘅人材能力. 孩子有體藝嘅特長,唔去專門發展體藝學校,而用這些所謂嘅特異功能去入自己想要嘅學校,因為要學習一般的課程,慢慢放棄了有發展嘅體藝,但又冇穩定基礎,自然又失去了體藝專業人材. 全部都兩頭唔到岸的教育,所以唔再用心攪好教育制度,點會有好人材為香港平衡發展. 講起運動,運動員發展,也是政府著重及更多支援才好,這樣才可令他們更專心去做這方面嘅事,有成果都一樣可以為港為自己增光,學校那些為面子嘅商業人仕,奧運或專業比賽唔係咁容易可以入圍,贏出就更難能可貴,為何做些更實際支持都做唔到,口輕輕就比人講到失去自己嘅面子,自己都比身邊商界人仕背後笑無承擔啦. 家朗嘅成功,也可以比家長睇到,為了自己喜愛的運動,中四退學唔再讀書專門去做更專業嘅訓練,一樣也可以做到成功人仕,而政府或大學,更應該可以給予他,無限制通過可正常入讀關於體育的學科,咁樣運動員更可以放心,將來都可以有自己更專業嘅資格.
1個讚
首先建議你分段，咁大段字睇到眼都花埋
15個讚
修正一下~~
先恭喜張家朗為香港為自己得到想要嘅野,也証明付出一定有機會回報的. 特此也向香港政府/商界嘅人及家長,講同做都要有心有力,唔好咩都口輕輕,唔好咩都唔相信自己仔女.
藉此也講翻教育,香港係一個好地方,可以發展各方面專業人材,但教育制度安排及家長眼光短視,將所有可以成為專業嘅人材都打散晒. 為了進入心儀嘅學校,過早的補習催谷,令孩子學習最需要嘅"喜歡"攪不到,常常因此攪到基礎不穩去高中,失去了做專業嘅人材能力. 孩子有體藝嘅特長,唔去專門發展體藝學校,而用這些所謂嘅特異功能去入自己想要嘅學校(特別那些衹吸納為學校增光,唔係真正培養運動員嘅名校或直資),因為要學習一般的課程,慢慢便容易放棄了有發展嘅體藝,但又因可能冇穩定基礎,全部都兩頭唔到岸的教育,自然又失去了體藝專業人材. 所以唔再用心攪好教育制度,點會有好人材為香港平衡發展.
講起運動,運動員發展,也是政府著重及更多支援才好,唔係衹給予器材或金錢這些前期事情,主要係運動員後期支援,這樣才可令他們更專心去做這方面嘅事,有成果都一樣可以為港為自己增光,學校那些為面子嘅商業人仕,奧運或專業比賽唔係咁容易可以入圍,贏出就更難能可貴,為何做些更實際支持都做唔到,口輕輕就比人講到失去自己嘅面子,自己都比身邊商界人仕背後笑無承擔啦.
家朗嘅成功,也可以比家長睇到,為了自己喜愛的運動,中四退學唔再讀書專門去做更專業嘅訓練,已做到運動界最高榮譽,大學更應該可以給予他,無限制通過可正常入讀關於體育有關嘅學科,咁樣運動員更可以放心,將來都可以有自己更專業嘅資格.
1個讚
如想讀書以外發展另一啲技能，真係唔好怕課後要花時間訓練同假日帶出帶入訓練同比賽。一定要自己帶。如果叫長者帶，長者除非有運動底子，地點太遠、時間長、接放學遲多五分鐘都埋怨，之後會叫啲小朋友唔好學。
政府嗰度真係無期望。從運動衫事件睇到跟本啲總會做嘢都嘛嘛哋，去佢哋網頁睇吓，全部高層都係達官貴人，但下面啲資源同溝通都唔足夠。成個體育圈好似變咗社交圈，多過似培訓運動員
2個讚
認真, 香港體育資源真係少到喊出黎, 所以佢拎到奧運冠軍完全係靠自己超威 (唔該班膠官唔好再癡人地d榮譽
4個讚
我覺得，講教育制度前，應該先講市場需求
香港係好現實，如果大學4年讀一個科目，讀完出嚟搵唔到嘢做，社會上冇發展，咁邊個肯去讀？
放返落體育方面，如果香港運動員發展空間細，資助少，邊個想自己仔女放棄學業淨係發展運動。運動員生涯好短，仲要考慮埋退休之後嘅生計呢？
所以，首要係改善現時運動員嘅待遇先。好老實講，一個代表香港出戰奧運嘅運動員，連一件印有區旗嘅波衫都冇，香港政府都真係好肉酸吓
另外想講一點，其實外國運動員好多贊助都係來自商界，反觀返香港，香港商界搵咁多錢，點解對運動員嘅贊助會咁少？
我明白，贊助都係為賣廣告，但係香港商界就寧願比錢請啲半紅不黑嘅奀星賣廣告，都唔會考慮吓將啲錢攞去發掘吓一啲充滿未來嘅運動新星，呢方面商界都真係要反省下乜嘢係社企責任
3個讚
我覺得父的培育和支持很重要。
同時，每一行專業的精英都要計劃一下生涯規劃。
如運動員的黃金時期唔長，餘下的生涯真的要及早計劃。
香港太現實了，樣樣都金錢掛帥。
1個讚
所以點會唔富者越富,貧者越貧. 運動衫事件真係驚訝,又唔係個人去比賽,係代表香港,自由都唔可以咁冇分吋. 有代言冇問題,但冇代言若代表香港,唔著五星衫都要著洋紫荊花衫,什可以講隨隨便便運動員自己想著咩就著咩?咁大嘅香港體育總會,居然冇後備衫供應,真係笑出國際.
