純請教:見d 廣告好吸引又平hk 一大截，點解無財政問題的你們唔買house 而租apartment 住先? (利申:我無錢)
我其實想知買house /住house 有何壞處 
你要去到見過摸過感受一下，買咗差區嘅樓，你點賣返出去？英國唔係香港，樓市唔會大上大落，租咗樓先，睇定啲，慢慢嚟，係歐洲，越心急越易出事….
6個讚
要睇下D稅項之類…
同埋會睇埋配套咁
長者又可能唔方便上樓梯
我覺得有好多細節位，係外人唔熟未必會知，買之前可以試吓租house住睇吓感覺點
1個讚
其實好少人會買FLAT, 除左投資, FLAT 平好多, 如果係貴區OR LONDON CITY 買FLAT OK…其他地區唔好, 好難甩手, 除非只係買來收租。
有人話FLAT 係LEASEHOLD 所以難甩, 可能係呢個原因, 還有FLAT 要交rent, 同埋management fee, 但我覺得係純粹本地人鍾意HOUSE多過FLAT, 需求影响, 同埋FLAT 有防火物料要求等, 買前要三思。
住HOUSE 其實唔可以話係有壞處, 但有好多要面對的問題, 例如成間屋要自己維修, 保安問題, 等等
3個讚
渠果d，香港人又未必熟
1個讚
係架, 但本地人都係咁住, 總會解決到
無特別原因, 唔建議買FLAT , 真心, 超級難甩手。
1個讚
咁又係，摸摸下總會ok，又唔係成日整
加拿大有啲屋有老鼠問題，唔知英國有冇
見d 朋友過到去都係買house 連花園，有小朋友就啱晒
未熟嗰區一定唔會買任何嘢住
有好多隱藏魔鬼細節位
地區/鄰居/水喉/暖氣/屋頂/花園⋯etc 是但一樣有問題都可以煩到死，基本上住House你預咗係要hands on管理一個物業
apartment係細啲但乾手淨腳唔使煩太多
4個讚
都依然係一舊大錢。
到你真係要買，就會做功課，就會發現人哋平，梗係有因。咁平都仲有咁多盤，你話點解嘅？
唔係買菜呀，仲有好多法律責任。
1個讚
Very true
簡單如你屋範圍或者前面有棵樹，原來棵樹係屬於政府嘅，政府會定期要你請專業樹木醫生去檢查棵樹
或者外國好多豪宅係有過百年歷史，淨係保養間屋已經夠玩死你
可以參考吓bob叔個Channel，有錢又係英國讀過書都唔夠膽即刻買屋，都要租一年慢慢睇
4個讚
係香港都唔多人住house, house 好多蛇蟲之鼠蟻，打理維修好多野，而且買樓容易賣樓煩，搬一搬又要洗一大筆，去到睇定先買減低風險。
你響香港睇到嘅英國new build 廣告只會報最平嗰個價。但你要睇埋嗰個盤係咪舊區重建，如果係，咁平的話，要知道係咪咩三山五岳之地喎！已發展地區通常冇乜地方起新樓，可能係拆咗舊工廠起新屋。如果係新區呢，多數係好遠、好偏僻。開發哩D新區，發展期可能有十年八載咁耐，發展商通常一路起一路賣，頭一批係最平，廣告通常就係打哩個價！但賣完之後會加價，越賣越貴。而且，發展商話附近將會有的超市、餐廳、酒吧、新學校、車站之類，但唔知幾時先會出現。早買係平，但你入住之後，可能要忍受屋企附近未來好長時間沙塵滾滾、生活配套設施問題。
另外，哩D house雖然係freehold ，但可能都會收management fee，主要係for公共地方清潔、剪草之類，廣告未必有提。
5個讚
好似十年前買康城咁
3個讚
有能力買梗係高質過住香港
1個讚
我建議先租後買，好多時都要住落先至知，好似我哋租果區，隔幾條街感覺好唔同
3個讚