男人好多都去速剪，但近期見多咗女人去
唔知點解感覺上覺得好污糟，可能因為冇得洗頭
我有去QB剪喎，又唔覺點污糟，開始剪會消毒用具，每次都用新嘅梳。反而一般髪型屋好似唔覺有消毒，D梳用完唔見有清潔就俾下一個客用，不過我已經好耐冇去髮型屋，而家仲係咪咁？
同埋我剪完會即刻返屋企沖涼，反而覺得髪型屋洗頭仲污糟，D毛巾都唔知係咪乾淨，又成身頭髮，以前我響髪型屋洗剪完一定返屋企再洗多次
唔覺呀，剪完返屋企洗
剪咗幾次有d熟，我問阿叔可唔可以比我幫佢消毒先剪我個頭
佢好開心 
上次個女去80蚊suppose係速剪，唔知係咪平日所以冇人等，個女髮型師幫我個女剪左成半個鐘好有心機，仲幫佢紥埋辮至走，好搞笑！
突然發現自己離左題
我覺得速剪同普通salon差唔多
3個讚
感覺普通salon都一樣污糟
本身唔中意剪頭髮剪得耐，近幾年都係速剪咋
1個讚
我有試過速剪，因為十分鐘搞掂太吸引。
我平時大約用$300左右整一次頭，所以如果連續5次QB剪都冇瀨嘢，咁計落就有賺喇
點知去到第四次就比個女髮型師剪衰咗我個頭，仲要屈我頭髮逆向生長「生得唔靚」
唔覺….
速剪概念…. 最梗要師傅手勢要好
1個讚
我超多頭髮，成日覺得速剪d師傅剪唔到我個頭
我無幫襯過。但又唔覺速剪污糟。
唔覺，同埋疫情關係我寧願佢拿拿臨剪完我即刻番屋企洗頭好過。普通髮型屋你book左有時去到都仲要等，洗剪吹攪掂哂起碼要成粒鐘，有時遇到坐隔離果個或者個髮型師係咁咳，我真係勁想走人
1個讚
Me2
Qb 係唔係黨鐵入面嗰間？我覺得好好wor, 15分鐘走人，我最憎坐salon, 如果唔打算染髮，我都會去
要睇邊間，我見過有d多人去嘅街坊鋪，剪完一個到下個，中間過程無消毒d工具…但都應該好多人諗住剪完返去洗頭，所以無咩人介意
我仔長期去速剪，小朋友長得快，唔覺污糟
但我去開嗰間速剪愈來愈貴，90蚊升到110蚊，但剪得有心機
有時salon 包洗頭先百幾
我都有去速剪，貪佢慳時間
普通中長直髮頭，覺得去邊剪都一樣
如果咁都剪得唔靚都好肯定執笠得
想去salon齋剪貪快…唔知會唔會比人嫌冇錢賺呢
之前去開荃灣速剪，都剪得幾好㗎
但係計埋時間車費，而家想轉返屋企附近salon剪
唔覺 可能我一向鐘意返屋企洗多次頭
長頭髮，修吓個髮型，速剪好啱。而且天氣熱大部分時間都係紮馬尾多，唔需要造型。
疫情前一向去速剪，中長髪修短少少快靚正
疫情期間就變咗自己屋企剪
我住屯門，悅湖果邊有間速剪黃店，好乾淨