我同老公打算喺仔仔(而家就嚟兩歲)升小學之前移民去英國，而家仲好唔好喺香港買樓收租呢？
本身有一層樓，挨咗一段時間後，而家有機會可以買多一層樓，但如果買多層樓嘅話，就會動用咗一大半積蓄，買英國樓又怕隔山打牛會買錯… 
買香港樓又要等3年先唔駛比SSD, 你都諗住走就梗係唔好喺香港買啦，而家又唔係平
3個讚
如果你係想要rental yield 而唔係capital gain ，咁緊係去英國買樓收租啦！
而且你係準備移民架嘛！
樓上講得啱，你仲要考慮香港買樓有SSD，點計都應該係英國買
2個讚
香港樓都係自住啦，出租其實唔係好保障到個業主
我估樓主移民都係因為對香港前景無信心
以前買落無得講啦 但係仲諗而家接貨 即係對香港仍然有信心?
2個讚
係喎、反而人走錢唔走？
1個讚
買左樓既話，去英國之前會唔會賣？
如果賣，要俾SSD。
如果移民後幾年先賣，匯錢去英國，會收重稅。
如果移民後幾年先賣，筆錢唔去英國，留係香港有無用途？如果用來給留港老人家家用，就可以諗下。
仲有個政治風險，幾年後唔知港共如何限制資金流動。
1個讚
今時唔同往日
而家仲買又諗住走的話即係你打算唔賣, 賣左去英國又要比CAPITAL GAIN TAX!
唯一仲可能買嘅就係你個租金YIELD夠高 (但你要確保你順利收到租先好, 其實租金都要交英國稅, 你計到稅後有幾多落袋?), 或你想趁香港有工作時上埋會低息借錢食盡個槓桿再投資?!
1個讚
我反而覺得人唔走，錢都要走
呢個時勢無理由仲入巿，唔係話覺得樓價會跌，真心覺得遲啲啲錢會越來越難走
1個讚
所以唔係好明、唔走得住自住一層都算啦、始終有細路仔係方便d、但再加碼就唔會啦、起碼分散投資
1個讚
Exactly!
其實而家唔係即刻動身移民Somehow係因為錢，喺香港有長老幫手湊小朋友咁我可以返工，但去到英國就要自己湊搵少咗錢。我哋幾年前係一直想擁有兩層樓嘅(為咗要capital gain)，而家有機會做到，但香港而家咁樣今日唔知聽日事，坦白講我自己傾向唔買第二層，因為liquidity低咗，萬一急起上嚟要盡快走去英國，啲錢就hold住哂喺啲樓度，同埋三年內capital gain未必cover到SSD。
開post係想睇下大家會唔會有咩諗法係我哋自己諗漏咗，怕錯失咗呢次買樓時機之後會後悔。 
係喎，我哋冇諗過呢個做法。 
我剛賣出放租樓，諗住去英國置業添～
我以為自己都算賣得好價，原來大家仲咁想入市，早知叫高啲啦～
我做咗6年放租業主，覺得喺香港放租真係無乜so，管理費年年加，租又無得加
我朋友間樓 放一日 個買家睇一次就俾票喇
其實樓市真係好熱刺 
我個單位無樓睇嘅，放盤三日，復活節假第一日就賣出，係市價。都唔平㗎（我覺得），但無睇樓都照俾票。
我諗到今日應該已升咗二十萬，恭喜新買家
咁如果你地覺得之後香港PROPERTY MARKET都會繼續升嘅咪入市囉, 好多人都仲講緊"剛性需求", 我覺得而家市場就係消化緊呢D需求, 咁啱呢排好多人因為信心問題想甩手上物業(比較無咁錫貨), 所以議價空間大左, 大家一拍即合, 成就好多成交…
但後市邊個睇得通呀? 學你話齋物業投資 LIQUIDITY 低, 始終係比較大銀碼, 又會責住D錢, 如果手頭好充裕即使物業丟空, 銀行加息, 樓價跌都頂得住咪去馬囉, 投資嘅嘢係對自己負責啫
最緊要計掂條數, 你而家入市個YIELD有幾%? 供樓而家一般做緊H+1.3%, 實際利率可能1.38%左右, 當你有4%租金, 減供樓利息又加返MORTGAGE LINK 有0.7% = 2.X%-3% , 減埋物業稅管理費差餉, 可能得厘幾?! 咁你回報真係純睇大市升跌 (其實即係紙上富貴), 並唔能夠為你帶來現金流, 萬一後市跌更加蝕入肉
我係你會寧願留錢買股票債劵, 因為你已經有一層物業在手, 而PORTFOLIO不應太側重於其中一樣資產
大屋苑真係日日升
Same here，剛賣樓，本身買家想鋤價但我堅持企硬，佛誕個日同agent講今日簽就呢個價，聽日簽就再傾，嚇到個買家當日即俾票，不過之後有錢唔會再買樓收租，煩到嘔，買REITS收息好過
其實都係, REITS派息比率高, 又可自己配置組合, 甩手又方便, 其中一隻我2月入嘅REITS 到今日股價升左14%, 加埋派息6.5%, 帳面已經有20%, 點解一定要買物業呢?
其實放租舊樓個yield好高，我有層樓做6成按，未減供樓個息回報都成6厘幾(全年12個月都租出計)，我供完樓交埋管理費仲有成千蚊袋，不過搞租務好煩同要預有野小修小整，如日後有錢發左達唔會再買樓收租