差唔多2個月啦
工人到依家都唔係好識掌握到奶粉溫度
見佢不時都會沖得過冷過熱
教過佢好多次都沖唔岩
要我幫我調返好溫度
但返工或者出街真係唔知點算
唔知有咩方法可以令佢改善
大家有咩意見?
- 有 d 樽可以顯示水溫是否合適
- 講清楚凍水/熱水分別幾多 ml，你要試好先話佢知
- 溝通好重要
叫佢少少、少少咁落！
先少少凍水（溶左啲粉先）再少少熱水，再加啲凍加啲熱！
記住！工人一般都需要「畫公仔畫出腸」
唔怕講多句！
依家仲有時間，每次都叫佢開！睇住佢！
唔好出手，用口講，比佢感受下咩係「岩既溫度」
會吾會係特登玩野？聽過有啲工人特登扮唔識做，搏做少啲野。工人新請？ 
屋企有冇紅外線額探，教佢用來探奶溫度，要到幾多度先至得，過熱就沖水，過冷就坐落杯熱水度，之後再量一次，我之前都係用呢個方法，因為熱凍好抽象
買部沖奶粉機, 按制就得.
1個讚
買部可以出指定溫度水既熱水機
我睇片見過有機係可以沖奶。
工人佢自己國家冇呢方面知識，唔係咁樣湊 B 嘛，所以你要畫出腸要一步一步教，少少咁落，你用口教，邊度唔啱就即刻指正返。落個紅外線探溫，畀佢知道自己離「合格」差幾遠。每個人感受凍熱都唔太一樣，冇標準，難跟。
1個讚
我見有款係將沖好支奶放上去測溫度,好好用,熱就拎去座涼,唔夠熱就座返熱,好好用,唔使估估下
係呀
我真係講埋份量比佢
係佢面前示範埋
點知轉個頭又重蹈覆轍
兩年前照顧99請番來
佢照顧99係照顧吾錯
平時湊BB都OK
但就係唔太識沖奶囉
曾經睇過，但又未諗住特登花錢買部機
無計，佢哋鄉下可能餵人奶多！
依家唯有每一次都金晴火眼望，每次講！
（重複都做岩為止）
Hope for the best
正想咁講！
啲研究同報導反而係話喂人奶好少，因為喂人奶冇得去搵錢。
不過我聽過印尼啲土法養 B，有喂過唔係奶嘅物質畀 BB 食，好多都天生天養佛系養 B。所以就算個工人生過仔都唔一定識喂奶。一定要 step by step 教小朋友咁教。
認同！
我都請過生4個但乜都唔識！真嘔血！
又請過工人同我講「從來未掃過風」（佢自己有小朋友，自己湊）
對我黎講非常震驚
唔係掛？！掃風都冇，呢個驚人啲喎，以前啲唔識字村姑都識同自己個 B 掃風！我睇過印尼網站都有教話要掃風。除非真係來自非常落後嘅村落本身連電話上網都冇，咁就真係唔怪得乜都要親手教 
係啊
不過如果受教既我又唔怕重新教過！
乜都教乜都講多句就實冇死
我想買呀？邊度有得買？
依啲要教架
唔好期望佢哋會好比心機