社交圈達官貴人,運動員出名就黏埋身攞好處博做宣傳,根本唔知道做出來比人唱到面黃. 知識係可以改變命運,但努力都一樣可以,問題支援唔做好,點會更放心更用心做得更好. 運動也是,教育也是. 所以孩子想全副心機專注運動或藝術,家長都很少支持.
讀書以外發展另一啲技能,可以講係比孩子有些額外能力,時間就肯定要花,能控制到時間就考取合適的資格未嘗不可,但比做運動員或藝術員唔需要太高要求,始終正常都係當作一種嗜好. 其次提到長者,的確長者係有空餘時間,但不一定有太長耐性,隨時容易講孩子辛苦而放棄. 且常常叫長者去做,就証明父母"陪"這個字已做不到,什樣可做到親子關係好~~~
1個讚
大家睇到成功的例子當然覺得附出一定有回報
但我中學有個同學，考到中六讀左半年，唔讀書，走去做單車運動員。佢真係日練夜練的，可能只係抖食飯一個鐘/ 休息一個鐘咁。 最後都係冇乜突破。返去讀 IVE。 出黎打份普通工咋
我朋友A-level 考到入浸大體育系，日操夜操，都係唔夠體藝上的人黎。成個學系，整個體藝有幾多個成功。不過咁，佢操得fit, 就入左黑警。運動員要成功其實唔易，付出比讀書往往都多
就算係外國，我舊公司個老細(德國佬）話佢有機會做足球員同入我公司，年輕時的佢都選左入我公司做 trainee!
作為媽媽我希望自己提供到小朋友無憂生活，佢想做運動員我都會支持佢的
1個讚
我唔覺得係運動員冇分寸，佢代表香港出賽，奧運代表團或總會冇安排隊衣係佢哋問題，再講，點會正式團隊服都冇，中學都唔會犯咁嘅錯。件事根本係統籌問題，冇贊助嘅運動員連衫都要自己印埋，件事幾咁荒謬，冇分寸嘅果班委員會。
3個讚
當然唔會個個都會成功,如果係咁諗,在另一個親子論壇所有吹捧又入了好出名嘅名校,為何唔係個個都狀元?為何唔係個個都入到心儀學科(家長自己)?
孩子是有自己追夢嘅想法,既是自己喜歡,不論多辛苦都係開心去做,且自己覺得係值得既,衹係香港對運動員將來嘅支援太少(甚至冇),不論成功與否,運動員向著運動界最高榮譽目標前進,奉獻出黃金時期,政府理應要給予他們無後顧之憂安排(例如比較容易考取他們運動嘅專業資格可做教師).
我們也記著,學生到了浸大體育系,不論點日操夜操,都要長期兼顧於其他學業情況下進入大學,唔係長時間專業訓練下入讀,總會有所差別. 唔好忘記這位張先生,中四決定退學專業去訓練才有今天成果(這些唔係現今好多家長會容易給予支持). 當然始終都係運動健將,身體機能都很FIT,做警察也是一個好的工作(我唔太支持你講黑警,當你自己有需要警察既時候,且警察幫了你,你會叫他黑警嗎?).
最後提到給孩子無憂嘅生活,所以孩子童年時間就唔好太強逼學習,順其自然讓孩子開心學習就足夠,“開心"這個字,對童年成長孩子很重要,也是令孩子容易穩定好成績之"泉源”.
上面有朋友提到藝術，我仔正正就是在香港冇配套、冇專業培訓，所以12歲就決定去留學。
我仔係跳芭蕾嘅，早在8歲已經決定要做專業舞蹈員，9歲同我講一星期兩堂唔夠，叫我搵多間俾佢去上堂。11歲覺得跳緊嘅唔夠好，再轉另一間，一星期六堂，演出比賽再加堂。12歲暑假去咗紐西蘭同美國跳summer intensive，大開眼界，同我講想讀專業舞校，但香港只有演藝，要考完DSE至有得讀，而我仔當年剛讀完中一。咁可以點？唯有去外國，就算留喺香港入演藝，畢業後香港得一個舞團，根本冇選擇。
如果留喺香港讀演藝，今年會係year 1，但佢喺外國，今年係等同高中畢業嘅專業舞校畢業，已經可以考入團做professional dancer 了。
4個讚
做得好,孩子向著自己喜歡嘅專業,唔需要浪費時間去學什麼中英數地理常識化學物理生物… 香港正正少了這些,眼界太細太狹窄,可以講大部份成功嘅體育人仕及藝術人仕,很早就向這方面發展,唔需要浪費時間做其他事.呢啲就叫專材. 香港教育就係教出好多通材,係就係多才多藝,但全都唔精唔專.