請問有冇小朋友讀緊? 之前有新聞, 似乎管理有問題, 有啲擔心.
坦白講
真係有好多呢啲負面新聞
特校 多sen 學校通常都有問題
幼稚園應該好d 掛
派咗成個月間中心都冇個電話打嚟, 打去問話搵人覆我但三日都冇人打俾我. 個位唔要就咩都冇要重新排, 唉…原本有啲擔心而家非常擔心.
你有冇打番俾個案社工，叫個社工打俾間學校問吓而家咩情況
個社工反而好似唔係好清楚咁, 仲問番我轉頭, 話知道間學校幾時開學話番俾佢知…
吓……你個社工咁不負責任嘅
不過有d社工要勁chur 先會跟得好d
其實呢個已經唔知第幾個, 算係比較好, 至少係搵到佢同埋佢會覆我電話msg…
我去其他group問呢間中心, 都好似冇咩回應咁, 好的comment都係講緊10年前的, 而家唔知點, 本身幼稚園嗰邊退咗學, 中心呢邊又冇聲氣, 我開始覺得我係咪揀錯咗唔應該俾個仔入去…但你叫我俾私人訓練我又冇咁大財力.
仔仔個狀況唔適合接受I位或O位服務？
咁社工知唔知仔仔已經退咗學，叫佢再跟緊d
同埋S位個邊本身有冇主動聯絡過你？
最近阿仔進步咗好多, 不過當初評估佢排S位, 醫生社工又話S位全面啲幫到佢所以照排, 而家排到唔要就咩都冇.
叫咗社工跟緊啲, 希望呢個幫到手
S位嗰邊冇聯絡過我, 我打去都係話會叫人覆但最終冇人打過俾我, 所以令我仲擔心, 睇嚟呢間嘢admin真係有啲問題
有機會個邊未收到呀仔個評估資料，所以未有聯絡你
好驚喎, 社工未覆我…
佢個網頁開番嘞, 嚟緊安排面見, 社工話會睇阿仔進度分班.
不過唔知有冇得番全日呢? 好似因為疫情而家都仲係得半日班.
開咗學嘞, 暫時都幾順利, 阿仔肯番學冇喊, 老師都好細心跟得好足. 睇嚟今年都係得半日班, 叫做好過冇咁啦.
9個讚
因為見阿仔番學番得開心, 所以都响呢度分享下
入讀之前都幾擔心, 因為網絡上好少有學生家長分享, 有的都係好多年前, 最近期的都係中心有職員中武肺單負面新聞, 所以派到嗰陣都十五十六. 但因為社署政策係你派咗就一係要, 一係就咩都冇, 所以就唯有硬食.
但阿仔番咗兩個半月, 發覺佢個人開心咗又多咗嘢講, 老師都跟得好足, 好多時都會打俾我UPDATE下佢進展, 會俾好多意見我點做家居訓練, 中心又會攪啲講座俾家長, 對家長都好大幫助.
當初我對特校其實都有啲抗拒, 怕阿仔會俾人恰又唔識講, 但中心職員老師姑娘治療師的表現, 令我對特校改觀, 人手比例一定好過普通幼稚園, 而且有專業的治療師睇住, 比之前1個月番6節E位training好好多. 所以我而家都放心好多.
5個讚
我記得你依個post，見到你小朋友返得開心就好喇，祝福你們。
2個讚