貼一次被delete一次，咁我幫下佢喺呢度宣傳啦
屯門姊妹留意：
原post:
天下貓貓刪左po，唔知係樓主刪定 admin 刪
我一定幫你po番，大家都幫手推多次
唔好幫襯，屯門欣田村街巿豆腐檔 (麵包舖對面嗰檔)
====================
唔關領養事
但我真係好嬲 好想比其他人知呢家人嘅所作所為
呢隻狗住喺我隔離
我搬嚟咁耐就日日見佢係露台困足咁耐
我睇唔過眼 同佢主人了解點解會咁
呢家人就話佢哋好忙 平時唔得閒放狗
我心諗你無時間學咩人養狗
咁我就提議不如我每個星期幫你放佢一兩次
好過佢日日困係露台
佢哋話好
我次次見親佢都成身屎尿 啲尿漬多到連沖幾次涼都沖唔走 我唔忍心見佢咁 隔個星期就偷偷幫佢沖涼
呢幾個星期日日都三十幾度 我問佢哋可唔可以放佢入屋 佢話同佢屋入面隻狗唔夾
到今日 佢先同我講今朝隻狗係露台死左
仲好似若無其事咁話唔知點解
我真係忍唔到罵佢哋無人性
隻狗死左都唔知
呢幾日熱成咁都唔知係咪中暑！
其實我之前已經搵個義工但佢哋話無犯法根本吹佢唔脹
好好地一條生命就係因為比佢哋疏忽照顧同虐待所以死左！
呢家人係屯門欣x村街巿開豆腐檔 (麵包舖對面嗰檔)
大家記住認住呢間舖 唔好幫襯佢！
