聽啲人成日就話係三。四年班。但我不明白為什麼去到三。四年班就會大概名次都係咁?
我覺得無! 
唔溫唔考,一樣照飛落第尾!至於第一,就溫極都未必拎到…中間就要保持狀態咁
當然有人固定年年第尾,因為固定唔溫唔考 
2個讚
第1果啲人真係好高分。真係好難想像點解可樣樣都咁好
1個讚
關事嗎？
可能有書緣啩!
有 d 人真係咁,溫左合格,唔溫100!乜人都有 
1個讚
我覺得二年級會明顯d，因為大家不同KG入，一年級亦可能適應力不同，見到有個由KG就谷個仔，小一成日po個仔成績，到左二年級，佢阿媽靜晒
小二開始頭三名來來去去都係嗰幾個。
1個讚
冇定呢啲，只不過係頭兩年大家未適應出題模式、細 B 懵懵懂懂未開竅，三四年級都已經摸熟學校啲野，成績算係定左落黎，不過唔好睇少呈分。有啲人係呈分爆發，名次突然飆上。
仲有一啲係中學甚至 DSE 先黎飆。讀書呢架野真係話唔埋，一開竅就突變。
3個讚
啲人咁講。所以想傾下咋。
咁又係。記性係天生。
1個讚
但呢類人應該p.2都會繼續谷吧？
原來仲早啲。等我仲以為小三。
呈分先爆既多唔多呢？中學我就細個覺得分佐科有啲人係會叻佐。不過你話變佐去最叻果啲就冇。最叻果啲我見我遇到既仍然係由頭帶到尾。
自己小朋友未讀小學，但眼見姪女情況，真係小二都定晒。不過我又覺得小學成績真係參考，中學先見真章而且變化大好多，尤其男仔，例如自己讀小學時年年考第一個女同學，最終升唔到大學；中學時成日欠交功課又包尾個男同學，公開考試突然發力，加上少少語言天分，最終奇蹟入港大。所以我成日都提醒自己，小朋友讀書係耐力賽，只要打好語文基礎，將來行得遠最重要。
3個讚
但有時唔係靠谷就得嘛，我覺得全級top 10性格影響都幾大嘅，明顯真係會專心d、受教d。
當然，我唔會認為名次前、分數高就等如叻，始終香港教育制度都係狂做狂背，甚至初小冇太需要思考嗰part，對有d小朋友未必最適合（唔代表佢哋唔叻
）
轉變咁大?我啲小學同學就似乎都維持到。不過中學真係個情況好唔同。分佐科又會有啲人係再叻啲又真。不過小二原來都定佐。咁真係比我想像中前好多。
咁又係。我也聽聞級一係好定既女孩子。
初小真係不用思考咁多?因我見都係有閱讀理解果啲。不過英文又真係有啲例如作文係真係靠背多啲咁。都不知到高小會是怎樣。
多架，尤其係男仔同埋有直屬學校嗰啲。直屬學校頭幾年可以留力，但呈分做 band 2 好煩好尷尬，所以好多都會突然排名彈起。啲仔好少可以一二年級就肯合作溫書，五六年級定性少少加上呈分影響自己升中讀書，好多都會開竅肯溫書。
中學都多，身邊真係有同學由頭叻到尾，但我見證同學小學畀人留班又差啲升唔到 Band 1，去到中學開竅爆發，最後入中大。
但小五六先開始溫會唔會咁易追呢？我見過有啲人係學早幾年野。
學早幾年野呈分階段幫唔到好多，因為考試都係正常範圍，佢哋只需要小心同熟就已經勝過一切。