兩個小朋友初學鋼琴，想擺部琴在家，應買二手定租好？暫時選擇買就$10,000 budget； 租就350/ 月簽一年。
好朋友同鋼琴老師就建議買；家長朋友就全部都建議租。你地點睇？同埋應該注意甚麼？
Thanks!
學左幾耐，有冇自動自覺提議想練琴，如果兩個都學鋼琴，咁一定係買真鋼琴
如果小朋友會自動自覺練習 唔駛日哦夜哦就買
要睇小朋友係咪真心想學想練習
如果日哦夜哦先掂下個琴 就租
我小朋友曾經學過兩年琴,好彩個琴係人地比 唔駛錢,唔肯練琴,見到眼火爆,兩年後同個琴+學琴老師byebye
初初學 唔駛咁心急,可以租下琴行練習,睇左小朋友興趣先
剛學唔買
租或去琴房
直至小朋友主動彈琴練琴
2個讚
學左幾堂而已，但隔日就會自已拎個‘ 玩具‘ 琴仔’ 練，都有點熱誠。
咁個琴都叫做用左兩年，都唔錯呀
哪最後賣返出去定比返朋友？
你響邊琴行學？
未必，因為我想佢地日日得閒練少少練少少，多過轉登book 一小時在琴行練，咁會多d 彈性。
1個讚
不是琴行，在會所book 鋼琴室老師上門教。
Carousel buy and then sell if you want to upgrade.
首先，咁樣去琴行租住琴室好過用玩具練，玩具似終唔係真，頭一個月或者ok，但好快唔得。
第二，長遠係要買，但老實講，我估你講$10000鋼琴應該都係二手，你要小心D，哩個價可能唔係點買得落手，我怕你買咗D個樣睇得但嚴重內傷，用唔到幾耐，你要預個二手琴起碼用到十年以上先值得買返屋企，因為好難搵人肯接收一個有問題嘅琴，到時又賣唔出，送到冇人要就煩。
第三，我覺得你暫時去租住琴室先，但最好咪租太耐，最好係租到一個返屋企用。最後儲多小小買個好D。
1個讚
一定係租，起碼半年都見到佢地係有熱誠先會買
我d女學到兩級就冇學，個琴擺係到十年。最後諗住送比人都冇人要，最後好難先揾到個收琴既肯收
點學點練點心態人人不同，經濟角度一定買，周圍望下大把移民琴放，部份急住走平到您唔信。
1個讚
鋼琴貴買平賣，唔值錢。 可以既暫時book 琴房練住， 到真係感覺小朋友真係有興趣才考慮買
1個讚
對對，是買二手的。 我相信會最少都學2年，以lum sum 黎計，無論租定買，其實價錢黎計差別唔大。
租定買，其實我都唔識睇裡面係咪已經壞，不過諗諗吓，如果租嘅話我都仲可以追究間公司要求換，但買咗就真係只可以自己硬食。
都係彈性問題，兩個小朋友放學時間唔同，又每日練一陣，加上疫情，所以只諗租/ 定買二手。
Thanks! 我會留意下。
請問點搵到呢類琴？
買琴應該叫個識揀嘅同你去，特別係上去人哋屋企買，更加要小心，因為之後真係冇得追。就算換零件可以解決問題，但都會好貴，而且唔知換幾多至搞掂。
租返屋好D囉，起碼琴行會定期跟進同保養，租個平嘅，之後想改租個貴D又可以，彈性大好多。
買啦; 租一年都3500, 兩年就7000
你賣番出去都收番幾千