因為我地作為基層家庭，真係無本事移民。但真係想送小朋友去加拿大升學，而家開始計吓數，睇吓條數計唔計得掂。所以想問吓大家，如果小朋友今年升中二，大約學費同食宿費一年要預幾多? 而通常第一年係咪要預先比多啲錢? 因為個想法係呢排先開始有(之前講真真係諗都唔敢諗，但真係好想小朋友可以離開)，所以想攞少少概念先。唔該哂各位
咁貴 
唉！咁真係我太天真，我諗住一年二十萬港幣到 
咁我真係要勤力啲買六合彩先有可能
所以BNO 係賣大包，你拎幾十萬，全家過去讀state school 仲好
2個讚
係，可惜唔係人人有，當年我父母就冇幫我申請，我以家去拜山都同我老豆呻
樓主有冇？再計下數，諗下佢。
1個讚
實不相瞞，正如我第一句講基層家庭，基本上個個月清，無大學學歷，移民(縱使有本過期 bno) 真係唔洗諗，坦白講無本事。但喺香港見佢讀書壓力大，社會環境又越來越差，先開始有比佢去加拿大讀書嘅念頭。睇吓計唔計掂條數!
真事，我fd都唔夠彈藥，唯有賣左層樓套現俾個仔去加拿大。
如果月月清，你係打算用之前積蓄比小朋友去讀書？
其實我成副身家都係咁多，唔知算唔算冒險 之後每年嘅學費同洗費，我諗住同我細佬每人一半，其實個小朋友係我姪女嚟! 我細佬揾得唔多，如果真係之後一年每人十萬，都應該可以嘅
1個讚
嘩有你呢個姑媽，你姪女真係爆幸福，好多謝你幫手救香港啲細路
但廿萬就實在冇乜可能
6個讚
但我睇過啲升學網站，見到有啲私立中學，學費加食宿(寄宿學校) 大約圍起3萬尾加紙，呢啲網站可唔可靠?
應該仲有其他使費嘅
之前阿女報加拿大大學，經agent報(我冇比
任何費用)。
你可以上綱睇下，或者聯絡agent問下學校的資料。
1個讚
如果負擔到廿幾萬可考慮蘇格蘭/愛爾蘭，朋友問過一年大約23萬港幣
係，愛爾蘭平靚正，蘇格蘭我聽聞參差少少
咁係愛爾蘭啦，因為佢有限budget 所以先搵到咁北
但愛爾蘭都有好既學校
https://www.vsb.bc.ca/site/International-Education/Apply/fees/Pages/Default.aspx
溫哥華教育局網站寫一年學費加幣$15,500，醫療一年$1,100，住 Home stay 大約九佰一個月
溫哥華算係咩都貴啲嘅城市，內陸細市鎮可能平啲。。。
請問點解經 agent 報，唔洗比顧問費嘅?
呢個上年我都考慮過，同Agent都傾過下，但讀完唔會有加拿大救生艇咁有居留權？
冇乜研究，有錯請指正。
唔係太熟悉加拿大，所以經agent 報。同埋簽證、入境等問題可以問番佢地。
agent係收學校commission,所以不用比顧問費。
你可以睇下Alberta ，個度學費及生活費比多倫多、温哥華平。