事緣係一係你都幾熟既朋友
最近轉左行做保險
然後佢依家次次約我出街
都說我買保險又講佢番工D野
我覺得好似友誼變左質咁:(
1個讚
你買、唔買，都會冇左呢個朋友，最多之後變hi bye friend
10個讚
我都有個咁嘅朋友
每次約親見面，9成吹水，1成點都要sell下保險，有時真係好無癮
阿女出世已經搵佢買咗份，而家又想sell我買儲蓄
上次買保險嘅時候，我都表明我嘅style，我係會自行對比晒唔同公司保險，唔明嘅嘢都會問得好清楚，理財有自己一套概念
我係比較有自己想法嘅人，唔會因為sell多幾次就買
我哋班朋友已經怕左佢，話佢做保險做到入晒血，見到任何人都唔sell唔安樂，而家只有我仲同佢見面，其他朋友連佢電話都唔聽
1個讚
一個保險，一個傳銷，都係出賣朋友圈去換收入。
13個讚
其實都睇你自己有冇一份保險，如果有，又無需再多買另一份嘅！
就算無，又唔代表你必須要買保險，
因為要(長期)供一份保險，都要睇你每個月嘅手頭係咪真係鬆動，
供供吓保險，又突然冇錢供，要停咗佢，又真係好唔抵㗎⋯⋯
當然買保險都有佢嘅好處，係有一份額外保障，但都係量力而為囉！
自己幫自己衡量下究竟有冇需要囉！
之前有試過俾個保險agent sell我做佢下線… 唔只sell保險呀吓, 其實係有心動咗一吓架, 因為佢講到可以自己分配時間, 對我呢d全職mummy 係幾大吸引力…但真心唔想用人情換收入, 所以冇再傾落去…
2個讚
唔買，因為買左我肯定會無左個朋友。
如果我唔買，佢會同我唔 friend，這樣也沒辦法。
一針見血
不過我唸D保險從業員會話：你地行外人有偏見
, 不熟悉保險的重要性。我地呢行幫助好多人。
保險係保你日後賺錢能力，試想想如果有日你…（下刪千文字）
佢哋啱一半，另一半係洗咗腦去谷單，保險係要買，但唔係係又買唔係又買，sell 嘢要知朋友嘅底線，要知進退，既然係朋友，一定知佢係唔係有需要買，可能係買左，可能無錢買，呢啲嘢如果已經知就唔好做多餘野。 可惜好多入左行嘅朋友係咁碌爆張友誼咭去meet quota， 今個月夠數，下個月就少咗個朋友。
2個讚
我都識一個朋友做保險做到走火入魔，開頭佢事業剛起步，大家都好傾得埋. 但依家佢事業上左軌道，搵到錢就已經變咗質，約出嚟唔係叫我join佢嗰team，就係sell下保險或者其他人生社交課程.
最大問題係佢俾我感覺係，佢求你時候就咩都ok，到你買左，有保險嘅野想問下佢意見，佢可以求其敷衍幾句就算，有時我寧願打去保險cs問仲實際.
1個讚
保險係要買嘅，岩plan 岩budget 米買lol，吾想買米照拒絕佢。如果因為咁冇左個朋友，真係好可惜。
其實我做咗呢行十年，咩人都見過（客同同事）， 其實好多人話做保險會無哂朋友，但我可以講唔會，反而識咗更加多人，更廣
人越大 身邊總會有啲朋友做保險嘛
又唔係個個都做唔到朋友嘅
有啲相處落輕鬆
無壓力嘅
都可以繼續約食飯架
每一句都同意。
1個讚
好殘忍嘅係 - 只係你一廂情願以為自己同佢「熟」
2個讚
no offence，我識果d做保險既都係好似你咁講，一模一樣。又識人住邊度豪宅，又識人識邊個富豪，又識個客開單就幾多錢，個個都係friend。
間唔時出下去飲野，食個飯果d就已經就好friend架喇。但係講到尾都只係酒肉朋友。touch wood出左咩事既時候幫到手既就唔係果d “friend“。
2個讚
呢個真，當酒肉朋友就算
係呀，我識嗰個仲話要出去上堂，識多啲唔同業界嘅人，壯大個圈子先搵到機會，佢話依家個趨勢係咁. 跟住就sell我去上呢d堂，仲要俾$4000去上幾堂，佢覺得我好有需要，事實係佢好無厘頭，就算佢幫我俾埋錢，我都唔想去
唔好怪我階級觀念，做地產經紀/保險經紀無個好人
有朋友屋企人做左保險，跟住說佢同佢阿媽買保險，咁買左啦。約一年後，收到保險公司信話要轉agent，原來呢個屋企人agent辭左工都無單聲，若無其事。cheap到咁都第一次聽
1個讚
我覺得我個地產經紀幾好，未買既時候一d都唔chur, 應承幫我做既野，就算成交左俾晒agent 費之後都幫我跟。
我諗有冇交帶依d係人既問題，唔係職業既問題。