我有個6歲小朋友，幼稚園比佢讀兩文三語既學校，但小朋友可能進度慢或冇語言天分，英文到而家都唔係好識講，曾經有段時間我迫佢講英文，但佢好抗拒講話唔鍾意英文，當時我已知用錯方法，再用另一方法教，先令佢唔再抗拒，有時都會講一/兩句簡單既英文，但而家諗住移民，有啲擔心佢唔適應個面環境！到時日日唔開心怕佢會嘈住話要返返黎！所以都思考緊係味真係過去好呢？
大家可以比d意見我嗎？謝謝！
去之前搵個鬼佬私補？
如果係語言問題，你唔需要擔心小朋友嘅。
我有朋友之前移民去澳洲，都係好擔心小朋友適應唔到澳洲嘅學校，又係擔心英文程度。
但係唔出三個月兩個小朋友返到屋企都唔肯講中文，淨係講英文, 搞到我朋友又恨佢哋講返中文
。
佢兩個小朋友一個八歲一個六歲，畀你參考。
1個讚
暑假已搵d英文班比佢讀，希望佢可以有啲進步……
個問題都係假設，未試過又點知結果？
講多d英國讀書嘅好，俾多d期待佢，可能唔係你諗咁差呢～
1個讚
我都希望我小朋友可以咁！係咁我就唔使煩！
但我小朋友聽到英國係講英文就話唔去 
1個讚
幣在我女又被動，我就係擔心佢去到因為唔識講英文，唔出聲，搞到冇同學同佢玩，令佢更唔開心…
俾多D故事佢聽，例如睇吓香港有D youtubers, 成家去咗英國果D(當然媽媽你要事先揀選過)，唔好太強調英文呢方面嘅事。
小朋友仲細，去到識咗朋友仔就好快適應。
如果你去意已決，就等將來再擔心吧。
你放心過到去小朋友好快英文叻過你
1個讚
依家度度都愈來愈多香港人，其實好易會走返埋一齊玩。
至於英文，跟唔上咪跟唔上囉，呢邊無人care架
老師會就佢程度，總有一日會跟到，最緊要唔好比壓力小朋友
可以試下俾佢去純英文既興趣班，但唔係上學術堂既試下。最好係國際學校搞既課程，無人講廣東話既。俾佢感受一下去到英國上堂係點，你又可以觀察下。
小朋友嘅適應能力比我哋強，其實佢只要在英語環境內就自然慢慢識聽同講，開頭老師都應該會因應佢嘅理解能力比簡單指令佢，以前我都遇過啲小朋友一句廣東話都唔識講，但係只要有得玩佢哋就會無分國界同語言，唔使太過擔心，可能你只需要教識一啲佢需要講嘅嘢例如「我想去廁所」，「我唔明白」嘅句子，等人哋知道佢嘅需要就夠。其他的，佢慢慢學自然就會識。
1個讚
英文卡通片/生活化電視劇得唔得?
1個讚
有比佢睇架，不過佢係睇錢仔動作而唔係聽囉，同佢睇書都係，淨係睇公司圖畫
都有教佢，好簡單一兩句都識講既，只係叫佢上英文堂或同佢講英文佢會抗拒咁囉