由幼稚園開始已經教佢寫字
要唔好出界，但係到而家高小寫字程度都係咁大，完全出晒界，我明白寫字都唔可以干預太多，但有時真係睇唔過眼，想問下有冇辦法可以糾正下，至少係返格仔入邊寫字，唔使要靚！
應該會越寫越寫細格。
我小朋友寫大格啲字勁樣衰，到寫落練習簿啲格仔細番啲啲字靚好多同正常好多。
學校唔執架咩？
如果咁樣隻隻字出界，改正改都嘔泡喎
再比細格啲佢寫？
狠心啲，一出界擦
有冇見過職業治療師？
寫字細隻真係妈辛苦
有啲係唔 care，尤其係仔。
撞過板畀老師鬧/圈先會明顯有改善，家長日可以試下同老師私下講平日啲功課對佢可以嚴格啲，啲字唔靚就迫佢改到靚為止，測驗都狠心任何偏差都扣分。我以前學校呢啲位扣分扣到傻，尤其英文寫潦草寫得偏差少少都即刻扣分，所以全部同學都會好小心寫字，唔會有嚴重字體問題。
要慢慢留意同觀察…睇下係佢個人喜好習慣，定係有其他障礙既表徵…
呢個問題要見？我吾清楚呢方面，甘係有咩問題嫁？
有咩障礙會有呢個表徵嫁？可以講下嗎？謝謝
老師都有講過叫佢留意下，但係佢完全冇改善老師都好似接受左，係寫詞語多數都要改正，有格仔都好啲，如果得條橫線佢可以寫得超大隻，又完全唔會諗下自己有好多隻字要寫要留位，所以成日寫到出晒缐！
就係格仔越細佢啲字越嚟越唔夠位寫，同埋佢要成日拆囉因為覺得寫唔到
如果佢唔係粗心大意，有可能係手眼不協調，係就盡早做下訓練好D，因為考呈分試唔係咁著數，有D學校真係會扣分，我仔試過啦，計完答案係小數，但小數點寫咗答案缐下面，老師當錯，考之前講咗一定要寫正確位置，所以冇得坳！明明band one變咗band two就唔抵。
咁老師有冇建議你check同佢吓？
冇吖，佢哋又唔係覺得好大問題，佢性格又係粗心大意嘅，所以我都唔知佢係咪有問題！但係在於我日日跟功課覺得接受唔到，想知有咩訓練寫字方面嫁？thank you
YouTube 有好多片，但對象都係幼兒多，不過你都睇吓用唔用得著
1個讚
試吓教佢 羽毛球 或者 乒乓波，
搓泥膠，
練習下手指力 及 手眼協調。
坊間有啲 小孩 (數字點連線）嘅 圖書 ，比佢練習下。
填色遊戲都可以訓練佢 明白 唔好出界 靚過 出界。
仲有用啲耐性教導，和佢解釋，
2個讚
有冇驗眼?
2個讚
我只知有機會手眼協調、手部肌肉有問題，或者有機會係書寫障礙（唔係讀寫，是書寫）…最好當然只係小朋友既習慣喜好啦…
1個讚
佢有散光十近視，巳經帶眼鏡！我有時諗會唔會眼鏡放大左啲字所以甘（自己本身冇帶眼鏡）
但係佢都高小咯喎，即係都四至六年級？
我仔d仔都勁衰，我知佢係冇心寫靚（因為迫佢係寫得靚勁多），但一日唔出聲，即時變肉酸，叫到我已經半放棄，會由得老師判斷佢邊個字要改正就算
1個讚
寫字要慢慢寫先會寫得靚d
我諗多數人細個都會寫得隻字大隻