俾你停留24小時，你會想返去咩時候？
我想返去我阿嫲住老人院嘅時候，去陪佢飲茶、一齊睇粵語殘片陪佢鬧奸妃李香琴、買套靚衫俾佢，我好後悔當時無抽時間陪佢，淨係掛住去玩，同埋自己原來無買過一份禮物俾佢，我真係好不孝。
4個讚
我會想返去我老豆岩岩入院果陣，咁我可以好好陪下佢傾多啲偈。因為佢上次入院開頭我阿媽以為佢冇乜事，入咗醫院成個禮拜先通知我。點知之後情況急轉直下，之後佢已經冇心情同精神講嘢，跟住就去左
1個讚
我想再重溫一次同阿嫲係圍村木屋一齊渡過既年三十晚，幾十年前仍然好懷念
2個讚
菲律賓一個我去過嘅小島
1個讚
新年造節，一家人團團圓圓
如今大家天角一方，天堂/香港/英國/美國…
下次相聚唔知到幾時喇
2個讚
最近期應該係大半年前。如果當初我同屋企人商量，就唔會做錯決定。恨自己一世，唔會原諒自己。
再耐啲應該係老公求婚果日，我會一口拒絕。
再再耐啲，應該係直接同當時仲係男朋友嘅老公分手，然後飛去外國working holiday, 自己生活吓。
人生做錯嘅決定太多，有時寧願重刷
8個讚
返中七同自己講, 廿年後自己會點樣變成條咸魚
10歲當年，教當年嘅自己讀書，教自己點揀中學。
由細到大著衫好保守, 想返去24-25歲身材樣貌最好嗰陣show 吓, 放蕩吓 
依家肥騰騰, 想show都冇得show喇
1個讚
返去見小學時代嘅自己，叫自己再努力啲就可以過得好過而家，仲有唔好信老師幫你揀嘅中學。
1個讚
南京條約簽訂前要英國要求割讓埋新界
中英聯合聲明前要求英國唔好還香港俾中共/應該要還俾台灣
2個讚
當年不是租100 年，買斷⋯⋯
界限街以南係割讓，成個新界都係租
想返去1984年向英國示威抗議反對主權移交
仲要反對俾居英權計劃三條七及周融等港奸
1個讚
該主題在最後一個回覆創建後30天后自動關閉。不再允許新的回覆。