我99三日唔埋就走上嚟，我比面佢個仔，好多時都忍佢。頭先佢知道咗一啲我屋企嘅家事之後，竟然夠膽大放厥詞，我嬲到即刻黑面當面話佢冇禮貌，連我老公都忍唔到話佢唔應該咁講嘢。
佢收咗聲一陣之後，趁我老公行開咗，又忍唔住想再講，我本來唔理佢，最後笑笑口話人哋私隱我唔評論，有家教架嘛，然後問佢幾時返自己屋企。
心入面真係100句粗口。我屋企事關你X事。我一陣實同佢個仔講，我要下逐客令。
2個讚
我連自己阿媽都唔會比佢成日上我屋企，何況奶奶
3個讚
我阿媽好識做，半年都未必見一次，最多講電話。
我99好so so, 我有時都覺得好煩。明明自己有屋企，但成日走嚟住一兩日。生活習慣已經唔同，價值觀又唔一樣，我真係比面老公忍咗去。但今次踩到我底線，我主場都夠膽挑釁我？真係長輩大晒咩？
下，好過份wor
你處理得好得體
我果下其實有啲沉唔住氣，依家仲嬲緊。
你已經講得好客氣。係佢deserve 嘅。
我奶奶都係類似嘅人，我通常俾面我老公費事佢難做會忍佢，但返到屋企我會將所有委屈爆落我老公到，叫佢自己同佢媽教育下。當然，佢之後有定無其實都冇乜所謂，我爆完條氣都順返。
但我明嗰種嬲嘅感覺，我尊重你係長輩先忍，但唔好次次都得串進尺。
做人最緊要識專重！但係好可惜呢個世界真係冇乜人識
1個讚
明呀
有啲人係唔知點解咁鍾意上人哋屋企
賴死唔走之餘又亂嗡一通
我老公知我唔鍾意
直到有次我真係講到喊哂
話啲人好無禮貌 我聽到啲說話令我好難受
佢先明白個嚴重性
而家如非必要 唔畀啲人上嚟
1個讚
係，我唔當面反枱係尊重佢係長輩，係我老公阿媽，叫做大家留下面。但夠膽批評我屋企，仲要我黑咗一次面、停咗個話題，佢之後都仲要趁我老公行開咗再講，擺明得寸進尺。
1個讚
「面係人哋比，架係自己丟」就係呢啲！
係要人鬧先安落
我阿女頭先問我係咪嬲嬲，我都順便教咗佢乜係尊重。
1個讚
真係好煩，明明屋苑八達通冇加佢名、鎖匙都冇比佢，都係要成日上嚟。
我唔係想鬧佢架，為咗佢阿媽而同我老公有爭執，影響我家庭和睦係好唔扺。如果佢夠膽再講，我會考慮講返佢其他仔，以暴易暴
擺明想覇下間屋好似好得意咁啦頂
我間屋冇第二張床，我絕對唔會比呢個機會人，你鍾意咪瞓廳囉
佢之前上嚟係要瞓咗我女張床架，後尾我哋響工人間房整咗張碌架床，咪又係煩到姐姐
我自問咁多個新抱入面最尊重佢（我要強調我同老公所有資產同99無關，亦都冇嘢要靠佢），但尊重唔代表鵪鶉，如果搞到咁激心，為大家好佢都係唔好上嚟。
老公返咗嚟，我講咗我要求，佢話理解尊重同由佢處理。我個心即刻舒服晒。
4個讚
你奶奶都好唔識做，以為係長輩大晒
佢係有你屋企鎖匙?
緊係冇，舊屋時比過一次，真係失驚無神多個人坐響屋企。所以搬新屋時我同老公都有共識唔比。
社工教過金句
長輩係要尊重，前提係佢值得被尊重
至怕情緒勒索
我係你阿媽/阿爸，你就一定要聽我話
真係好怕
不過上一代好多係咁
even我99叫受過教育
都係咁
覺得自己好權威，一直要聽佢話
2個讚