5 歲仲唔肯自己擦牙

阿仔5 歲,仲未肯自己擦牙
要爸媽幫佢晚上擦,了牙線,擦個時仲要衣哇鬼叫。

佢表示好唔鐘意牙膏陣味,試過自己擦只肯用清水…

我衰,冇由細細個培養佢清潔牙齒嘅習慣。

有咩方法可以令佢肯自己擦。

俾佢自己揀牙刷得唔得?

試下用兒童果味牙膏吸引佢

我小朋友都係咁,都好抗拒用牙膏 ,己經用兒童牙膏士多啤梨味,都係唔鍾意,成日都係用水刷牙浪口。

要小朋友自己去刷牙,我有一段時間開比卡超刷牙APP,跟住個APP刷牙。

2個讚

換牙膏,比佢自己揀牙膏

5歲仔識表達,佢講明唔鍾意牙膏陣味就由呢度入手先

3個讚

最近同佢去㨂咗枝士多啤梨味,佢自己㨂,最後都話唔like…

搵日試吓同佢買枝新牙擦試試…

小朋友以前勁抗拒牙膏,放入口即吐返出嚟。佢好鐘意食蘋果,試買蘋果味牙膏俾佢,勁鐘意,初時仲偷偷哋食牙膏添。

有無試過jack n Jill?我屋企用開呢個牌子,小朋友好鍾意會食牙膏:see_no_evil:

以前試過買大牌子既兒童牙膏,小朋友唔鐘意個dd薄荷味都唔願刷牙

2個讚

係? 等我買枝試吓

用水好過唔刷呢,由佢用水刷多一排,一定要讚下佢。
不過要搵出佢抗拒刷牙嘅原因。

我小朋友都係唔中意刷牙,唔好話牙線,肯企定定自己刷已經好難

佢話刷毛好硬,換左好多牌子都未搵到岩的牙刷,請問有冇兒童軟刷毛嘅牙刷好介紹?

我都唔明啲兒童牙刷刷毛咁鬼硬,我最後覺得Oral B兒童個隻啲刷毛比較軟少少。

我啲女都係用佢,仲特登唧大pat啲,話鍾意陣甜味:roll_eyes:

我大女細個都唔鍾意刷牙,我播巧虎俾佢睇,帶佢自己揀卡通牙刷,一齊唱刷牙歌,仲會帶埋佢心愛公仔一齊刷,氹下氹下就肯乖乖自己擦

我個個係擺明食左pat牙膏先開始刷,我見無蛀牙就算了:roll_eyes:

1個讚

都係用開bb店買到日牌。。。有巧虎樣個隻。。。

同埋試下一齊刷,佢見你刷得開心佢都會想試

話時話,你地小朋友幾時開始甩牙?
我見有d 同齡(5歲已經開始甩)但我仔d 牙仲好實淨…

啱啱喺iherb 買咗枝,希望work

未夠4歲已經甩啦

呃…我小朋友7歲都未開始甩:see_no_evil:
佢本身都好遲先出牙,睇過牙醫都話無問題的
5歲應該唔駛擔心住:rofl: