話說計劃下年4/5月出發，咁我就開始努力睇資料，但係男人就無睇過，有一日我同佢講，叫佢睇下嗰邊既勞動市場係點，有咩工可以返，佢自己想做啲乜，佢話我成日都係睇英國，又成日同佢講，覺得好大壓力
我同佢解釋，而家睇定啲資料，計劃定幾時要申請啲乜野，準備好到時唔會搞唔切或者瀨野。(我地小朋友連passport都未有，TB test未book)
佢話趕唔切咪遲啲先去囉，佢話佢嗰時去澳洲working holiday乜都無準備就出發，船到橋頭自然直喎。
我既睇法係佢嗰時自己一個人去澳洲working holiday，當然簡單好多，大不了咪返香港，而家situation 唔同，未必有得話咁易就返黎，同埋要帶埋小朋友，自己唔食小朋友都要食，佢連申請Visa 要搞幾耐，TB test有幾full都完全唔知。我而家好怕去到之後，好多野佢都9衝，到時我同小朋友都唔知點算。
請問大家，係唔係我太急?
好明顯，你老公並不想移民，或者根本唔想去英國
好明顯，你老公同正常男人一樣，做乜都中意拖。一傾親正經野就有壓力。
你自己睇住先啦，過幾個月再同佢講要開始準備D咩佢就會開始郁。
我相反，test都book 好快會做，但仲未達成共識幾時走。 一傾相關野，一講太太就唔出聲。 全家Visa 差我未ready。
樓主自問決斷力同執行力點樣先? 如果你兩樣都高, 另一半"HEA"D都唔死得人, 但如果你自己都係麻麻, 為左小朋友, 唔該懇切D傾下係咪真係要走, WORKOUT一個時間表出嚟執行同REVIEW, 如果小朋友唔係10-12歲果D尷尬位其實又真係可以慢慢搞嘅
佢都想走，只不過英國唔係最理想既地方，但係又去唔到其他國家，而家走難，唔再輪到我地去揀，呢樣野佢都明既。
我地係想係小朋友入學前走，想過到去搞掂啲野再揾學校，但係佢乜都無睇就諗住入學前9月前去到就得，但報學校係要2月報。
我決斷力同報行力一般咋，但我知道有啲野迫到埋黎我無得再hea, 同埋佢好鐘意有咩唔妥就complain, 所以我習慣左有咩都同佢商量左先。
TB test 又未至於話急到咁
只係overall你老公唔想郁唔願走大wok d
係佢一開始話要走，佢自己仲要去揾睇相佬問下走唔走
，睇完之後個睇相佬話走架。
我諗佢真係唔願郁，所以我郁，但我郁佢又話我太緊張，搞到佢大壓力。
唉！我都唔知點做好
呢句就係所有男人嘅共同回覆 
我覺得一個人攪都ok，我都比左c6 去攪
我全部自己攪嘅
男人系咁
我都係自己攪哂，我老公睇都無睇過，就來去邊個城市住都唔知，佢英文又唔好又懶懶閑，我好羡慕有老公會一齊睇，但一個人攪又有好處架喎，唔駛有時意見不合
你出年4，5月又唔駛甘急，可以慢慢睇，我都係半年前plan定。
似乎我應該自己搞，唔好理佢
但係有啲野我唔知，例如買車，同埋佢可以做咩工
因為我要湊小朋友，要佢一個人去返工
但係，我已經唔想再同佢傾，我攰了
做工呢d而家睇都唔駛住
唔使咁急，佢未急你自己搞住先，到年尾先揾佢幫手，我哋都係近來先定到落腳點，定到其他野就好易一步步嚟
請問點解會話小朋友10~12歲尷尬？有咩特別要注意？
exactly!!
你有timeline 你知道要傾 但一同佢傾佢就會好似唔知點解突然個天跌落黎咁大壓力
唔理佢 自己都唔理喇 到臨急臨忙時佢就會話點解唔早d搞啊 
你自己慢慢做，一步一步迫佢
我會自己搞，安排好曬，之後佢配合番就ok. 最緊要唔好到時多多聲氣！
如果佢可以做到遵從你安排，
其實舒服過樣樣參與，樣樣彈。