元朗定大埔校網好d呢？

[dolphinsky]

小朋友今年讀k1, 正考慮小一校網。
我住天水圍，阿媽住大埔

因為平日要返工，所以mon-fri阿囝都放係阿媽度湊， sat and sun 湊返天水圍

但黎緊小朋友開始讀書，我都想mon-fri都收工自己跟下d功課。

如果小學大埔讀就要搬屋，阿媽幫我湊朝早，我收工接返去

如果讀元朗就要請工人，幫手接下返學放學，順手做下家頭細務同煮飯

其實都知兩邊校網都唔叫top, 但如果比較起上黎邊邊好d?

[Babyfox]

唔講校網，純粹講接觸到嘅親戚朋友，
住大埔嘅人整體上都係比元朗嘅好啲，

可能大埔風水好過元朗，

[CaCaLok]

身邊好多朋友呻個工人唔好，好工人難求

[ocelotofun]

一定要二揀一的話就揀大埔，因為裝備得好嘅話，小學同升中叩門可以叩沙田嘅學校，大埔去沙田都好近。