沙田有冇校風開放啲B1學校？佢資優+ASD 
佢都算易緊張同焦慮，想佢讀得開心啲。
荃灣津校我就知有一間係比較鬆手開放，沙田嘅話應該得培僑同 WKF 兩間直資先做到，其他津校都比較傳統讀書型。
係沙田長大，校網係好既，好多人都誇區入沙田讀書因為多band 1 中學，所以無啲咁hea 既學校，私校除外，反而知道天水圍有一間
又要band 1又要開放好難喎
1個讚
印象中沙田區嘅學校，band 1嗰啲都係傳統讀書型
請問荃灣係邊間？
可風。位置對於好多人係偏僻左啲，但如果你沙田出發，搭巴士經城門隧道就去到。佢宗教唔係個個 like，但根據校長同用家家長，又唔係非常濃厚嗰隻。
相比傳統學校，功課量唔算多，有好多活動好多野玩，Band 1 中水平，呢排好似 DSE 年年進步。佢校網有列 DSE，可以慢慢睇。
因為位置同宗教問題，通常都係荃灣葵青嘅學生先入去讀，比較少外區入去讀。而呢兩區幾乎全部都係官津小學，叻嘅學生已經跨區走曬佬出去讀書 (e.g. 協恩、喇沙)，咁所以如果你係沙田啲一線學校嘅 Band 1 生 eg. 培基、呂明才，咁去到讀書應該都唔會吃力，容易做到中上游。
荃灣其他 Band 1 都係讀書型。葵青嘅話，都係偏向讀書多，李兆基應該相對多但都應該冇可風咁多野玩。大埔啲 Band 1 都係讀書型。
明白！好詳細，我都希望我個仔入到呢間