我係今年4月浸會醫院無痛分娩生左7磅10既仔仔，過程係超級順利。希望係呢度分享下我既分娩經歷，俾各位參考下。
我係一個超級怕痛既人，試過煮飯介親手都驚到暈。所以當時一知道自己有左，就決心打無痛，因為似乎順產同開刀都避唔開痛，而無痛有機會痛少啲。
39weeks5days一起身發現底褲有pat暗紅色既分泌物，但係之後又無啦，加上我完全無陣痛感覺，就如常生活啦。去到下午好似有少少痛，好似平時谷M咁，直到夜晚十點半好似又搞肚痛嘅感覺，跟住越嚟越頻密。我都唔知個種叫陣痛，直至我用個app count住個pattern,先發現每7分鐘一次，可以入院啦。
去到醫院半夜12點，痛開始強烈，姑娘同我做咗入院手續之後，幫我度宮頸已經開左三度啦！於是我即刻request打無痛，由於係半夜時間，麻醉科醫生唔係醫院，但都係等咗大約20分鐘左右。佢係脊椎打咗支無痛針，有幾秒好痠～好快下半身已經有麻麻地既感覺，痛既程度細左。過幾分鐘，醫生黎左，幫我人手穿水，再落重催生藥（佢話無痛麻醉最多用6-8個鐘，如果唔係有機會發燒），之後就feel到超級痛，我即刻問姑娘可唔可以加大無痛劑量，加到最大後再俾我聞埋笑氣，隔十分鐘左右，我又再次無感覺啦！姑娘再幫我check多次宮頸，已經再到九指半，可以生得。我push幾下就生左出黎。入院到生都係用左4個鐘15分鐘。
由於用左無痛，全程陣痛都係可接受範圍內，什至產後清理胎盤，縫線都無感覺啦。今次分娩體驗好滿意，我覺得無痛令我克服左人生最大恐懼。
希望可以俾考慮緊打無痛既媽媽打枝強心針，生仔原來無我想像中咁恐怖嫁～
第一次post文，打字唔叻，有咩想知問我啦！
