親人/好朋友離別在即，大家選擇送唔送機好？
怕現場喊到收唔到聲，但又想見得一次得一次
唔知幾時再見…好沈重
當然要送啦 雖然唔知幾時再見 但係都算係一種對距既祝福同重視 等距地唔會覺得孤零零咁走啊嘛 喊既話都唔緊要既 到時來日再見又可以講下笑話個時喊得幾慘~~
有時又未必諗到咁差，有親戚移左去澳洲，好多時過年過節都會返黎香港，又成日間中whatsapp 互通下消息，唔覺佢離我身邊好遠，係而家無得飛先少見
3個讚
我個人唔鍾意送機/被送機
因為覺得送機既人say bye bye後回程果程好難受
6個讚
睇下對方同自己有幾熟，例如如果當日佢爸爸媽媽親兄弟姊妹都會送機，咁我會選擇唔去，因為想留返啲private time 比佢哋
2個讚
送，因為唔知下一次見係幾時，要留一段好回憶唔好留遺憾。
touch wood 講句，人生好化學，突然就可能唔係度。親戚同爸爸外國住，親戚因為工作駐紮香港，但每年都返去聖誕團聚。因為疫情冇得返，佢爸爸急病末期癌症，等唔切親戚飛同隔離十日就離世，幾乎喪禮都敢唔切。其他親戚飛唔到嘅都只能夠直播送別。
朋友就無送，佢哋都叫我哋唔好去.
如果可以去都會去！
雖然會有不捨，但依家疫情搞到都冇得藉口去旅行探親友，最後見面係機場一攬…回憶黎既！只不過係回程失落，但都唔想缺少左呢個回憶
睇下幾 close 啦
如果好好好close 呢？
唔close都唔會諗請假送機啦
1個讚
一定會
已經送咗幾次機喇，係幾 close 嘅親戚
暫時見到佢哋幾開心，我都戥佢哋開心 
1個讚
如果我for good離港，我都唔想人來送機、check 完in到立即過關啦！又唔係唔會返嚟，而且而家又可以 video call, 咁方便！
4個讚
我走嘅時候就唔想人送，因為唔想大家喊晒咁走
3個讚
其實有時在香港都唔係成日見, 反而啲人返香港會約下見面. 唔覺得會疏離左.
3個讚
係囉，而家都唔駛特別送來送去
1個讚
去 因為唔知幾時先再見
我會送。因為是珍貴moment.
我又唔會送機喎
朋友都未必想場面咁傷感啦
承上題，我岩岩諗返上次移去台灣屋企人都冇送機
佢地有提出應該都比我ban左
瀟灑d好 哭哭啼啼好怕