人生第一次請工人，因為屋企唔比辭職，話在家又未必做到野，辭咗就返唔到轉頭。個工人和其他網上見的樣子差不多，頭幾個月好，之後由零星駁嘴推卸說謊到恆常活動。雖然基本要做的還算做到，但駁嘴這點真係讓人反白眼。不是說主人講的肯定是對，但望住佢示範係A佢都話係B，即時讓人不想再跟她溝通。現在也基本上没跟她說甚麼除非必要。就算再請應該都不一定好，可能更差。如果有公司可以返半日的話，應該就可以不用請工人，但錢應該也不多…也應該冇咁既工
1個讚
唔係呀，以前我媽咪請過有幾個好好，就算而家都仲keep住有聯絡
話中間冇磨擦就呃你嘅，大家識做囉，同埋我媽咪又好照顧佢哋
不如你同中介公司傾吓先啦，可能文化唔同，佢哋會幫你轉達或者再培訓個姐姐
我agent 教，覺得工人做錯嘢，唔使同工人理論，直接叫佢做返啱，再錯就叫佢再做，直到佢做啱為止就得。
3個讚
呢樣野係雙向嘅。 工人都係人，一日對住老細 24小時，自專心重，又要 free 嗰種性格很難做得好。
另一方面，現在請工人普及化，80年代唔係人人請得起，supply and demand 都少，主人和工人質素會高啲。 僱主本身都要有個強大嘅氣場，屋企入面請個人，即係成為上司，無管人嘅命去管人係好痛苦，同樣，無公主命嘅工人患上公主病，一樣痛苦。
人夾人!有 d 真係請到個好工人.有 d 工人姐姐有脾性,唔夾就換個夾,無謂忍,要比錢既!唔好都要忍成年,好既梗長做啦!
當然再請又唔知好唔好,但請工人真係睇手神!
請過3個好嘅工人，第3個而家仲做緊
其實遇唔遇到好真係靠運，曾經請過啲激到嘔血嘅工人，唔想自己勞氣唯有補錢送佢走
不過以前請工人冇咁麻煩，送走一個第二個都好快到，而家要炒工人真係要三思，分分鐘幾個月第二個工人都未到
都係呻下，也知自己家現階段無條件唔要工人
咁又唔係，工人都係人，都有自己性格，係你唔好彩遇到個性格唔好嘅姐姐。
我家姐姐都有駁咀，但都係好嘅提議～
請好姐奻真係睇彩數。
1個讚
衰既大家會攞出黎講，好既大家少d講姐。好工人都係唔少既。
同埋好壞有時好睇夾唔夾。雖然控制唔到請左工人既質素，但我地可以用d管理技巧，同埋可以用溝通技巧令雙方夾d
好嘅冇人講姐。
1個讚
請過一個好既，好錫我仔女，又做哂d 家務，我都好佩服佢點解咁勁一對手做咁多嘢。後尾佢要番去結婚生b, 我都打左金呃俾佢多謝佢。
唔知係咪第一個太好，之後請個2個都唔係好滿意，不過冇大過錯就由佢囉。
1個讚
咩工種都有好同唔好，我覺得機率都係一半半，所以都係睇彩數。
當然我覺得世界上無人完美，大家全日一齊住，一定會見到唔好嗰方面，唯有調整自己心態，如果對方工作能力有六七成，我覺得都可接受。
1個讚
該主題在最後一個回覆創建後30天后自動關閉。不再允許新的回覆。