已plan好出年年初走,著手準備之際,小朋友(2歲)卻診斷患上自閉症
請問在英國治療和訓練會好貴嗎
香港私人果D都貴貴地,但而家兩公婆的收入都負擔到
如果去到英國,兩公婆其中一人就要全職湊小朋友,另一個亦預左收入少一大截
而且budget原本已掹掹緊,再多呢筆支出真係怕應付不來 
係咪好嚴重？
如果唔係既話英國學校既support會好d。
2個讚
醫生冇話嚴重
最主要係唔識講嘢同埋社交弱左D
我係你唔會移
佢將來除左溝通仲多埋種族問題要面對
或者你睇多兩年佢發展成點先
1個讚
如果係語言delay,倒不如盡早去，適應英語環境。好多自閉症小朋友其實學習英文會好過廣府話，其中一個原因係讀同講一樣。英國支援SEN小朋友o既政策同照顧比香港好得多。如果你會全職湊小朋友，其實訓練效果會仲好。當然你自己都要考慮個人o既支援。
9個讚
我睇過呢本書[移居英國升讀公立學校全攻略 | EDUplus.hk 進修生活]
(移居英國升讀公立學校全攻略 | EDUplus.hk 進修生活)
佢有幾版係講sen點去英國升學. 佢都係建議留係香港做左評估丶檢查嗰啲先，有興趣可以留意下
2個讚
最後做齊assessment 帶齊report 走。我覺得真係只要文件ready 就走
2個讚
如果真係有決心去，一定攞埋 report 同醫生轉介之類，盡早去，有咁快得咁快。本身學語言已經慢，如果等多幾年，再學第二種語言就難好多，你要付出更多時間精神去同佢熟習英文。一來本身小朋友呢個年紀係要學識表達情緒同需求，但佢做唔到，就會好多情緒行為問題，二來年紀越大嘅自閉小朋友越容易對陌生環境有反感，趁佢仲懵懵懂懂未有太多認知搬去早啲適應。
另外不論移民與否，教識佢手語（視乎地區，英國就英國手語，香港就香港手語），咁樣佢可以多一種方法表達自己。
好耐以前，家人面對同你類似困境，本身都已經係英國住，但最後決定返香港係最適合全家。
治療呢啲野就要再睇埋學校支援，有啲係學校有包。加上你全職湊，其實你先係最有效訓練佢嗰個。英國比香港多更多 resources，尤其網上資料。
6個讚
英國有很多 SENS 學校，特別給有需要的兒童
3個讚
https://m.youtube.com/watch?v=Vhr6_r7KhB4
不如去英國試吓Music Therapy
呢個領域對醫治兒童自閉症有好大成效
響歐美已經發展得好成熟好專業 台灣先啱興起無耐 啲音樂治療師全部係專登去歐美留學考牌嘅
1個讚
我覺得呢類有特別照顧需要既小朋友…
無一個地方會比香港教育做得更差了~
GOGOGO! 加油
7個讚
UK嘅教育一定好過香港，佢地對有特別需要嘅小朋友非常關愛
2個讚
去英國，至少唔洗學中文先，學習壓力亦細好多。
我小朋友去到小學，先發現中文搞唔掂，中途轉英文學校，而家再轉英國，真係幾煩。一早去英國就好。
3個讚
冇研究過，但感覺上有自閉症既小朋友應該去外國會好d? 外國配套應該好過香港。香港教育制度淨係識chur 小朋友，正常既小朋友都跟到嘔。同時自閉小朋友需要好多耐性同愛心，香港老師我覺得亦冇咁多時間，趕得哂個課程已托賴。
3個讚
覺得留香港對個小朋友治療都冇特別大幫助
3個讚
SEN唔適合留喺香港啦
快啲過去好啲 拎到referral letter就更好 唔得嘅話咪喺嗰邊再睇
2個讚
我唔了解英國情況，但見佢地有好多special need school同埋學校好多招聘SEN TA…
亦都有英國媽媽在當地人嘅fb group話自己岩岩搬到黎呢個城市，仔仔有自閉症，想幫小朋友識下朋友仔，跟住好多媽媽留言話自己嘅仔仔都係自閉，歡迎做朋友之類。。。
帶畀我嘅印象係呢度大家對於SEN嘅接受程度比較高，相應支援比較多（好唔好我唔知）。
而在香港，我以前在學校工作，甚至有涉及SEN工足，只能夠話支援真係好有限，最多係某局批啲錢，教育心理學家一年黎幾次睇下（for全校所有SEN學生），其他野就好睇學校負責人願意做幾多…
2個讚
多謝大家的意見 
我都覺得過去會好d，比起求學只係求分數的香港，英國小學讀書壓力冇咁大
而且我見英國每個地區的council都有支援sen小朋友的資料，呢個對揀落腳地區都好有用
6個讚
你可以去fb度follow同問吓米里媽媽在英國，她的小朋友也是SEN, 她說在英國只需4個月便安排到學位給小朋友，香港需要排兩年半，我相信在小朋友福利方便，英國一定比香港資源更全面，我看到香港很多小朋友也被耽誤時間，其實早期戒入好緊要，越早接受訓練，小朋友越易融入學校生活。
5個讚
緊係拿拿聲走人, 英國支援特殊學習好過香港千萬倍, 香港搞乜融合教育, 其實即係唔想幫有特殊學習需要的小朋友
100% 係走人好
1個讚