幾日前帶我bb去政府醫院睇醫生，
要住院，第二日下午已經出院。
當時我同老公同仔仔一齊。
入院既時候：
姑娘自言自語：我好似唔知係邊到見過你同個bb.
我無出聲。
到離開既時候：媽媽你好面善喎，請問你有冇住過院？
我：我個仔7個月去過一次呢間醫院，但我老公帶bb上病房我無跟去。
姑娘：唔怪之得拉。 
唯一記得就係一年前生bb住過另一間醫院，
佢可能都係果間醫院做過。
估唔到佢咁都記得我。
老人家上個月偶爾去返十幾年前一個街市魚檔買魚。個老闆居然認得出，仲記得仔女大概幾大，嗰陣咩鐘數黎買送。老人家都覺得驚訝，十幾年容貌變左咁多都仲記得咁清楚。
1個讚
驚人記憶力
會唔會個樣好易認?
其實我都有類似經歷吖
幾年前喺一個小朋友做baby gym 開party 嘅地方帶小朋友玩嗰位導師，見咗咪一個鐘左右，我喺全民造星度認到佢
應該唔係，十幾年個樣已經變化好大，有啲舊街坊/朋友見返面都話變左好多差啲認唔到。所以係個魚檔老闆記性好到不得了。佩服！
自己經歷嘅話就只係中學同學，完全冇試過同班但知道彼此，畢業 4 年後同一場考試認得返大家。可惜佢考唔上，我考入左。
或者以前有次喺酒吧度，有個中年男人話嗰朝喺住所附近巴士站見到我搭咗某架巴士 
禁厲害
係咪想講屋企附近？
有分別? 
有面盲症既我好羨慕，我只會覺得好熟口面，完全唔會記得對方係邊個
有呀，會知道見過果個人，因為個感覺、個印象係獨特
我應該係依位魚檔老闆同一類人
對人樣過目不忘
容貌變左都認得
睇相唔洗見真人+容貌變 照認到
我老公就相反 係面盲
1個讚
該主題在最後一個回覆創建後30天后自動關閉。不再允許新的回覆。