大家好 自己本身29歲仔 讀書唔叻 冇degree
19歲開始做物管 一路做同一公司同一個盤
而家係SENIOR OFFICER 人工25.5K
年尾如無意外升AM
學歷最高得個u space的professional diploma (Housing)
除左係香港做物管, 否則去到外地相信係冇用
咁因為本身做開個盤都多外國人租住
所以同外藉人士英文 文書/溝通係冇大問題
另外因為一路同屋企住 所以儲蓄有100萬多小小
如果香港社會環境唔係呢2年突變
本身應該會一路做落去 叫做穩穩陣陣
但最近2 3個月見港共越黎越離譜
想走的念頭大左好多
但自知學歷唔高 做緊的亦唔係咩專業
高不成低不就咁
如果用BNO VISA去英國由低做起 唔介意做住基層工作先
或者安頓好後睇下有冇其他同物業有關的工作 或者睇下有冇其他發展
大家樂唔樂觀 現有儲蓄慳D洗 去到未有工返應該都最少夠生活一年?
如果走到應該會帶埋27歲女友去 佢冇BNO 做開酒店frontdesk
另外又想問下如果係唸移居日本
日文基礎好差 (而家只係貪得意上網睇NHK素材自學)
如果勤力D 一年內希望可以睇到講到最基本的日常溝通
但寫就應該唔得
咁o既情況下考慮移居日本係咪會不切實際?
識中英文同小量基本日交 會唔會有機會在日本搵到D服務性行業?
當然係疫情過後有遊客的情況下
唯一有的顧慮都係屋企人同兩隻貓
兩隻貓都15 16歲 都大年紀隨時走 走得就陪唔到佢地老
阿爸62歲剛決定退休 阿媽56做HA過多幾年都退休
錢銀佢地應該就冇問題 唔會靠我開飯
同埋仲有接近80歲的婆婆
走左遲下應該都見唔到佢最後一面
不過呢D就係個個走的人都有的問題 要取捨都冇辦法
唔好意思要大家睇咁多字 想問問大家點睇
無睇曬，我只focus係29歲，
利用working holiday，去英國/日本體驗一下先。
英國，太多香港人過去，好老實講，同你差不多甚至更低都有，唔係你願意放下身段就有工咁簡單。
2個讚
我淨講學日文，你如果係肯花多時間去讀去衝，一年去到n2應該無問題
但講到最後都係要多讀多練，有d人n1都唔係好識講，只係代表佢識做份卷
當然，就算識左溝通到，同你去定居工作又係兩回事，如果你有朋友係留過日本就打聽下有無門路先
1個讚
其他方面唔清楚
但最近同一個有錢朋友傾過關於移民日本呢個問題
個朋友本身係富富地2代（男），係日本留過學，日文都應該算ok，佢平時好鐘意日本文化，打扮都好日系
佢話遲d都會離開香港，我以為佢係去日本，點知佢話：唔啦，係日本生活好大壓力好辛苦ga
佢本身有家底熟悉日本同鐘意日本，都選擇去其他地方
你參考下
你個情況如果公司肯俾返reference letter 俾你, 攞簽證唔困難, 但係女朋友就未必可以過到嚟,除非結咗婚.
你嘅履歷應該適合酒店業,開閘嘅時候就會對你嘅工種有需求.
日文程度, 就真睇你係咪勤力. 仲有另外一個方法就係兩個一齊過嚟讀日文留學 (香港要先搵地方上100個鐘頭嘅日文課程)。你到嘅時候做partime, 跟住希望個雇主可以遲啲幫你轉長工。
日本其實唔係好適合住，太壓抑，同自由慣嘅香港人唔同
2個讚
日本人係排外，入唔到藉
識人日本男娶中國老婆，就算好多年之後，佢老婆都好難融入咁
唔sure係咪個別例子，佢咁講我咁聽
1個讚
去日本生活的諗法太不切實際
反而英國有得諗，但要你女朋友結咗婚，先至可以帶佢去，兩個人一齊點都好過一個人
無論如何，英國地方、包容度都比香港大好多，你仲後生，去闖一廠無妨，真係唔得最後咪返香港
1個讚
29歲，未婚，收入學歷唔高，英文一般，日文差。
我都建議你去英國搏一搏，反正留係香港就算咩事都無，樓價高，你再老多十年，份工都係危，去歐洲做低收入人士會俾香港有尊嚴。
而且，你唔會對做藍領或低技術工作有心理包袱，好多高收入人士去英國一定搵唔到香港份人工，反而你可能兩邊兩差唔多，而去London 以外城市生活，會平過香港。
日本就唔好啦，我覺得要後生，日文好，再加埋在當地大學畢業先叫做有啲發展機會。
1個讚
脫歐應該令英國本土多左需求勞動人口?
疫情過後市道好返會唔會樂觀少少
不過我都明一時間咁多香港人過去會僧多粥少
佢都係黃
同佢提過 佢唔抗拒
但當然未到好具體埋牙傾
所以唔知佢決心有幾大
其實我本人自己都未揸定主意 所以做緊功課
多謝提供意見 我有睇開你youtube嫁
好想再去沖繩!
我女朋友其實有DEGREE 同埋如果佢係做開酒店
有幾年經驗 唔係應該比我更少有酒店請 從而攞到工作簽證?
如果本身冇o係日本讀緊日文 係咪好難有人請?
沖繩對比日本本島 係咪更易接受外國人?
1個讚
多謝你 其實主要係讀書真係唔叻
又唔想浪費錢同時間再讀咩副學士果D把鬼野
所以出左黎做定左野之後 再係自己果行讀左個USPACE的課程
其實就算有個TOP UP DEGREE 去到外國搵工係咪幫助應該都唔大
除左某D專業人士 / 神科 否則分別唔大
BNO VISA以我理解係咪可以帶一個男/女朋友?
唔知我有冇理解錯
您的家人何時可以申請
如果您在擁有有效的BNO簽證後就開始了新的戀愛關係，則您的伴侶可以作為您的受撫養人申請。
他們需要在他們的申請中使用您的申請編號將它們鏈接在一起。
如果您的孩子（未滿18歲）是在獲得BNO簽證後出生的，則可以為其申請BNO簽證。 申請時必須具有有效的BNO簽證。
When your family members can apply later
If you start a new relationship when you have a valid BNO visa, your partner can apply as your dependant.
They’ll need to use your application number in their application to link them together.
If your child (under 18) was born after you got your BNO visa, you can apply for a BNO visa for them. You must have a valid BNO visa when you make their application.
係 hold住100萬都冇乜可以做 自己本身除左做定期冇乜投資
供樓又供到PK
物管就應該唔憂冇得做掛 不過係睇到香港個社會真係扭曲曬
好難頂
去到果邊做藍領冇問題的 有得做乜都做住先
有degree如果唔係嗰啲好冷門嘅,例如音樂, 其實申請唔困難。
至於就冇酒店請，好睇酒店嘅要求。
因為你已經有10年工作經驗，可以代替degree. 對於酒店申請簽證來講, 申請你或者你女朋友冇分別. 反而你嘅經驗可能俾你女朋友多，酒店或者會更加睇重 。但係真係個別酒店，同埋你見工嘅時候的準備。
沖繩理論上會比本島容易接受，酒店亦都越來越多。沖繩嘅生活壓力，排外亦都相對細啲。但係沖繩嘅生活唔係個個鍾意，你要諗清楚先。日本符合條件，五年之後就可以入國籍，其實唔算困難。
英國其實機會都唔少，不過你可能真係要轉行。
趁後生，冇乜包袱，出去闖一闖。如果唔係未來一定後悔。
真。日本條件其實幾透明。
交稅，有保證人，手上持有嘅簽證係最長果一種，身家清白。（所以日本比較少小粉紅，大家都怕俾人篤灰）。
我哋自己攞咗永住（一年攞到，但我哋嘅情況比較特別），亦都認識一啲朋友入咗日本籍。中國香港台灣都有。