爸爸過身已經幾星期，下星期出殯，99一早封咗帛金，老人家唔出席。C6話大伯個仔生日，99話唔好封帛金。姑奶姑仔至今冇問候一句，由於我會安排花圈，我問C6佢哋會唔會做個花圈，可以一齊訂。姑仔whatsapp回覆 C6「是但」一句就算。
我同男家關係唔算close，大家一直客客氣氣，同99相處互相尊重。家母同99、姑仔都有傾開計，關係唔錯。大伯、姑奶、姑仔叫我幫手我永遠冇托手踭，姑奶問我借錢幾次，姑仔借咗3萬幾家母同99、姑仔都有傾開計。，話咗分期還，已經三年都只係還咗一次，我都冇追。
坦白講佢哋零問候我個心好唔舒服，問大家意見，我應唔應該做呢個花圈？
我只期望一句問候，算唔算過分？
我覺得禮貌上襯家要做一個嘅
叫c6攪掂佢啦，賣花d人識攪架啦
take care sis
Sorry for your loss. Deepest condolences and take care.
俾我，如果錢銀上負擔得到，照做，但不會問佢攞番錢。
目的為娘家感覺良好少少。
至親仙遊已很傷心，加上知道女兒夫家點對個女，心裡會很難過。
之後日子，
大家關係淡如水，
親還親，數還數，一定叫c6追番，追唔番c6自己出都要。
成家都冇家教，希望你老公唔係咁。
樓上所言甚是，有啲人係好涼簿，你可以無視佢哋，亦可以直接xx佢哋。
最緊要舒服，唔好委屈自己。
最後請你節哀，願你爸爸在主懷安息。
阿媽話呢啲錢唔可以幫人比
咪欠債度扣囉，順便提佢準時還錢。
會點？
都係唔吉利/唔老黎嗰隻啦。
我記得我老豆走個時, 都有幫D舅父門, 伯父們 買個花牌比老豆
錢無問佢地拎
一係幾個名整1個花牌
(花牌, 唔係花圈, 花圈唔係至親放係正中o個個嗎?)
(個時我無留忘, 變左1人1個花牌…放到成個堂前都係花牌…)
問候, 唉, 唔好在意呢D人啦, 佢地係有心, 會講 (可能搵唔到好時機)
但唔講, 你都唔好放係心, 唔係個個都識人情世故
但錢要追呀, 有D親戚, 真係借D二唔還, 無必要sit 比佢地
最後, take care of yourself and your family
問你老公比錢做，佢屋企人醜係佢既事
聽左大家意見，以免令我家人擔心，終於幫佢地做左個花牌。99話比左帛金，唔做花牌，只係佢地3兄妹做。
其實帛金、花牌都只係小事，只係尊重逝者、關心生者既一種表達。朋友同事都尚且會問候，甚至主動要求黎鞠躬。佢地不嬲都識人情世故，所以我唔認為係呢件事上突然唔識做。99老人家唔出席，後生既可代表。真係要事在身出席唔到，應該主動提出，至少講句比我C6知，不聞不問呢個態度我理解唔到。
大家既問候，收到哂。大家有心 
有啲人， 個心淨係識諗自己
唔會理身邊嘅人， 由佢地啦
BTW, 守夜個日
日頭個時， 可以準備定啲西餅
個時我舅母有買2打西餅（黑心嘅）
佢話我呢啲後生唔識架啦
雖然聽起黎有啲un耳
但我知佢係好心
因為我呢位舅母都"做過好多次" 呢類事
所以佢有經驗
買定啲嘢食
咁你先父 有貢品
你地一早去到， 肚餓都有件餅食下
如果有來賓放工後趕過黎
都係有件餅食， 買定啲水， 茶
個時我都有食一件
忙到咁上下就出去食支煙， 見有西餅食左先
你可以google map 睇下附近有冇麵包鋪有西餅賣
而家疫情，可考慮個別包裝日本蛋糕仔
已經叫左家人準備獨立包裝蛋糕及飲品
大家提點問候，非常有心，收到哂
節哀順變。
阿媽教落，白事唔好怪，因為白事既衝撞比紅事更甚。
一家人先會有百無禁忌，襯家既話做左帛就係嫁喇，白事會做雙份(唔想d事會成雙)，做帛就唔會寫花圈之類既概念啦。
好多原因都唔出席得白事，自己生日果個月，自己犯太歲，自己有白or當年有喜事。
依家你覺得佢地唔出席你覺得不受尊重，但調轉諗，佢地有避忌而又出席，衝撞左有咩事你個心都唔安樂，亦會講你一世。
小朋友特別麻煩，特別易撞野，真係唔黎好過黎。
希望樓主釋懷，唔好將依d事放o係心度，感恩會幫你會關懷你既人，嘗試去體諒淨係出錢但無出席既人。
請節哀順變，保重身體!
唔好諗咁複雜，每人對白事睇法唔同，最緊要自己釋懷。
追還款、之前點相處已經係後話。
該主題在最後一個回覆創建後30天后自動關閉。不再允許新的回覆。