我仔而家n班
老師每日會係手冊畫開心樣/唔開心樣
去代表個日小朋友乖唔乖
我仔間唔中會曳(主要係唔聽老師講,掛住玩自己想玩既野)
一個月會有幾日羅唔開心樣
佢琴日羅左唔開心樣
我今朝送返學問班主任琴日佢做左d咩
佢即刻黑住面話
“same problem.I am tired to repeat and repeat to you”
話佢唔聽老師講,只係做自己想做既野,話搞佢唔店
然後話I am busy now就轉身走左唔理我地
我呆左,老師咁既態度係咪正常?
1個讚
吓對一個n班小朋友幾歲人仔，個老師想點？
老師唔係要有愛心同耐性嘅咩？
佢比我感覺係個學期就黎完
我又唔升K1
佢已經放棄我仔
成日問佢野/打電話都話好忙唔得閒覆
而家面對面問都轉頭走左去
真係唔知佢想點
其實n班既小朋友係咪個個都日日好乖?
佢成日話"全班xx人得佢一個唔聽我話"
搞到我都開始懷疑我仔係異類
乜1個月入面有幾日唔聽話真係咁異類?
但佢平時明明都ok
(不過對佢要好好地講,唔可以硬碰硬,佢受軟唔受硬)
1個讚
即係話佢只需要處理一個有"問題"的小朋友都處理唔到? 應該教好小朋友先送佢上學?
佢成日當面對住我小朋友講
I am too tired to handle you
I have no time to handle you
我覺得好un耳
乖既時候唔讚佢,一曳就講到咁難聽
同埋佢羅唔開心樣,我當日都會罰佢
但老師成日拒絕同我溝通
1個讚
我唔覺得佢好有問題,但亦唔覺得佢做得好
一個好嘅老師應該係話你知exactly發生咩事?有咩原因同可能性,再同你一齊商量有咩方法可以幫到小朋友進步
只能話佢唔係一個好老師,冇乜心機教好你仔仔
5個讚
佢從來無建議過我要點做
我只有跟住佢比既happy face/sad face去獎罰小朋友
係有效,但有時都會失控幾日
正常N班老師唔會咁, 就算遇到疑似SEN學生 都會多多觀察後再同家長傾吓
絕對唔會講D咁不負責任嘅說話然後轉身走囉
1個讚
我都覺得好不負責任
問題係佢係屋企係ok既,都聽我話
佢係學校既行為,老師教會易過我教好多
始終我不在場,又唔知發生咩事
1個讚
其實就盡量唔好罰嘅
因為咁樣好易令佢唔鍾意返學
盡量係鼓勵佢做得好嘅地方
例如如果今日有唔聽話,會問吓佢發生咩事
係咪想玩耐啲,所以冇聽老師指令?
媽媽明白你想玩耐啲嘅心情,但係都要聽老師講
你覺得下次點樣做會好啲呀?..
做得好嘅時間就狂讚佢,
你識得聽老師話,媽咪好開心好自豪
咁樣小朋友就有動力做好啲
成日被人罰嘅小朋友只會覺得自己曳
更加冇動力去做好
3個讚
係老師嘅問題，唔係小朋友嘅問題。
2、3歲人仔有幾曳? 上堂唔專心，可能係老師教學悶；小朋友舉手答問題次次都唔選佢，所以上堂玩自己嘢。老師對家長態度都咁樣，平日都唔會對小朋友和顏悅色。
我小朋友讀N班時，每逢轉去某一間房上堂就會喊，老師特登搵我同先生去果間房睇下有D乜嘢令到小朋友喊，同老師溝通咗拎走嫌疑犯後就無再喊。呢D先係老師呀。
3個讚
我有獎有罰
罰就係收起佢既玩具,都有同佢傾
乖就有印仔
佢夠x個印仔就有得去冒險樂園玩
佢一乖佢狂讚佢架 
佢一見到自己有happy face都好開心
我都驚罰會令佢怕左返學,但淨係講對佢又無乜效
1個讚
我都好驚老師平時對我都咁既面口
對小朋友會點…
好彩返多幾日就畢業
佢返學返到我都好大壓力 
其實我覺得可以同校長或負責人反映吓, 唔係想助長投訴文化,
但好明顯呢件事上可以有多d解決方法而嗰位老師選擇去用一個唔好嘅方法處理!
咁樣好有可能令到之後嘅小朋友都受影響
我都諗過學期完左會反映下
始終小朋友仲讀緊
我驚反映左老師會對佢更差
傻瓜, 反映完意見, 個老師再變本加厲, 咁證明佢真係有問題, 如果校長都唔理嘅話, 可以轉校喇
佢上堂時就算態度幾差,家長都好難知道 
不過我見我小朋友都鍾意佢
咁應該唔會真係好惡劣掛…
最緊要係搵返原因
例如其實佢想玩啲咩玩具會咁愛不釋手?係咪得學校有屋企冇,所以佢要玩耐啲?
定還是佢喺屋企都會玩到唔肯停?
小朋友呢個年紀通常唔會故意犯規,只係自我中心,所以冇為意啲規矩
如果喺屋企罰收起啲玩具,有可能會令佢覺得玩得唔夠
返到學校有得玩就更加唔肯停
所以媽媽可以考慮其他罰則
當然心理學角度都係唔罰最好
因為容易有反效果
What does she mean by ‘BEING TOO TIRED OF’ handling the job that she is obligated to handle? She got paid for what she is doing - to educate her students! 用 handle 呢個字已經非常 inappropriate. 小朋友 / 佢嘅學生係人嚟, 唔係死物或一件事件.
作為幼兒教育工作者, 應該好明白用字要非常恰當, 小朋友唔聽指示, 周圍走等等, 都唔會用 naughty / bad, 只會形容小朋友 busy / too energetic / too focus on what he is doing so he cannot listen to the teacher’s instruction.
呢位老師對小朋友嘅態度已經好明顯唔係以小朋友嘅學習為前題, 感覺到佢只係打份工, 湊細路, 做晒學校要求佢做嘅嘢就可以收工, 唔聽話嘅小朋友阻住佢"做嘢"所以唔想理.
大部份小朋友都係喺學校乖過喺屋企. 如果佢喺屋企行為都唔係成日好唔受控, 喺學校都唔會差得去邊. 只係個老師鍾意個個都係一舊木咁坐喺度嘅學生, 可以被佢容易處理啫.
Anyways我覺得媽媽你處理得幾好架啦
係個老師唔識得教
但你要投拆佢又冇乜位入,除咗話佢冇乜愛心