我有 BNO，大囡今年DSE，已有加拿大嘅 Uni 嘅conditional offer，細囝今年升中五。知道佢兩個喺UK讀大學要俾國際生學費，但讀三年，若加拿大就讀四年。選擇：
囡留港讀 Year 1, 試明年插 UK Year 2, 唔成功照報 Year 1, 囝就過 UK 升 Year 12, 但要落地搵學位，唔一定有。
囡照去加拿大讀 Uni, 我就明年過去讀兩年 diploma，囝喺果邊升中六(唔知有冇位)，若2年後入到藉，唔知仔囡可否變 local student 學費？
錢唔多，邊條路好啲？謝謝
同佢2個商量下，列出要考慮既因素同埋佢地意願，個人覺得加國教育比uk好d, 但都好難一概而論。
講完等於冇講，冇咩事我出返去先。 
囝冇考gcse, 入year 12state school 有難度，可能要入私校
加拿大中學, 只要煮嗰個區域就一定入到中學.
如果唔夠分上大學，就會讀collage.
你手上已經有BNo, 或者可以去加拿大比多就留俾佢哋.
加拿大係兩年後批個PR比你，唔係入籍。但PR已經係交local費用。
錢唔多，咁你係咪要諗下移左民之後點生活呢？我係加拿大安省，我見啲朋友好多讀完college(eg early year educator, accounting)之後都搵到工，只要你唔好介意搵唔返以前既職位同人工就得啦。
但上面有人講，加拿大教育好過英國，我又唔太有呢個感受喎。我自己係老師，係呢邊我做補習，我見有啲public school既老師真係好hea…我仲要係教數學既，特別大感受。加拿大大學既dropout rate高過英國好多，當然錢係一個因素，但我見到既係加拿大中學其實未係好足夠地裝備好學生，除非個學生係來自排名高既學校。我識人係大學教數學，都有講過大部分既程度真係一般，仲要係龍頭大學來。
加拿大要升大學係真係好易，無公開試，學校考得唔好，出去比錢考過拎個高分就得。所以我對呢種形式有啲微言。但我見既係香港學生過到來一般都會讀得好，因為個底強好多，讀大學都會辛苦，但成績都係top果批。
另外，如果你讀書，你個細仔讀中學應該係免費既，你查一查，以我所知有一部分大陸人係咁過來。但大學就一定要錢。
我就係覺得無公開考試之下，好易就畢到業係個問題。
加拿大最煩地方係咪應該搵工比英國難﹖定係視乎工種﹖
係，有問過一係私校，一係一年foundation school
謝謝你解釋得好詳盡，我仍未好了解加拿大嘅教育制度，要先了解下先。
其實我自己就鍾意英國多啲，都覺得英國教育應該好啲，亦要考慮畢業後就業及向上流嘅機會。只不過加拿大兩年後有 PR，仔可local fee 讀 Uni 實在又幾吸引，所以先有呢個考慮。
我認同見到當地中學生學術方面唔夠香港prepared, 尤其數學，因為咁香港人過到去比較易攞到好成績。
不過去到大學我又唔覺得大學生無足夠裝備。雖然普遍學術無咁prepared，但我覺得佢地soft skills 比香港學生好。所以比例上比起香港，感覺上嗰邊有更多年輕人揀做entrepreneur 自己搞生意依條路，身邊都有朋友揀依條路而且做得好成功。
加拿大嘅教育制度同埋美國其實好相似。非常講自發性。香港會強迫你學習，加拿大唔會，你自己揀你自己嘅出路。
以前我喺西岸讀書(BC 省 溫哥華）
中學畢業嘅時候只係需要考一個叫做provincial exam. 合唔合格都可以攞到畢業證書。考試係俾你入大學用。
唔想讀大學嘅可以入其他專門學校，甚至直接出嚟做嘢。大學畢業嘅收入唔一定比專門學校高。
我身邊嘅人冇讀大學反而創業，大部份都幾成功。
如果後悔想讀大學，可以入collage, 儲夠分才入大學。永遠唔會太遲。
我認同soft skills真係好好多！所以係呢邊成唔成功真係唔係睇讀書有幾好，除非係專業人士，呢邊做藍領生係好過啲讀完碩士既人。我記得有段時間係大專做part time,有個ESL 老師講話佢老公只係讀左college,人工同工作穩定性高過佢呢位大學畢業既老師。
我點解講話我感覺上佢地裝備唔好呢，係因為有一次我教一個大學二年級同學數，佢啲數既concept有啲亂，但佢同我講佢中學拎住98分入大學。而我有做一份freelance會接觸到一啲老師出既卷，啲卷係好淺，所以啲分好重水分。我自己又係朋友口中聽到某啲學校既成績水分好重、所以覺得有部分高分學生未係真係話好裝備好就入左啲technical skills要求高既學科讀書，最後讀得好辛苦。
你咁講突然間醒起以前Grade 11 and 12 嘅痛苦歷史. 我哋學校其實我不嬲唔困難(對於香港台灣人哋講). 但係有一年有一條擦鞋仔, 送咗幾本香港嘅數學作業比個數學先生. 跟住呢個數學先生嘅數學堂成為全校最艱辛嘅堂!
條擦鞋仔一直以來都讀唔到書, 唔係講笑,全校都好憎佢!
我個人就好中意英國, 但加拿大應該會舒適D,真係好難簡呀
系！！！
香港數學既中學教材真係寫得好架，解決得好同有條理，加拿大啲教材，跳來跳去，只係收要教既一堆野掉曬出來，比啲題目你做下咁，啲題目又比較淺。不過，香港既題目實在係深左啲，又tricky,加拿大學生做唔到呢款。個擦鞋仔唔係玩死埋自己咩？
擦鞋仔一直都係唔合格, 淨係走堂, 對佢來講完全冇分別. 所以大家都唔明白點解佢要咁做.
咁加拿大冇公開試，個別大學係咪會有 interview? 若果仔仔過去升 Year 12，其實對佢考大學有影響嗎？因為始終唔係讀開佢地嘅 subject，而中學亦好大機會只會選落腳附近，即Vancouver，還是在港考埋 DSE 先過去好啲？
係呀
超難揀