有咗BB去健康院檢查其實有啲咩做嫁😅

其實去健康院會做D咩嫁?:laughing:
同埋其實有無人從來都無去過果度檢查:sweat_smile:只去私家做產檢嫁:sweat_smile:
因為返工只有我同另外一個同事做嘢所以好難請到假去健康院:sob:所以想睇吓如果唔去嘅話會唔會有啲咩影響:sweat_smile:
同埋想問下大家12w後大家會食D咩維他命或者其他補充劑呢:crazy_face:
多謝大家解答:smiling_face_with_three_hearts:

Me lol

1個讚

想問下你咩原因無去嫁呢:laughing:

話說第一胎冇乜做功課,私院話bb黃膽可以出院但兩日內要返健康院檢查黃膽,就以為全世界都要去健康院Lol
郁d就要返去checkup,身心俱疲,bb又細又等得耐
等度高磅重,磅完又等叫名,見完依個姑娘又等叫名見醫生,總之搞好耐

之後轉晒做私家檢查+打針,第二胎都有黃膽,出院都係私家兒科跟,成個experience pleasant好多

3個讚

你應該係諗住私家生?
產檢嘅話, 我通常上午去公立, 儘量BOOK返同一日下午去私家, 咁就唔駛請咁多假
我覺得就算去私家生, 都去公立留返RECORD好啲
公立開頭唔係檢得好密啫

2個讚

我第一胎都有去政府醫院「留record」
去到等幾個鐘淨係自己驗有冇蛋白尿同聽胎心,照都冇得照,結構叫我私家做、糖水唔洗飲,我都唔知留乜record​:face_with_monocle:每次去只有不斷diu鬼

再者 週數愈大產檢會愈黎愈密,私家產檢+政府加埋係超級密,好辛苦🥲

3個讚

可能我有妊娠糖尿, 驚有乜事私家唔收, 或者早咗出嚟, 所以乖乖去埋政府度檢到37週
佢乜都無比你做即係你健健康康仲好啦
去政府都幫我慳到少少驗產前血/打B連果啲嘅

2個讚

去健康院/政府產檢都係for留返個record…
特別係未到34w-36w你都好難肯定自己一定可以去私家生…因為你唔知會自己有冇早產/胎盤前置/妊娠毒血等等問題…
到後期都sure自己冇咩大問題咁其實唔再去政府都OK…
政府檢查係無聊晒時間既講真, 但有D我覺得如抽產前血, 飲糖水, 打百日咳針, B鏈果D都OK丫…
初期政府都係6星期去一次都可以, 後期檢查太密咪自己skip唔去.

1個讚

我都無book 政府健康院嗰啲,淨係做私家產檢
因為疫情關係唔想嗰個度等咁耐,覺得風險高
二來就算私家發現有啲咩事,佢會寫信refer去政府 政府醫院都一定要收。到時帶齊文件資料就得。所以唔覺得要去健康院開file。

12w 後建議食 Nestle Mom + 檸檬酸鈣片 (咀嚼嗰啲)

2個讚

其實重要嘅檢查我都會照返去醫院做嘅~:crazy_face::crazy_face:只不過成日聽人講去健康院等又等得耐,但做就只係聽下bb心跳摸下肚仔咁,好似好浪費時間:sweat_smile:因為始終工作唔太方便成日請假:weary:所以想研究下有無人真係唔會去健康院產檢只去私家睇:rofl::rofl:
多謝大家嘅意見先:smiling_face_with_three_hearts::smiling_face_with_three_hearts::smiling_face_with_three_hearts::smiling_face_with_three_hearts:

如果你請唔到咁多假,唔去政府產檢都得嘅,因為都冇得照超聲波,但你會唔會係高齡產婦呀?如果係高齡,政府會同你做照結構同飲糖水,呢到可以慳幾千,另外,政府會幫所有孕婦打百日咳針,唔洗去私家打

1個讚

依樣係關佢睇邊間健康院事,未必係高齡就有,非高齡就無。

我果陣諗住私家生,都有去公立產檢開定file,因為你真係唔會知懷孕期間會有咩事,私家喺足月前係唔會收你嘅,而我25周試過流啡都喺公立住左3日。我都有喺公立做度頸皮、照結構,最後足月啦,都肯定喺私家生我先冇再去公立產檢。
我建議可以去第一次同重要果d檢查,其他唔方便去嘅就skip

1個讚

係呀,我係高齡,但健康院叫我自己去私家照結構…

係?非高齡都有咁好,咁可能係我果間冇:cry:

係呀 贊育有

我係高齡
住新界西
本身預約通預約醫院做檢查
佢都俾左唐氏個期+ 一次產檢俾我
去check 唐氏果陣佢就俾埋照結構個期我
另外產檢果次佢就幫我約埋飲糖水
然後話我無咩特別
叫我之後去健康院就得

1個讚

如果keep住比有信譽既醫生產檢,依d問題會發現到

例如我第一胎好神心咁政府私家兩邊走
好彩我個私家醫生及時發現我宮頸短、假宮縮太密,有早產風險 而幫我keep住monitor、打針+食藥
如果淨係去政府,可能bb 20+ 週已早產左:cold_sweat:

同埋私家醫生都講左下面jm段野,所以第二胎一次政府都冇去過

2個讚

唔去健康院當然可以,我有同事就係咁,就算生完後所有針都私家生,無去過政府,話太浪費時間,不過成件事要順利先得。
我第二胎一心私家生,但都有keep住健康院檢查,貪佢所有檢查都免費,有啲可以政府私家一齊做更安心,例如b鏈。不過後期私家懷疑bb可能有問題,建議我去返政府生,然後轉介去政府做一堆檢查,到最後一個月先確認風險低,私家醫生先肯接手。
不過我都明工作上請唔到假係好難搞,其實如果無健康院record政府都會接手,有私家轉介就得,不過有record就真係成件事順暢啲,一去到政府度就排到快期咁囉,睇妳覺得博唔博得過。

1個讚

冇去政府醫院同健康院產檢,一次都冇去過,bb出世後都冇去過。我覺得冇問題,慳左好多時間,係荷包肉痛d。

1個讚