個仔嚟近升中五, 中英都麻麻, 其實應該搵出面嘅補習社大班補? 定搵個單對單畀佢幫下佢好啲?
中英文要時間浸，F.5 先來補有啲遲，因為呢個時候係 train 考試技巧和 past paper.
大班要就有唔同程度，有啲係 target 5**., 咁入到去補會跟唔上，你要問下補習社會唔會因唔同程度和學校分班。
單對單會好貴，而且肯單對單教高班嘅老師真係好少數。
1個讚
睇佢程度吧, 出面果D大班似精益求精多, 可以試下報幾堂睇下跟唔跟得上先
以自己N年前經驗係大班D老師堅係有料, 上完堂直情茅塞頓開果種, 日校老師食X啦, 唔好問我邊間但我果間已經係BAND 1A中學, 實況係41個同學有40個出去補!
不過話說回來, 咁大個仔高年級已經超越左補唔補, 補咩嘅階段
要好成績要有HEART讀書! 否則你請個HARVARD教授都幫佢唔到
1個讚
明呀, 出面好多老師都假設你係要出去補習先攪得掂~ 我個仔就係話自己讀極中文都唔入腦, 所以我想幫佢搵啲方法囉。你係過來人, 可唔可以分享下邊間真係有料到可以試下咁?
英文其實由細到大一路都有補, 只係本身佢唔係叻, 所以嚟近DSE 更加想幫佢一把。
我當年A LEVEL有補現代教育 GEOG 同HIST, 中英(自覺係強項同靠自己多)無補過所以都唔知邊間好
1個讚
經驗之談 (雖然已經係N咁多年前嘅經驗) 係: 對果科無D興趣同熱情好難高分
對中文我有種熱愛, 中一開始我會拎本唐詩三百首嚟背, 長恨歌, 琵琶行我到而家都背到, 雖然無修文學但我會自己搵嚟睇, 宋詞, 元曲, 論語, 孟子… 自己做筆記係好重要, 日子有功你發現作文好容易, 抒情文議論文好輕鬆, 一收到題目腦中已經好似電腦 KEYWORD SEARCH咁: 邊首詩詞, 邊段論語, 用咩典故, 用咩言例設例史例…洋洋灑灑800字輕鬆交出
睇書亦係好重要, 當年我基本上無咩興趣, 唔打機, 唔多睇電視, 但幾鍾意睇小說, 金庸瓊瑤,倪匡, 張愛玲, 睇小說我都會抄錄D喜歡嘅段落, 原來都會有用的
真心講句…Dse制度下，如果中英本來唔叻，補大班係唔會ok…只有底子好既人先岩…你要出去搵老師小組3-5人一組補習…建議唔好搵大專大學生…呃錢多…佢地唔知最新考試trend（因為年年marking 都會轉，佢考完果年係咁…之後未必係咁…）
如果問下人…睇下有冇老師秘撈…或者有教學經驗既老師…搵老師係難…但係好有用…
（朋友個女搵到秘撈既老師…一年由3變5）
1個讚
我中文廢到應該得小六程度，最後過關～～我係中文唔入腦，完全唔得，文言文完全冇分，白話文睇完都唔知發生乜事。依家有範文就仲可以背，嗰陣冇範文我係等死。
以前去大型補習社上堂個導師講左一句點醒左我：「努力搞作文」
中文作文佔 20%，只係寫一篇文，不多不少，但考得好嘅話就拉多分。所以我放棄搞其他，只係攻作文，其他卷唔得但作文得左！
作文來來去去都係議論文或者記敘/描寫。議論文我深知自己唔夠班，啲中西史人例子多到達死我，所以我專門寫描寫抒情文。因為墨水少所以冇乜特別深嘅詞彙，但我動之以情成功。
2個讚
語文唔係讀入腦的，誇張啲講係操paper操到有muscle memories 
狂做pp就得
有心唔怕遲。
1個讚
好呀, 試下叫佢想大隻就操PAPER~ 
1個讚
你嘅資訊真係好有用~又打通我多一條命脈 
我嗰陣都有狂做 pp，因為上堂就係操卷操文言文，但可惜真係唔得，連文章都讀得吃力，讀完望住條題目都唔識答，一句都寫唔落。文言文更加係唔得，有啲字都唔識讀，背左啲翻譯都唔知係翻譯做邊樣。好在唔洗再考第二次，再考我都冇本事閱讀卷合格。
其實好睇佢個心點樣，去到而家得返年幾，無心點補都唔掂，何況中英文好講根底，好難速成高分
作為家長，你不如分析下佢dse有咩出路，唔移民的話，升唔到degree，咁升hd又好唔好？之類
語言其實真係浸出黎，日常生活著手可能會更加有效，補習有幫助但谷唔到，唔同其他科係睇老師教唔教到重點。
有一年時間，比佢每日娛樂睇下美劇，開英文字幕，可能會有效少少，同埋group class同私補好唔同，真係要睇下佢弱項係咩，係唔識考試定唔識其他，先可以決定補邊個有用d
1個讚
可能我哋學校係比較早開始操，中一已經習慣模式，中四分左班就陰啲陰啲比我哋操，到最後真係變左一望題目就知答案係邊🥲🥲
我算係hea底，冇自己買練習。
我既建議係操卷係一開始要重質不重量，做完之後仔細唸點解唔識做，有咩方面缺失左，有咩技巧可以改善，下次唔好再錯，或者提升中既幾率，再抄底曬呢d唸到既野remind自己，咁樣就算自學都會有好大提升。另外都可以上網睇下youtube d 5**狀元分享技巧，都會有用。
同埋要知道自己係咩stage，揀岩自己既方法。例如閱讀理解，從查字典、理解文法、到做卷既技巧，如果第一步都未做過，淨係出去補習社補技巧都唔會有用。
如果真係唔得可以搵單對單補習，但係老師一定係要比到feedback同改善方法。
1個讚
有個英文老師我覺得好好 (我都好感恩中學時發現佢), 但而家仲有開班但唔係補習老師, 你有興趣PM我比資料你
以上JM 都分析得好好… 中文真係死亡之卷… 唔知樓主住邊區… 我識有個退休校長幫人補習英文, 但要學生上門, 如果樓主有興趣可以PM 我…