有無人會去? 去左既可唔可以分享下?
我有去，睇細路仔書，夠集中
零食世界真係曬氣，好少攤檔
1個讚
今年書展多唔多人迫入去？
我差不多年年都去
比起之前幾年，今年叫做冇乜人
我第一天下午入場完全不用逼
平就不算平，陪下個仔kill time
星期四下午入場，無兩年前咁多人，但都多人追場。
參展商明顯少咗，其實係為睇書而去嘅，都值得去，
因為多間書商集中係一齊，
題外話：當天我遇到 mirror Stanley，佢好似係有活動出席。
星期四夜晚7點幾去左
入埸完全唔使排隊 順住行就得
埸入面都唔多人 完全唔使避人
不過唔知邊個諗出嚟
現場買飛要係個宴會廳入面轉幾廿個圈先到check 不安心出行同交飛仔個位
前面嗰細路未入埸已經嗌攰
細路書方面冇細睇
但係感覺同之前差唔多
大人書感覺上就少左啲
而且冇太多新書
不過網絡小說出版做書嘅感覺就多左
反而文具好似少咗
又冇新嘢出
呢兩年都無去，已經審查到無咩意思，而且屋企堆書都大把未睇
1個讚
尋日朝去咗，要排一排隊。
記得預先係ok買定飛，我朋友嘟安心。
無買任何嘢，因為書會係其他地方買，唔會益三大書商。
我離開時經稅務大樓走，人多到排到地鐵站位。
以前又係年年都去，今年無去啦。我成日行書店，有想睇既書好難等到書展先買，加上覺得好似無咩氣氛咁，出面自己買書算了。
以前去書展買一堆書最後都無咩睇，呢家即買即睇感覺上無咁浪費。。。
1個讚
都多呀，不過去要買票先，唔係有排兜
我好口腔期，以前年年都有個類似food court嘅地方有飯賣。而家無嘢食同唔俾食嘢，我上網買練習算。舊年睇報導話傾搞唔搞書展，都要問過三中商，我覺得跟本成個書展係為三中商而設。無意義再去
3個讚
無去啦!所謂補充練習,平時留意開出版社都有 discount
2個讚
會展都有foodcourt, 但勁多人排隊
而且書展除左大三中，仲有其它小書商架
我買書都係幫襯它們先
今年書展買了幾本漫畫和養生書籍，時事漫畫係想放鬆吓自己， 生話太緊張，低能唔用腦有時仲開心。其中一本講斷糖飲食，希望有得著，雖然我唔肥，但到中年真係要身=養金
我之前睇新聞報導話無嘢食嘅….不過都多謝你報料
今年冇去 唔想同人逼 同埋平時幫襯開獨立書店
我都係咁 而家見到鍾意就買 唔洗等書展一次過買
星期六夜晚8點先去到，都係同樓上一樣兜左去個宴會廳度入場，今年可以就咁嘟八達通入場我覺得幾好。
直接上3/F睇文具，買左兩盒同舟口罩，睇完文具先落去睇書，諗住夜D無咁多金菠蘿。
咁結果都同預期咁上下多人，唔會迫，D細路都有中一二咁大唔會太煩，老公買阿塵，我買左阿塗美麗新世界，其實都已經有電子書，不過唔同人翻譯有唔同味道。
無入中三商D檔口，城邦,CUP,點子,白卷都好多野睇
口罩有幾平？聽人講文具無以往多又無出新。。。