請問一下， 大家覺得小朋友關/鎖房門有冇問題？
我仔6歲開始自己一間房， 但當時佢不常進去活動， 到9-10歲， 因為上網課， 怕廳的活動會騷擾佢， 就開始左關房門， 現時11歲， 經常關上房門， 有時仲會鎖房門
我開佢門前都會敲門， 心中對佢鎖門覺得唔係幾舒服， 唔想佢經常關/鎖門，但佢又開始大， 係咪要尊重返小朋友？
1個讚
我仔中學時有段時間瞓覺都會鎖房門，因為想尊重佢私穩，所以都由佢。
5個讚
門有門鎖，保障自己私隱鎖門好正常，一係換個無鎖嘅門
2個讚
咁梗係啦。
你要早日接受自己小朋友已經大個啦！
尊重佢，我都係好重視私隱既人，其實係房無做啲咩，純粹係想有自己私人空間，同埋佢都11歲正係開始青春期你要小心做好少事都會令佢覺得唔舒服
1個讚
我容許仔鎖房門，但要約法三章。
我要keep一條房匙，
訓覺唔可以鎖，因為聽日要返學，唔知醒我仲可以開門叫醒佢。
我敲門時，佢要15分鐘內回應，俾我知佢乜原因開唔到門，而我亦同自己講，一日唔可以敲多過5次門。
6個讚
好正常喎，十一歲了
媽媽，特別係讀女校大嘅乖乖女可能接受唔到一個現實，通常少男鎖門有兩個原因，一係打機，一係打飛機，記得唔好爆門入去。
依家可能加多樣，係上課，可能俾老師罵緊，俾父母見到會煩多啲，想留返啲面子。
3個讚
明白，我無唔比個11歲仔仔鎖門，但成日用勸喻tone 叫佢唔好鎖，因爲有事我要入去救佢
仲有，敲門唔好咁大力
突如其來嘅響聲會嚇親，長時間嚇親係虐待
1個讚
我大佬都係鎖門,
以前佢唔應門, 我媽會搵鎖匙直接開佢門 (鎖匙放係廳)
而家佢醒目左, 點都應左先, 不過鎖匙就掛左係佢門
有咩事都直接開佢 (我媽覺得)
約法三章
我家家規係不能鎖門 但可以關門 小朋友十歲
十一歲想有私人空間又唔想比阿媽哦 關門都正常 不過話佢知無乜特別野唔好鎖門
話佢知其實關左門你都唔會特別騷擾佢
我記得我十一二歲後都習慣閂門，但冇鎖，主要係因為要溫書，我媽要搵我一定喺出面嗌我先，佢就咁開門我實鬧佢
我仔自戒夜奶就自己一間房……9月就11歲，平時唔太閂房門，唯獨係佢打機要錄video嘅時候會，但無鎖……其實閂房門我覺得好正常，你換衫都會啦，你比間房佢都想佢有自己空間
唔好expect你敲門佢會「立即」應你….將心比己，我地做細果時都唔鐘意啦……同埋唔好一敲門就大哂可以即入，其實你咁做反而解釋咗佢點解會鎖門
1個讚
Hmmmm 其實我細個時都成日閂房門
通常都係溫書、瞓覺就會閂
開冷氣都要閂 媽咪唔覺得太大問題
佢搵我會敲一敲門 有時唔應門佢就會text我
不過搵得我都係叫我食飯啫 
該主題在最後一個回覆創建後30天后自動關閉。不再允許新的回覆。