好想同做過IVF嘅jm傾吓偈

本身已經4x歲遲結婚,結婚前都無打算生bb,唔知點解結婚後好想生,喺婚後兩個月就有咗,知道有咗陣時咁啱book咗威院私家睇輔助生育,仲睇咗兩次添,一次幫我驗孕第二次就去照閃閃,好記得當時係開心到癲咗同老公係咁傻笑,之後就喺出面book 8w私家產檢,點知咁就無咗心跳停胎了,6個月後又再次自然懷孕,可惜係宮外孕兼從無照到閃閃,呢一次算無咁傷心。

到咗宜家事隔大大半年,終於的起心肝去做ivf,喺做ivf之前做咗一次iui唔成功,一個多禮拜前抽卵幾日後放胎宜家仲等緊開彩,不過算是有bingo經驗嘅我覺得今次唔成功…

咁啱就睇到大J講佢地4次放胎都唔成功,又捱咗好多針藥痛苦,睇返自己只係打咗十幾針抽卵放胎又無預料咁辛苦,算係好感恩,不過又咁講,明明身體算好好,由本來得兩個基礎卵泡到抽時有五粒,仲全部授精有兩粒Grade A、一粒B+可以雪,連醫生都話以呢個年紀來講算好好成績,如果試哂都唔成功都唔知下一步可以點…

一直都無同人講呢件事,盡量保持心境平靜,係到就來開彩又預計會失敗個人開始有少少抑鬱,希望大家可以陪我傾吓,同埋呢度好似好少講ivf,開個po一齊吹旺佢!

9個讚

加油呀,條路唔易行:muscle:
有咩上黎呻下,解下壓

1個讚

我當年胚胎等級只有一粒B, 其他都係C-D, 最後都成功。 加油:muscle:t2:

4個讚

Hello, 我係IVF 媽媽呀, 明白你嘅心情:heart: 其實你都只係放左幾日, 得唔得仲言之尚早… 雖然我自己都知道好難, 但都係老土嗰句, 盡量放鬆心情, 唔好諗太多住. 你之後再update 我地啦. 仲有好多方法可以試… 不過可能你之後都唔使呢:wink:

1個讚

樓主支持你呀~
你成績真係唔錯 :+1:
我都抽左卵
但十幾粒得四個胎可以雪咋 :sweat_smile:

我都覺得BD 最近好似無開始時咁旺
希望可以開多d 新topic 吹旺佢!

你唔使唔開心㗎,只係你個真命天子仲玩緊仲未嚟搵你。你宜家盡量要保持心情開朗,唔好諗咁多負面嘢呀!

其實你由初時只見到有兩個卵泡到最後可以抽倒五個,仲要全部受精已經好犀利㗎啦!咁你可以雪嗰幾粒受精卵係day幾呀?

1個讚

今次失敗係放咗兩粒鮮胎呀,醫生話多數都係基因問題,來緊會放埋唯一一粒雪胎Day5,希望可以再放鬆心情多啲啦…

1個讚

完全明白,我自己都係過來人,都係高齡先至去做IVF,醫生亦都有講過年紀越大,基因問題就會越多!不過總會有正常嘅,但係要時間去搵。你有冇考慮去做PGS去幫你搵?

2個讚

醫生話得一粒做都無意思,唔做直接放好過

放埋呢粒,之後唔會再做ivf了無錢了:cry:

明白,既然係咁就唔好諗啦。我記得我最後一次做IVF嘅時間都係用一個‘唔得嫁啦’嘅心態去做,當時乜都冇諗,心情好放鬆。結果就成功咗,你都要加油啊:muscle:t2: :muscle:t2::muscle:t2:

1個讚

加油呀! Day 5 質素應該會好好多. 你會唔會休息下+調理下先再放? 例如暖宮. 我睇開一個針灸師佢幫助好多IVF 個案, 有需要可以PM 我. 另外浸腳都有用

3個讚

放完食黑朱古力同菠蘿芯,睇吓有冇幫助

1個讚

我係高齡做ivf 媽媽, 前後做左3次先成功

2個讚

ivf媽媽,你地通常放幾次先成功呀?

試下飲檸檬水,可安胎!

1個讚

想問點收費架~

我已經用最少嘅針藥,宜家一次植入total洗咗100k左右,再放一次雪胎加多20k

係肉痛嘅,不過同自己講錢可以再搵,博盡無悔!

香港做真係好貴呀:pleading_face::pleading_face::pleading_face:

之前好多姊妹都係去台灣做
不過依家無計啦,貴都要做,時間唔等人 :cry: