我感覺這個租客真心玩嘢。
他們是一對夫婦，上個月和我簽租賃合同，還一簽簽二年死約。好啦，住不到一個月，忽然同我講其中一個被裁員，所以要退租。大佬，還沒住一個月就退，真係玩嘢。還有他是做金融的，被裁員一定有賠償，而且工作還可以找，為什麼要把難題丟給我。
我應該如何處理呢，跪求大家意見。謝謝
試下同佢和解，叫佢賠返經紀佣金當無數？
否則，打官司好麻煩
唔比佢走但佢唔交租又係煩，好黎好去，叫佢叫佢住夠一個月，收一個月租，再補返agent fee同厘印比你，請算。
這真的是我第一次遇到這样的租客，唉！當初因為他們表示返銀行，工作很穩定，所以我推了其他二個offer,接受他們的offer. 現在反而搞到這樣！
正路死約係要賠返死約內嘅租金
2個讚
下次可以試下 offer 平租少少，但要寫好 12 張支票俾咗你先
開空頭支票易搞過租務糾紛好多
佢應該畀咗一個月租金兩個月按金
你可以話兩年死約
佢哋按合約理應賠哂兩年租金
不過酌情處理 按金當解約
(起碼cover到agent fee同stamp duty)
5個讚
佢唔搬又唔交租會唔會變租霸？
1個讚
要解約 最少要佢地賠晒代理佣金，另加2個月額外租金作保償。
如果講唔掂數，而佢又唔交租，睇你有幾想玩，先去土審追，再拿判決 + 份合約揾律師上高院申請租客破產，如果佢地做正當銀行/金融，破產一定收佢皮。
4~5年前，租客玩野，拖我租，我諗住人有3衰6旺，要佢地交回欠租及搬離就算，最後佢地都係唔理我，攪到要執達吏收樓。之後，我嬲得濟，quote 左 4萬幾 請律師 申請租客破產，條仆街先死死氣 還錢，律師費去到果刻 計，唔洗一萬找數，收返4萬幾欠租。其實本身條數 先係 4萬幾，如果行晒 全套破產，自己要額外俾多4萬幾 出尼攪，所以正常人都唔咁做，但我就係鍾意試新野，拿幾萬出尼就可以申請他人破產，試下都過癮，所以你自己睇下點同個租客deal
10個讚
謝謝你的建議。我會和租客說的。
謝謝你，我也是打算沒收那兩個月定金加賠我Agent fee 就算啦，好來好去。
1個讚
記住叫佢簽返退租書 雙方有個紀錄提早退租
唔好打算不了了之 萬一佢第日返嚟話你：我份租約仲生效你做乜又租出去
是但一方冇咗份工就即刻唔做租 奇奇怪怪
咁都要住架？瞓街咩？無儲蓄的嗎 
3個讚
揾嘢嚟講啫…其實r減租乎？
如果簽約係做銀行嗰個，佢一定驚比人告，如因欠債比人告到個底花咗會做唔返銀行工
如果簽咗正式死約，按約係需要支付全期租金
至於會唔會私人協議解約，就要睇你想唔想攪上court, 上court 官基本上一定會判你贏
一定要好來好去 將心比心 同個租客傾下先
佢哋真係俾人炒咗嘅話 又未必係玩嘢嘅
有可能覺得間屋不祥 唔敢住
講真 你做得業主 都起碼幾百萬asset
如果唔好好哋傾 你攞咗佢嗰兩個月訂都唔夠cover裝修費
當兩萬蚊一個月租 打爛晒啲窗同門都唔止4萬
我早幾年見過一單，
租客搬走左，唔交租，無退租，失蹤左，
業主都唔可以入屋，要向法庭提出申請，然後 聘請執達理+開鎖佬開門，
屋內仲有雜物都要向法庭申請批文，才可以搬走。
業主真係冇乜保障，朋友間屋個租客自殺，真係情願佢做租霸。
該主題在最後一個回覆創建後30天后自動關閉。不再允許新的回覆。