一齊咗太耐，佢係好男人嚟，對小朋友好，我都相信（希望）佢係錫我
但佢比較唔表露出嚟，小朋友未出世都會興祝下啲生日同紀念日，咁佢性格不嬲慳家，買花呢啲一定唔會做
我自己個人性格都樂觀，基本上以前冇咩唔開心野要同佢傾，出去公幹四五日，佢可以完全唔打俾我，send msg俾佢又唔會覆
但小朋友出世，我情緒變得比以前波動，發現佢完全唔識哄我，唔好話哄，淨係會避開喊緊嘅我，所以野小朋友行先，有咩都係我錯已經好氣餒
到第二個小朋友出世，我叫做睇開咗，唔開心又好咩都好，對佢完全唔會有期望，佢都冇令我失望，直接skip咗我幾年生日同啲紀念日興祝，我唔開心喊直接話多餘踩多腳
去到今日，好簡單睇電視拎金牌，我真係好感動喊咗，佢又係俾埋啲咩事咁激動係到笑我
我覺得自己搵唔到方法同佢相處，佢個人唔係壞，只係冇同理心，佢錫啲小朋友，但有時佢自己都變埋小朋友，會嬲個小朋友整痛佢，跟住做埋啲唔同你玩嘅幼稚園行為
我自己就好睇重身教，但佢就成日為啲芝麻綠豆野係小朋友面前發脾氣，我真係覺得好攰
之前呻過發過文
隔左咁耐冇改善夫妻關係，想下辦法
似係佢個世界只係有佢自己…
抱抱，我同你情況好似，老公唔係唔好，但就好自我中心，又未去到離婚嗰步，有時候對住佢好似訓導主任咁，我好似小學生，真係好攰
我明
為左小朋友撐落去
唔好有任何希望
當同屋主
做好一切準備隨時可以帶埋小朋友一走了之
儀式感對小朋友成長好重要，生日佢唔慶祝都記得要一家人食蛋糕吹蠟燭，要有種堅持，這是身教
我成日覺得自己好似幫佢打工咁
成日都好希望佢會appreciate下我做嘅野，但我每次咁諗都好傷心，最尾又係被打沉，長期保持係冇希望就冇失望呢個心態好灰
其實有冇試過將以上感受講曬俾佢聽呢？
有啲人係唔知自己有問題，
要爆佢一獲先知死，
如果佢有意想改善，
你自己都要改變自己心態，
將你本來期望佢嘅事降低少少標準，
你都要識appreciate 佢願意改。
我諗好多夫妻之間都會有呢方面問題，
始終個個人性格都唔同。
我老公都係極唔浪漫，
時間耐咗我已經放棄
因為知佢真心對我好同愛我就算。
非常同意
佢似係一個好自私好自私嘅人
其實呢類人好可憐，因為唔捨得付出，反而會失去更多（老婆、子女）
有捨才會有得，咁大個人如果冇人可以點醒佢，冇辦法㗎啦
要睇下樓主有無心機，佢老公有無大智慧可以領悟到
事實上無錯
你唔應該希望佢成為一個你理想但唔係佢嘅人
如果你買咗雞蛋返黎，就算擺雪櫃幾耐，d蛋變壞曬，都唔會變成鹹蛋
有冇試過主動d表明想慶祝, or你幫佢慶祝左先俾佢感受下你既重視同愛
我叫我老公喺我生日或紀念日買花, 佢死都唔肯, 我直情講到話我咩都唔要, 飯都唔駛出街食, 佢係都唔買俾我, 佢嘅解釋係"好無謂, 唔值得" … 真係吹到啤一聲, 硬頸到呢? 亦唔明白點解佢要執著到就算令我唔開心, 佢都要繼續執著, 真係唔明佢咩諗法 
我叫都叫到無癮, 所以, 我都放開咗, 唔再叫佢買禮物, 我自己鍾意嘅嘢, 我會自己買, 唔再勞氣, 一天都光晒
而我對佢… 係有失望架, 係有扣分架, 但唔通因為佢唔肯錫自己就愁眉苦臉咩? 理得佢死喇, 過好自己每一日仲好, 所以我依家勁enjoy自己行街食飯湊小朋友
我都係，好明你感受，有時會諗倒不如分開一了百了，但見到個仔仲咁細⋯⋯
有無諗過佢可能係A仔？
路過，都想請教下A仔另一半有咩特徵？
明白 有時覺得當你呻、投訴或者表達情緒（喊都係其中一種）既時候反而對方無好好正視 真係好會辛苦
有時男人淨係覺得你又煩喇 咁我避開你啦
或者話你多餘 咁都好有情緒
但其實咁樣對另一方面只會更加受傷
久而久之受傷果邊就會愈黎愈唔敢講出黎 屈住屈住
所以一定要搵到屬於你既宣洩情緒既方式 既然改變唔到佢 就要諗下有冇朋友可以傾訴同會明白你
樓主形容自己另一半態度，似係a仔。
我都覺得係，因為我另一半都類似，總之正常人遇到某啲事然後有之後的反應，a仔係唔會理解到，佢哋係無辦法明白兩者之間的關係
例如我哋睇完套令人感動嘅戲，可能會喊，情緒會有啲波動，佢哋就唔理解點解可以睇到喊
冇溝通.
直接將呢篇文冷靜地比佢睇
我覺得自己老公似A仔，但唔肯定